¹ Lino Jakobbu wakamvwa majwi aabana ba Labbani, akuti bakati, ''Jakobbu wabweza zyoonse eezyo zyakali zyandeende, alimwi ndubono lwandende lwamupa buvubi.'' ² Jakobbu wakabona ndangilo kumenso kwa Labbani. Wakabona kuti mizezo yakwe kuli nguwe yakali yasiyana. ³ Mpawo Jehova wakati kuli Jakobbu, ''Bweda kunyika yamawuso akunzubo zyako, alimwi ndinoli aanduwe.'' ⁴ Jakobbu wakatuma akwita Rashelu a Leya kumuunda kumbelele zyakwe ⁵ akubambila kuti, ''Ndabona kuti mizezo yawuso kli ndime yasiyana, pesi Leza wandeende wali andime. ⁶ Mulizi kuti ninguzu zyangu zyoonse zyapa kuti ndigwasye wuso. ⁷ Wuuso wandena alimwi wasandula bulumbu bwangu mumweelwe wakkumi, pesi Leza taana muzumizya pe kuti andichise. ⁸ Aanoli wamba kuti, ''Banyama balamabbata bayooba mufolo wako; mpawo lyoonse tanga liyoozyala bana bali amabbata. Aanoli wamba kuti, ''Izilamyengo ziyoba ngomufolo wako; mpawo langa lyonse tanga liyozyala bana bali amyeengo. ⁹ Muli eyi inzila Leza wabweza lubono lwawuso akulupa ndime. ¹⁰ Lomwe muchiindi chakuzyalana, ndakabona mumaloto basipule bampongo ibakali achembela atanga lyampongo,Bapule bakali aamyengo-myengo, bakali amabbata, abali abusenseele, abali amawubimawubi. ¹¹ Mungelo wa Leza wakati kuli ndime mumaloto, ''Jakobbu.'ndakati, ''Ndili aano.'' ¹² Wakati nyampula menso aako ubone boonse basipule bampongo ibali kuzyazya itanga. Bali amyengo myengo, zilamabbata mabbata azili amawubi mawubi, nkambo ndazibona zyoonseni Labbani nzyali kukuchitila. ¹³ Ndime Leza wa Bbeteli, ooko nkowakachita chizuminano kuli ndime. Lino nyampuka uzwe aanyika eeyi ubwede kunyika nkuwakazyalilwa.'' ¹⁴ Lakkeli a Liya bakasandula kabati kuli nguwe, ''kuli chimpanzi na kana lukono lwesu mung'anda yandeende. ¹⁵ Tali kutuchita mbuli bazwakule na ? Nkambo watuuzya alimwi walya walobya imali yesu. ¹⁶ Nkambo boonse buvubi Leza mbwabweza kuzwa kuli ndende bwaba bwesu lino abana besu. Nkiinkako linobu, kufumbwa nzyakwaambila Leza, uzichite.'' ¹⁷ Mpawo Jakobbu wakanyampuka alimwi wabikka bana bakwe balombe abanakazi bakwe amankamelo. ¹⁸ Wakabinga zyoonse zivubwa zyakwe kunembo lyakwe, antomwe alubono lwakwe loonse, kuswanizya azivubwa nzyakali wajana mu Padani Alamu. Mpawo wakatalika kweenda kuya kuli wisi Ayizeki kuyika ya Kkenani. ¹⁹ Awo Labbani nakaya kukugela imbelele zyakwe, Lakkeli wakabba boonse baleza bang'anda yawisi. ²⁰ Alimwi Jakobbu wakena Labbani imu Alamiyeni, akutamwambila kuti wakali kuyanda kweenda. ²¹ Aboobo wakachija azintu zyoonse nzyakali azyo akutozya kuchilundu chenyika ya Giliyadi. ²² Mubuzuba bwatatu Labbani wakabuzigwa kuti Jakobbu wakachija. ²³ Aboobo wakabweza inzubo zyakwe wamutobela ikwalweendo lwamazuba musanu aabili. Wakamwiinda muchilundu chenyika ya Giliyadi. ²⁴ Lino Leza wakeza kuli Labbani mu Alameyani muchiloto mansiku akumwambila kuti, ''Ubone kuti towambuli a Jakobbu nikuba mububotu kana mububi.'' ²⁵ Labbani wakamwinda Jakobbu. Lino Jakobbu wakali wayaka chibbakasa chakwe munyika yamuchilundu. Alimwi Labbani wakakkala enzubo zyakwe muchilundu chenyika ya Giliyadi. ²⁶ Labbani wakati kuti Jakobbu, ''Wachitanzi, kuti wakandena alimwi wachijisya bana bangu basimbi mbuli bazike benkondo? ²⁷ Nkaambonzi niwakenda chakusisikizya akundiyuba kotandambili pe? Ndakali kunokugwisya chakubotelwa anyimbo, mweembo katulizya miimbo. ²⁸ Tewakandizumizya kumyoonta bazukulu bangu balombe abana bangu banakazi lwanzano lubotu. Lino wakacita bufubafuba. ²⁹ Chilimunguzu zyangu kuti ndikunyonyone, pesi Leza wawuso ijilo mansiku wakandaambila kuti, ''Ubone kuti towambuli a Jakobbu izibotu kana izibi.'' ³⁰ Lino wachija nkambo wazimba kubweda kung'anda yawuso. Pesi nkambonzi niwabba baleza bangu?'' ³¹ Jakobbu wakasandula Labbani wakati, ''Nkambo ndakayowa akuyeeya kuti ulandinyanga bana basimbi nchindakenda