¹ Abbulahamu naakabweza uumbi mwanakazi; izina lyakwe wakali Kketula. ² Wakamuzyalila Zimulani, Jokoshani, Medani,Midiyani, Ishibbeki, a Shuwa. ³ Jokoshani wakaba wisi a Shebba a Dedani bakali bantuma a Siliyeni, Letushi, alimwi abantuma Lewumi. ⁴ Bana balombe ba Midiyeni bakali ba Efaha, Efa, Hanoku, Abbida, a Eludaha. Boonse aba bakali babuzyalane bwa Ketula. ⁵ Abbulahamu wakapa zyoonse nzyakavubide kuli Aizekki. Nikuba boobo, awo nakachilikupona, wakapa zipo ⁶ kubana balombe babamwi banakazi akubatandila kunyika yakubuzyezuba, kule a Ayizekki, mwana wakwe. ⁷ Aaya akali mazuba amyaka yabuumi bwa Abbulahamu njaakapona, imwaanda amakkumi musanu ama kkumi obile aali aminyaka musanu. ⁸ Abbulahamu wakayoya chakwelelezya alimwi wafwa mumwelwe mubotu wachiimo chakukomena, imwalumi mupati uuli abuumi buzwide alimwi wakali bungikene kubantu bakwe. ⁹ Ayizekki a Ishumayeli, bana bakwe balombe bakaamuvwika munkumbwi ya Makkipelaha, mumuunda wa Efoloni. Mwana mulombe wa Zohola mu Hitayiti, uuli afwifwi a mamule. ¹⁰ Ooyu muunda Abbulahamu wakali wuula kuzwa kubana balombe ba Hitayiti. Abbulahamu wakavwikkwa nkukooko amwanakazi wakwe sala. ¹¹ Musule alufu lwa Bbulahamu, Leza wakalongezya Ayizekki mwana wakwe mulombe, alimwi Ayizekki wakakkede afwifwi a BiyaLahayi Loyi. ¹² Lino aba bakali babuzyalane bwa Isyumayeli, mwana mulombe wa Abbulahamu, Hagali muna Ijipiti, mubelesi wa sala, ngwakazyala kuli Abbulahamu. ¹³ Aya akali mazina abana balombe ba Isyumayeli, mbuuli mukutobelana kwabo mukuzyalwa: Nebbayiyoti mutaanzi kuzyalwa kuli Isyumayeli, Keda, Adibbela, Mibbisamu, ¹⁴ Mishima, Duma, Masa, ¹⁵ Hadadi, Tema, Jeta, Napishi, a kkedema. ¹⁶ Aaba bakali bana balombe ba Isyumayeli, aya akali mazina abo, kumyunzi yabo, amumayakalane aabo; ikkumi ababaili bana balombe babwaami mbuuli mumisyobo yabo ¹⁷ Eeyi yakali minyaka yabuumi bwa Ishumayeli, mwanda amakkumi otatwe amuasanu aminyaka yobile. Wakayoya kwamwelelezyo akwe mpawo wafwa ,alimwi kulibunga kubantu bakwe. ¹⁸ Bakapona kuzwa ku Havila kusika ku Ashawu, oko kufwifwi aku Ijipiti, kuti umwi kayenda kalangilide ku Asiliya. Bakapona mukusulana kuli umwi awumwi. ¹⁹ Eezi nzizyakachitika kazilangene a Ayizekki, mwana mulombe wa Abbulahamu. Abbulahamu wakaba wisi wa Ayizekki. ²⁰ Ayizekki wakali aminyaka yakuzyalwa ili makkumi one awo nakabweza Libbekka mbuuli mwanakazi wakwe, mwana musimbi wa Bbetuwelu imu Alamini waku Padani Alamu, muchizi wa Labbani imu Alamiyeni. ²¹ Ayizekki wakakomba kuli Jehova kuchitila mwanakazi wakwe, alimwi Jehova wakasandula nkombyo yakwe, alimwi Libbekka mwanakazi wakwe wakaba abula. ²² Ibana bakaputuuka antomwe mulinguwe, alimwi wakati,'' nkaambonzi ezi nizilikuchitika kulindime?'' wakayinka kukubuzya Jehova atala achechi. ²³ Jehova wakati kulinguwe,'' izisi zyobile zili mubula wako , alimwi bantu bobile bayowanzanisigwa kuzwa mulinduwe. Muntu omwe uyoba anguzu kwiinda umwi, alimwi mupati uyogwasya munini.'' ²⁴ Nichakaba chiindi chakuti atumbuke, amubone, mwakali mabile mubula bwakwe. ²⁵ Mwana mutaanzi wakazwa aanze kasalala koonse mbuuli chisamo chilaaboya. bakamwiita zina lyakwe kuti ngu Isawu. ²⁶ Musule aboobo, mwanike wakwe wakazwa aanze. Kuboko kwakwe kwakajisilidi kasindi ka Isawu. Wakayitwa kuti Jakkobbu. Ayizekki wakali aminyaka yakuzyalwa ili makkumi musanu alimwi nakabatumbuka mwanakazi wakwe. ²⁷ Bakakkomena balombe, alimwi Isawu wakaba muvwimi uuli aluzibo, mwaluumi wamuuda, pesi Jakkobbu wakali mwaalumi uuwumwine, wakali kumana chiindi chakwe muzibbakasa. ²⁸ Lino Ayizekki wakali kuyanda Isawu nkaambo wakali kulya banyama mbakali kuvwima, pesi Libbekka wakali kuyanda Jakkobbu. ²⁹ Jakkobbu wakajika musinza. Isawu wakasika kuzwa kumulimu, alimwi wakali demukide mumafuwa. ³⁰ Isawu wakati kuli Jakkobbu, '' ndisanine amusinza oyu usalala. Inche, ndakatala!'' Nkinkaako izina lyakwe lyakayitwa kuti Edomu. ³¹ Jakkobbu wakati,'' saansina nduuzizye chelelo chako chakuzyalwa.'' ³² Isawu wakati,'' Bona,ndaamba kufwa. mbubotuunzi chelelo chakuzyalwa kulindime ?'' ³³ Jakkobbu wakati,''talika ukonkezye kulindime,'' aboobo Isawu wakakonkezya chikonke alimwi muli eeyonzila wakawuzya cheelelo chakwe chakuzyalwa kuli Jakkobbu. ³⁴ Jakkobbu wakapa Isawu chibunge amusinza wa Lentulusi. Wakalya akunywa, wanyampuka akweenda munzila yakwe. Mukuchita boobu Isawu wakanyansya cheelelo chakwe chakuzyalwa.