¹ Lino inzila yakaba munyika, kutali inzila ntaanzi yakaliwo mumazuba a Abbulahamu. Ayizekki wakiinka kuli Abbimeleki, mwami wamu Filisitiya ku Gela. ² Lino Jehova wakalibonia kuli nguwe akuti,'' utayinki ku Ijipita,'' pona munyika eyo njindakakubuzya kuti upone mulinjiyo. ³ Kkala munyika njiyeeyi, alimwi ndiyooba anduwe alimwi ndiyookulongezya, mbuuli kuli nduwe alimwi akuzyalane lyako, ndiyookupa nyika eezi zyoonse alimwi ndiyokuzizikizya chikonke echo nchindakakukonkezya kuli Abbulahamu wuso. ⁴ Ndiyovuzya zyalane lyako mbuuli nyenyezi zyakujulu, alimwi ndiyoopa kuzyalane lyako nyika eezi. Kwiinda muzyalane lyako zisi zyoonse zyanyika ziyoolongezegwa. ⁵ Ndiyochita echi nkaambo Abbulahamu wakalemeka jwi lyangu alimwi wakabamba malayilile angu.'' ⁶ Aboobo Ayizekki wakakkala mu Gela. ⁷ Elyo mwaalumi wabusena naakamubuzya aatala amwanakazi wakwe, wakati,'' muchizi wangu.'' wakwaamba kuti mwanakazi wangu,'' nkaambo wakayeeya kuti,'' mwaalumi wabusena oobu ulandijaya kuti abweze Libbekka, nkaambo mubotu loko.'' ⁸ Kali Ayizekki waba oko kwachiindi chilamfu Abbimelekki, mwaami wama Filisitiya zyakachitika kalangide anze aampulumguzyo wakalanga, wabona, Ayizekki kaliikubukusa Libbekka, mwanakazi wakwe. ⁹ Abbimelekki wakayita Ayizekki kuli nguwe alimwi wakati,'' Langa,nchobeni mwanakazi wako. Nkaambonzi niwati, 'muchizi wangu ?' '' Ayizekki wakati kuli nguwe,'' Nkaambo ndayeeya kuti umwi ulabona wandijaya kuti amubweze.'' ¹⁰ Abbimelekki wakati,'' Niinzi eechi nchuwatuchitila ? umwi wabantu ulabona chamuubila koona amwanakazi wako, alimwi wayinoyeta mulandu alindiswe.'' ¹¹ Aboobo Abbimelekki wakachenjezya bantu boonse alimwi wakati,'' kufumbwa uujata mwaalumi ooyu nikuba mwanakazi wakwe kasimpe uyoobikkwa kulufu.'' ¹² Ayizekki wakabyala zilyo munyika eyo alimwi wakatebula muli nguwo munyaka mwaanda ayindulwidwe, Jehova wakamulongezya. ¹³ Mwaalumi wakabaabwami, alimwi wakakkomena akukkomena alimwi zyingi kusika kusikila waba mulemu. ¹⁴ Wakali aambele zyiingi angombe, ampuli, mpati. Mafilisitiya bakabaabbivwe kulinguwe. ¹⁵ Lino zikkala zyoonse zyakasyidwe abalanda bawisi mumazuba Abbulahamu wisi, Ma Filisitiya ¹⁶ bakazyiimikizya akuzizuzya muse. Abbimelekki wakati kuli Ayizekki,'' zwa awa kulindiswe, mbuuli kuti ulaanguzu kwiinda ndiswe.'' ¹⁷ Aboobo Ayizekki wakeenda kuzwa awo alimwi wakaakukkala mumumpata wa Gela,alimwi wakapona nkukoko. ¹⁸ Alubo Ayizekki wakafukulula lubo zikkala zyamanzi, nzibakasyide mumazuba Abbulahamu wisi. Mafilisitiya bakali bazimikizya kuzwa naakafwa Abbulahamu . Ayizekki wakayita zikkala amazina omwe ayo wisi ngakakali kuzyita. ¹⁹ Chiindi balanda ba Ayizekki nibakasya mumampata, bakajana nkukooko chikkala chizwa maanzi ayenda. ²⁰ Bembeli ba Gela bakalikukkazyania abeembeli ba Ayizekki, alimwi bakati,'' Aya maanzi ngeesu.'' A boobo Ayizekki wakayita chikkala eecho kuti Isekki,'' nkambo bakakkazyania anguwe. ²² Mpawo bakasya chimbi chikkala, alimwi bakakkazyania anchicho, lubo , aboobo wakachipa zina lya ''Silna.'' ²¹ Wakazwa oko alimwi wakasya lubo chimbi chikkala, pesi tebakakazyania atala anchicho. Aboobo wakachuuzika kuti Liwoboti, alimwi awakati,''Lino Jehova watupa mweenya alimwi tuyozwidilila munyika.'' ²³ Mpawo Ayizekki wakeenda kuzwa awo kusika ku Bbiyeshebba. ²⁴ Jehova wakalibonia kulinguwe mansiku ngayayo alimwi wakati,'' Ndime Leza wa Abbulahamu wuso. Utayoowi, ndilaanduwe alimwi ndiyokulongezya alimwi ndiyo vuzya izyalane, nkaambo kamulanda wangu Abbulahamu. ²⁵ Ayizekki wakayaka chipayililo nkukooko alimwi wayita kuzina lya Jehova. Oko wakasyidila tente lyakwe, alimwi balanda bakwe bakasya chikkala. ²⁶ Mpawo Abbimelekki wakeenda kulinguwe kuzwa ku Gela, kali a Ahuzati, mwenzinyina, a Fikkolu, mupati waba silumamba bakwe. ²⁷ Ayizekki wakati kuli mbabo,'Nkaambonzi nimuza kulindime, mbuunga ulandizonda alimwi wanditandila kule kuzwa kulinduwe?'' ²⁸ Mpawo bakati,'' Twabona chaantanganana kuti Jehova walaanduwe. Aboobo twayeeya kuti kwede kube chikonke akati kesu, iyi, akati kesu anduwe. Aboobo atuchite chizuminanao anduwe, ²⁹ Kuti taakwe, nikuyo tuchisa, mbuuli mbutwakatakuchisa, alimwi mbuuli mbutwakakaujata obotu alimwi twakakweenzya mulumuno. Nchobeni, alimwi ulilongezezegwe a Jehova.'' ³⁰ Áboobo Ayizekki wakachita pobwe kuli mbabo alimwi bakalya akunywa. ³¹ Bakabuka chifumofumo, alimwi bakakonka chikonke kuli umwi awumwi. Mpawo Ayizekki wakati ngababweede, alimwi bakamusiya muluumuno. ³² Ndilyonya ndilelyo zuba balanda ba Ayizekki bakaza alimwi bakamubuzya atala achikkala nchibakali basya. Bakati,'' twaajana maanzi.'' ³³ Wakayita chikkala kuti Shibba, aboobo izina lya muunzi oyo litegwa Biyeshebba kusika sunu. ³⁴ Eelyo Isawu naakaba aminyaka ili makkumi aane, wakakkwata mwanakazi Juditi mwana musimbi waBiiyeli mu Hitayiti, alubo Basemati mwana musimbi wa Eleni mu Hitayiti. ³⁵ Bakeeta nsoni kuli Ayizeki a Lebeka.