¹ Aya ngemazina anzubo. Luzubo lwa Dani luyotambula chisela chomwe chanyika; mugaano wayo uyotobelezya kumugano wakumusanza wa Izilayeli anzila ya Hetiloni a Lebbo Hamati. Mugano wayo uyoyinda kuyosika ku Haza Enani alimwi kuyosika kumbali lyamugaano wa Damasikkosi kusika kumusanza alimwi akuyosika ku Hamati. ² Kujatanisya amugaano wa Dani, uyoyinda kuzwa kujwe kuzwa kunzila yoonse ku Lwizi Lupati. ³ Kujatikizya amugano wa Asa kuzwa kubbazu lyakujwe kuyosika kunyika, Nafutali uyoba achibela chomwe. ⁴ Kujatanisya mugano wa Nafutali kuzwa kubbazu lyakujwe kuyosika kunyika, Manase uyooba achisela chomwe. ⁵ Kujatanisya mugano wa Manase kuzwida kubbazu lyakujwe, ⁶ Kujatanisya mugano kubbazu lyamugano wa Efulemu kuzwa kubbazu lyakujwe kuyosika kunyika, Lubbeni uyoba achisela chomwe. ⁷ Kujatanisya mugano wa Lubbeni kuzwa kujwe kuyosika kubbazu lyakunyika, Juda uyoba achisela chomwe. ⁸ Chipo chanyika echo nchotabachite chinotobezezye mugaano waJuda alimwi kukwankwamuka kuzwa kubbazu lyakujwe kuyosika kubbazu lyakunyika; chinoli makumi aabili amusanu azyuulu zyatukokola mubusasa. Bulamfu bunokozyenie kkumi lyazyuulu zyatukokola mubusasa kubbazu lyakunyika alimwi makkumi obile amusanu azyulu zyatukokola kubbazu lyakumusanza, alimwi chikombelo chinoli akkati kanjiiyo. ⁹ Eyi inyika njimuyopa kuli Jehova inoli tukokola tuli makkumi obile amusanu wazyuulu amubulamfu alimwi kkumi lyazyulu zyatukokola mubusasa. ¹⁰ Ezi ziyooba zyakuchita kuli echi chisela cha Jehova chisalala chanyika: Bapayizi bayopegwa nyika ilamweelwe ujisi tukokola makkumi obile amusanu wazyuulu mubulamfu kuzwa kubbazu lyakumusanza; tukokola kkumi lyachuulu mubusasa kubbazu lyakumbo; Abusena busalala bwa Jehova akkati lyanchicho. ¹¹ Ezi zibaya zyakuli salazya kwabapayizi kubana ba Zadokki, oyo wakandilekela chakusyomeka awakatapambuka elyo bantu ba Izilayeli nibaka pambuka, mbuli kwakachita ba Levayiti. ¹² Zipayililo zyabo ziyoba chimpanzi chanyika isalalisya, kuyungizizya kuya kumugaano wa Levayiti. ¹³ Inyika yaba Levayiti itobezezye mugaano wenyika yabapayizi obo busena bunoli tukokola tuli makkumi obile amusanu wazyuulu mubulamfu kula tukokola tulikkumi lyazyuulu kubusasa. Bulamfu boonse bwampaa zyenyika bunoli tukokola tuli makkumi obile azyuulu amusanu kukulampa alimwi tukokola tuli makkumi obile azyulu mubusasa. ¹⁴ Tabelede kwiwuzya nanka kuchinchaana; takwe zyamichelo mitanzi zyankiya ya Izilayeli tazyelede kwanzaana kwalyoonse kuzwa kuleezi mpaa, nkambo zyonse zilasalala kuli Jehova. ¹⁵ Inyika isyeede, musanu wazyuulu zyatukokola mubusasa makkumi obile amusanu azyulu mutukokola bulamfu, inoli yakubelesya mudolopo, imaanda, alimwi amachezezyo; idolopo liyoba akkati kazyo. ¹⁶ Ezi zinoli zipimyo; bbazu lyakunyika linoli 4,500 tukokola mubulamfu; ibbazu lyakumusanza linoli 4,500 tukokola mubulamfu; ibbazu lyakujwe linoli 4,500 mutukokola mubulamfu; alimwi bbazu lyakujwe linoli 4,500 mutukokola mubulamfu. ¹⁷ Kunoli machezezyo aadolopo kuya kubbazu lyakunyika, 250 mutukokola kukunika; kuyosika