¹ Ijwi lya Jehova lyakasika kulindime, kaliti, ² ''Mwana amuntu, tambya menso aako kuzilundu zya Izilayeli usinsime aanzizyo. ³ Waamba kuti, 'Muzilundu zya Izilayeli, amuswilile majwi aaMwami Jehova! Mwami Jehova mbwawambila zilundu atulundulundu, majeenga, amakkuti: Nchobeni! njomwetela majwi aatala andime, alimwi njoonynyoona zipayililo zyenu. ⁴ Zipayililo zyeni ziyonyonyoonwa, zikozyanisyo zyanu ziyopwachulwa alimwi ndiyosowela aansi zifwide kubusyu bwamizimu yenu. ⁵ Ndiyoolazika mitunta yamibili yabo ifwide yabana ba Izilayeli kubusyu bwamizimu yenu, azifuwa zyenu njoozimwaya chakuzyunguluka ⁶ Koonse konse nkumukkede, myuunzi yenu iyooba matongo akubula bantu, zikozyanio zyenu ziyopwayigwa akuloba, tukombelo twenu tumwayigwe, amilimo yenu izimigwe. ⁷ Aabo bafwide bayoowa aansi baliyasidwe akkati kenu aboobo muyoziba kuti ndime Jehova. ⁸ Pele njomuswanizya bamwi baloboka kuzwa kupanga lyabamasi chiindi echo nimuyomwayikila akati kazisi. ⁹ Aabo balobokede bayoyibalukwa ndime akkati kazisi nkubatoledwe mubuzike, nkambo njotyola myoyo yabo yabwamu iindisulide amenso aabo aabwamu aalanga zikozyanio zyabo, lino bayoba chisesmyo mumenso abo beni nkambo kabubi bwabo mbubachita akambo kazisesemyo zyabo boonse. ¹⁰ Nkabela bayoziba kuti ndime Jehova. Alimwi mapenzi aya woonse ngendaamba kubeetela teensi abuyo pe. ¹¹ Mwami Jehova mbuboobu mbwaawamba: Kawamba amanza aako lyata achituta chako! Akwamba kuti, 'Mwaawe.'' nkambo kazisesemyo zibi zyoonse zyang'anda ya Izilayeli! nkambo bayojayigwa ipanga apamba amalwazi. ¹² Ooyu uulikule uyoofwa kubulwazi, ayooyo uuli kufwifwi uyojayigwa ipanga, ayooyo usyeede uvunidwe uyofwa inzala. Aboobo njozuzikizya bukali bwangu kulimbabo. ¹³ Muyiziba kuti ndime Jehova, chiindi echo bajayidwe babo nibanozolede akkati kazikozyano zyabo chakuzyunguluka yoonse yamalundu, muchenzule chaminsamu yoonse miteete, kunsi lyamabanga woonse iivunzene, mumasena woonse nkubakali kuchitila mizimu yabo tusamu twatununkilizyo. ¹⁴ Njotandabika ijanza lyangu kukubalwisya, njochita kuti nyika ikabe matongo akubula bantu, mumasena woonse nkubakkede kuti ndime Jehova.''