¹ Mpawo mwalumi wakanditola kusule kumanjililo ang'anda ya Leza iisalala, alimwi kwakali maanzi ayenda kuzwa kunsi achikunguzyo chang'anda ya Leza kaalangide kujwe - Nkambo kunembo lyang'anda ya Leza iisalala lyakalangide kujwe - amanzi akalikukunka kaselukila aansi kubbazu lyakumusanza lyang'anda ya Leza isalala, kululyo lwachipayililo. ² Eelyo wakandeta aanze kwinda kumulyango wakunyika akundizulwida kazyunguluka kumulyango ulangide kujwe, alimwi ooko akali kukunka kuzwa ooyu mulyango kubbazu lyawo lyakumusanza. ³ Mbuli kuti mwalumi wakali kuya kujwe, kwakali cheelesyo mujanza lyakwe; wakeeleka tukokola tulichuulu chomwe akundeeta kwinda awo maanzi mpayiila mungo. ⁴ Mpawo wakeeleka tukokola tuli chuulu chomwe alimwi akundeeta kwinda manzi mwayiilwa mungo; alimwi wakeeleka lubo tukokola tuli chuulu akundeeta manzi nkwayiila mungo. ⁵ Chakatobela wakeeleka alimwi chuulu chatukokola, pesi wakali mulonga ooyo nguntakonzyi kuzubuka pe nkambo maanzi akatanta aboobo akelela kuyamba mulingawo - wakali mulonga utakonzeki pe kuuzubuka. ⁶ Mwalumi wakandaambila kuti, '''Mwana muntu, ulichibwene na eechi?'''alimwi wakandeeta aanze antomwe twakabweeda katutobezya ankomwe yakumulonga. ⁷ Aboobo nindakabweeda musule, awo nkomwe yamulonga yakali aminsamu myiingi kuli eeli bbazu akuli imwi bbazu. ⁸ Mwalumi wakandikumbila kuti, ''Aaya maanzi ayabuya aanze kubusena bwakujwe aansi ku Alabba; Manzi aaya alakunka kaaya mulwizi lwa Munyo akwachita kuti abote. ⁹ Kuyoba kuti zyoonse zilengwa eezyo zyeenda amwi ziyokkala ooko manzi nkwaaya; kuyooba inswi nyingi, nkambo manzi nkwakunkila ooko. Ayochita kuti manzi alamunyo abote. Zyonse ziyokkala kufumbwa mulonga nkuuya. ¹⁰ Mpawo kuyoba kuti basikuzuba baku Eni Egilayimu kumbali amanzi, alimwi ooko kuyoba busena bwakuyanikila nsabwe ku Eni Egilayimu. Kuyoba misyobo myiingi yabaswi mu Lwizi lwa Munyo, mbuli baswi bamu Lwizi Lupati nkambo mbiingi. ¹¹ Pesi masena azilambwa zilamatope zyaku Lwizi lwaMunyo tazikoyobotesegwa pe; ziyooba zyakupa munyo. ¹² Kusiya atala ankomwe yamulonga waatala lyamabazu aabili, misyobo yoonse yamisamu iyokkala akuzyala kuulya. Matu aayo takoyokunkumuka pe aliwi michelo tikoyokachilwa pe kukula. Amwezi amwezi iyozyala michelo, nkambo maanzi azwa kubusena busalala alakunkila kulinjiyo. Michelo yayo iyooba chilyo, amatu aayo ayoba akusilisya. ¹³ Mwami Jehova waamba eechi: Eeyi iyoba nzila njimuyopambukania nyika kulunyungu lulikkumi ayibili ya Izilayeli: Jozefu uyooba azimpanzi zyobile. ¹⁴ Mweelede kwabania bwelene eecho nchindakasumpwida janza lyangu akukonka kuti ndipe kuli bamawuso banu. Eelyo nyika iyooza kulindindinywe mbuli lukono. ¹⁵ Eechi chiyoba ngumugaano wanyika kubbazu yakunyika kuzwa kuLwizi Lupati kunzila yaku Hetiloni, aku Zedadi akwalo. ¹⁶ Mpawo muugano uloyinka ku Bbelota, kuSibbulayimu, eeyo ikati ka Damasikkasi aku Hamati, alimwi aku Hazi Hatikoni aku Hamati, alimwi aku Haza hatikoni akwalo, eeyo ilikumbati lyamugano wa Hawulani. ¹⁷ Aboobo mugano uyoyinka kuzwa aku Haza Enani kumazubukilo antomwe a Damasikkasi a Hamati akusika kunyika. Eli liloba bbazu lyakunyika. ¹⁸ Aatala lyakubbazu lyakujwe mugano uyoyinka akati ku Hawulani aku Damasikkasi, kutobelezya mulonga wa Jodani aakati ka Giliyadi anyika ya Izilayeli. Muyoyeleka Giliyadi anyika ya Izilayeli kujwe lyaLwizi. Ayo ayoba mazubukilo akujwe. ¹⁹ Mpawo kubbazu kumusanza lyamugaano uyoyinka kuzwa kuzwa kuku Tama akuule akumanzi aku Melibba Kadesyi, mpawo akutobezya kasensa kaku Ijipiti doku Lwizi Lupati. Ooyu uyoba mugaano aatala lyakubbazu lyakumusanza. ²⁰ Nkabela muugano wakubbazu uyoba ku Lwizi Lupati kulangene a Lebbo Hamati. Ooku kuyooba bbazu lyakumbo. ²¹ Amunzila eeyi muyowabonia nyika eeyi lwanu, kumikowa ya Izilayeli. ²² Muzyooko zyoonse alubuwa kwakali mbuwa niini zyoone, tukokola makumi aane mubulamfu alimwi makumi aatatu mubusasa. Mbuwa zyoone zyakeelene. ²³ Mpawo kuyoba kuti muzwakule uyooba antoomwe amukowa ngwakkalaawo. Mulelede kumupa lukono - aaya ngemalayilile aa Mwami Jehova.''