chakusisikizya. ³² Kufumbwa wabba baleza bako takoyoyinkilila anembo akupona. Kaziliwo inzubo zyesu, saluula kuli nzindaazyo kufumbwa ichako ubweze.'' Nkambo Jakobbu takazi pe kuti Lakkeli wakali wabba baleza. ³³ Labbani wakanjila mubbakasa lya Jakobbu wakunjila mubbakasa lya Liya, amucibbakasa chabanakazi bobile babelesi, pesi takwe pe nakabajana. Wakazwa mubbakasa lya Liya akunjila mubbakasa lya Lakkeli. ³⁴ Lino Lakkeli wakali wabweza baleza bempuli, wababika muchibbula chankamela, akukkala etala ambaabo. Labbani wakafunuka kuyandula mubbakasa lyoonse, pesi tabajene. ³⁵ Wakati kuli wisi, ''Utanyemi, simalelo wangu, mukuti tendayimikila kunembo lyako, nkukuti ndili muchiindi changu chakusofwaala.'' Aboobo wakayandula pesi takabajana pe baleza bempuli yakwe. ³⁶ Jakobbu wakanyema alimwi wakakazyania a Labbani. Wakamwambila kuti, ''Nguuli mulandu wangu? Ncheechi chibi changu, eecho nchiwanditobelela abukkali? ³⁷ Nkambo wavwima mulizyonse nzendazyo. Niinzi nchiwajana kuli zyoonse zintu zyako? Zitondezye aawa kunembo lyenzubo zyesu, kuchitila kuti babone mubi akati kesu tobabili. ³⁸ Ndakali anduwe kwaminyaka makumi obile. Imbelele zyako mpwizi ampongo zyako mpwizi takwepe nizyakasowa, aboobo taakwe nindakalya inyama yambelele kuzwa kutanga lyako lyambelele. ³⁹ Tendakakwetela chakayawulwa amunyama. Anukuti, kubulika kwacho lyakaba penzi lyangu. Wakali kundibbadalisya woonse munyama wasweka, nikuba kuti wabbigwa sikati kana wabbigwa mansiku. ⁴⁰ Aawo mpundakabede; isikati kupya kwakandinyeela, alimwi impeyo mansiku; alimwi taakwe nindakoona. ⁴¹ Minyaka makumi obile ndali mumpuli yako. Ndakakubelekela minyaka ikkumi ayine nkelanga bana bako basimbi bobile, alimwi iminyaka musanu awumwi nkekulangila imbelele zyako. Wakasandula mufolo wangu myeelwe ikkumi. ⁴² Adokuti Leza wandeende, Leza wa Abbulahamu, ayooyo Ayizeki ngwayowa, bali andime. Nkasimpe kuti lino wali kunditanda chinkwamanza. Leza wabona kudyamizigwa kwangu akuti ndakabeleka chenguzu, alimwi wakakukaka ijilo mansiku.'' ⁴³ Labbani wakasandula akubuzya Jakobbu kuti, ''Ibana basimbi mbana bangu, ibazukulu mbazukulu bangu, alimwi iitanga lyambelele nimbelele zyangu. Zyoonse nzyobwene nimbelele zyangu. Pesi ninzi nzenkonzya kuchita sunu kubana babo mbibakazyala? ⁴⁴ Nkokuti lino, atuchite chizuminano, alimwi chibe chabukamboni aakati kako andime.'' ⁴⁵ Nkinkaako Jakobbu wakabweza ibbwe akulijimpa mbuli imbandama. ⁴⁶ Jakobbu wakati kunzubo zyakwe, ''Amubunganie mabwe.'' Aboobo bakabwezelela mabwe bachita mulwi. Mpawo bakalya mpawawo amulwi wamabwe. ⁴⁷ Labbani wakalyuzika kuti Jega Saha Duta, pesi Jakobbu wakalyiita kuti Giliyadi. ⁴⁸ Labbani wakati, ''Eeli idwi mbukamboni aakati kangu anduwe sunu.'' Nkiinkako izina lyalyo lyakateegwa Galiidi. ⁴⁹ Alubo lyiitwa kuti Mizipa, nkambo Labbani wakati, ''Jehova abone aakati kangu anduwe, aawo nitutachiboneki kuli umwi awumwi. ⁵⁰ Kuti tewakubajata kabotu bana bangu basimbi, kana kuti ukabweze bamwi banakazi batali bana bangu, nikuba kuti taakwe uumbi muntu ngutuli awe, boona, Leza ngukamboni aakati kako andime.'' ⁵¹ Labbani wakati kuli Jakobbu, ''Bona idwii eeli, alimwi boona imbandama, eyo njindajimpa aakati kako andime. ⁵² Eeli idwi ngukamboni, alimwi eeyi mbandama ngukamboni, ikuti nsikoyoyinda imulwi oyu kuza kulinduwe, alimwi kuti tokoyoyinda imbandama eeyi kuza kulindime, kukuyochita lunyonyono. ⁵³ Akube kuti Leza wa Abbulahamu, a Leza wa Naholi, baleza bawisi, batutonge.'' Jakobbu wakakonka akuyowa wisi Ayizeki. ⁵⁴ Jakobbu wakachita chipayililo aachilundu alimwi wakayita inzubo zyakwe kuti balye chilyo. Bakalya alimwi bakabuchesya mpawawo achilundu. ⁵⁵ Ichifumo nibwakacha Labbani wakabuka, wamyonta bazukulu bakwe balombe abana bakwe basimbi akubalongezya. Mpawo Labbani wakeenda kabweeda kumunzi wakwe.