kumbo kuya kujwe, 250 mutukokola kukunika, alimwi kuya kumboo 250 tukokola kunika. ¹⁸ Ibusena bucheede bwazipo zisalala buyotantamuka kwakkumi lyachuulu mutukokola kuyosika kujwe alimwi ikkumi lyachuulu mutukokola kuyosika kunyika. Chiyosika uyolampa kuutobezya kumugaano wazipayizyo zisalala, alimwi zigwisya ziyoba zyakulya kulibaabo babeleka mudolopo. ¹⁹ Bantu babeleka mudolopo, kuzwa kunzubo zyonse zya Izilayeli, bayolima nyika eyo. ²⁰ Zyonse zipayizyo zyenyika ziyopimwa makkumi obile azyuulu mutukokola amakkumi obile amusanu azyuulu zyatukokola. Muleyi nzila muyochita zipayizyo zisalala zyanyika, antoomwe anyika yamudolopo. ²¹ Nyika yoonse kuzwa kumabbazu woonse azipayizyo zisalala alimwi busena bwadolopo buyoba bwamwana mulombe wa Mwami. Nyika yamwana a wamwami mulombe iyosika kujwe buyoyungizigwa amakkumi obile amusanu azyulu mutukokola kuzwa kumugano wakujwe - mpaa yakwe kuya kunyika iyoyungizigwa kwama kkumi obile amusanu azyulu mutukokola kuyosika kumugano wakumbo. Akkati kunoli chipayizyo chisalala, aabusena busalala bwachikombelo bunoli akkati kacho. ²² Inyika iyungizizigwe kuzwa kubuvubi bwaba Levayiti alimwi busena bwadolopo akkati kabo buyoba bwamwana wamwami, ziyoba akkati kamugaano wa Juda aamugano wa Bbenjamini - eyi nyika inoli yamwana mulombe wamwami. ²³ Kuleezyo nzubo zitakachaale, impanzi zyabo azilazyo zinoozwa kumbo kuyosika kubbazu lyakunyika. Bbenjamini uyotambula chimpanzi chomwe. ²⁴ Kujatanizya mugano wa Bbenjamini kuzwa kujwe kuyosika kubbazu lyakunyika Simiyoni uyobweza chimpanzi chomwe. ²⁵ Kujatanisya mugaano wa Simiyoni kuzwa kubbazu lyakujwe, Izakka uyobweza chimpanzi chomwe. ²⁶ Kujatanisya mugaano wa Izakka kuzwa kubbazu lyakujwe kuyosika kumbo, Izakka uyooba achisela chomwe. ²⁷ Kuyosika kumusanza kwamugaano wa Zebbuluni, kokunuka kuzwa kujwe kuyosika kubbazu lyakunyika, iyoba nyika ya Gadi - chimpanzi chomwe. ²⁸ Mugaano wakulubazu lwakumusanza wa Gadi uyoyungizigwa kuzwa ku Tama kuyosika kumanzi a Melibba Kkadesi, akukwinda kalonga ka Ijiputi alimwi aku Lwizi Lupati. ²⁹ Eyi nyika njimutakawale nkakata; luyoba lukono lwanzubo zya Izilayeli. Ezi ziyoba zimpanzi zyabo. Aya malayilile a Jehova. ³⁰ Eyi inoli milyango yamazwido kuya kudolopo: kubbazu lyakunyika, chiyopima tukokola 4,500 mubulamfu, ³¹ iyoba amilyango itaatu, kiwuzikidwe mazina amikowa yaJuda: umwi mulyango nguwa Lubbeni, umwi mulyango nguwa Juda, alimwi umwi mulyango nguwa Levi. ³² Kubbazu lyakujwe, eecho chitakapimwe 4,500 mutukokola mubulamfu, kunoli milyango yotatwe; omwe nguwa Jozefu, omwe mulyango wa Bbenjamini, alimwi umwi wa Dani. ³³ Kubbazu lyakumbo, eecho chinoli 4,500 tukokola mubulamfu, kunoli milyango yotatwe; mulyango womwe wa Simiyoni omwe wa Zebbuluni. ³⁴ Kubbazu lyakumbo, echo nchimpanzi chiyopima 4,500tukokola linoli amilyango yotatwe; omwe mulyango wa Gadi, omwe mulyango wa Asa, alimwi omwe mulyango wa Nafutali. ³⁵ Musinzo utobezya dolopo unoli kkumi amusanu azyuulu; kuzwa obobuzuba kaziya kunembo, izina lyedolopo linoli "Jehova mpaali."