¹ Mwami Jehova waamba echi: Muluyango walubuwa lwamukati, ulangide kujwe, uyojalwa kwamazuba musanu alimwi akubeleka, pesi mubuzuba bwakulyokezya unoli kuujulidwe, amubuzuba bwamwezi mupya unoli kujulidwe, amubuzuba bwamwezi mupya unoli kujulidwe. ² Silutwe uyonjila lubuwa lwaanze aanzila yamulyango amulukoche lwawo kuzwida aanze, mpawo uyoyimikila kunembo lyaminsende lyamulyango wamulyango wamukati eelyo bapayizi nibayoobamba chituuzyo chakwe chakuumpa achituuzyo chakumuzya. Eelyo uyokomba kuchikunguzyo chamulyango wamukati akuzwa aanze, pesi mulyango tukonoli kujalidwe kusika lumwi kumabbililo. ³ Bantu benyika abalabo bayokomba kunembo lya Jehova kumanjililo amulyango ooyu musabata amwezi mupya. ⁴ Chipayizyo chakuumpa eecho silutwe nchayoyeta kuli Jehova mubuzuba bwasabata zinoli tubelele tuli musanu akamwi tutakwe chibi amugutu uutake chibi. ⁵ Chipayizyo chazilyo chila mugutu chiyobuchiyoba chisuwo, achipayizyo chilatubelele chiyooba echo nchayanda kupa, anongo yamafuta achisuwo chimwi achimwi chazilyo. ⁶ Mubuzuba bwamwezi mupya welede kutula sipule wang'ombe uutakwe chibi kuzwa kubutanga, tubelele tuli musanu akamwi mpawo amugutu uutakwe chibi. ⁷ Welede kuchita chipayizyo chazilyo zyalusuwo icha mupule wang'ombe alusuwo lwamugutu, akufumbwa nchayanda kupa kutubelele anongo yamafuta yachisuwo chazilyo zyoonse. ⁸ Elyo silutwe nanjila anzila yakumulyango amulukoche lwawo, welede kuzwida munzila mwanjilila. ⁹ Pesi nabantu bamunyika basika kunembo lya Jehova kuzyindi zyamapobwe asalidwe, kufumbwa umwi unjila kayinda mumulyango wakunyika kuyokomba welede kuzwida kumulyango wakumusanza; alubo kufumbwa unjilila kumulyango wakumusanza welede kuzwida kumulyango wakunyika. Takwe umwi uzwida kumulyango nkwanjilila, welede kweenda kalangide kunembo. ¹⁰ Silutwe welede kuba akati kabo; nibanjila mukati, welede kunjila mukati, anibayoozwa, welede kuzwa. ¹¹ Kumapobwe, chipayizyo chazilyo chelede kuba chazisuwo chazilyo chasipule wang'ombe achisuwo chamugutu, alimwi kufumbwa nchayanda kupa kutubelele anongo yamafuta achisuwo choonse. ¹² Silutwe na wapa chipo chamoyo, nikuba chipayizyo chakuumpa na chituuzyo chalumuno kuli Jehova, uyojulilwa mulyango oyo ulangide kujwe. Uyotula chituuzyo chakuumpa na chituuzyo chaluumuno mbuli uyelede kuzwa aanze, alimwi nanoli wazwa aanze amulyango uyojalwa. ¹³ Mukuyungizya, uyoopa kabelele katakwe chibi kamwaka omwe mbuli chipayizyo chakuumpa kuli Jehova mazuba woonse; uyochita oobu chifumo achifumo. ¹⁴ Uyoopa chituuzyo chazilyo anchicho chifumo achifumo, chimpanzi chamusanu achimwi chachisuwo mpawo achimpanzi chatatu chanongo yamafuta kuti chikatetye busu bwachituuzyo chazilyo cha Jehova, mukwinda mumulawu utamani. ¹⁵ Bayobamba kabelele, chituzyo chazilyo, amafuta chifumo achifumo, chituuzyo chakuumpa chitamani. ¹⁶ Mwami Jehova wamba obu: Na silutwe wapa chipo kuli umwi wabana bakwe balombe, ndukono lwakwe. Alimwi chazyalane lyakwe ndubono lwabo lwakukona. ¹⁷ Pesi na wapa chipo kuzwa kulukono lwakwe kuli umwi wabalanda bakwe, eelyo chiyoba chamulanda ooyo kusikila kumwaka walwangunuko, alimwi elyo chiyobweda kuli silutwe. Lukono lwakwe masimpe luyoba lwabana bakwe balombe. ¹⁸ Silutwe takabwezi lukono lwabantu kuzwa kulubono lwabo; welede kupa kubana bakwe balombe kuzwa kulubono lwakwe kuchitila kuti bantu batakusansaani, awumwi muntu kuzwa kulubono lwakwe.''' ¹⁹ Chitobela muntu wakeeta kulindime mukwinda kumanjililo amulyango wakutwanda tusalala twabapayizi, tulangide kunyika alimwi amubone! Kwakali busena kukuya kumbo. ²⁰ Wakamba kuti kulindime, ''Obu mbubusena bapayizi nkubelede kubizya chituzyo chamulandu achituzyo chachibi alimwi nkubelede kujikila chituzyo chazilyo. Tabeelde kweeta zituuzyo mukati kalubuwa lwaanze, nkikaako bantu bayosalazigwa.'' ²¹ Eelyo wakandeta kulubuwa lwaanze mpawo wakanditola wandinzya kuzyooko zine zyalubuwa oolo, mpawo ndakabona kuti kuchooko achimwi chalubuwa kwakali lumwi lubuwa. ²² Muzyooko zine zyalubuwa lwanze mwakali mbuwa zinini zine, tukokola tuli makumi aane mubulamfu amubusasa buli makumi aatatu. Mbuwa zine zyakeelene. ²³ Kwakali munchali uchitidwe abbwe kuzyunguluka woonse aane, azijikilo aansi lyamunchali wabbwe. ²⁴ Muntu wakaamba kuti kulindime, ''Ayaange masena , balanda bang'anda ya Leza nkubizya zipayizyo zyabantu.''