¹ Mpawo muntu wakandiboozya musule kwinda mubusena busalala bunjila kumulyango waanze uulangide kujwe; wakali jalidwe changuzu. ² Jehova wakandaambila kuti, "Mulyango ooyu wakali jalidwe mbuboobu lyoonse; talikoyojulwa pe. Takwe muntu uyoyinda kwiinda mulinguwo, nkambo Jehova, Leza wa Izilayeli, wanjila kwinda mulinguwo, aboobo wali jalidwe. ³ Mwendelezi wa Izilayeli unokkala muli nguwe kuti kalokulya kunembo lya Jehova. Uyonjila kabelesya kkoche lyamulyango alimwi nabbuda unoyinda mumo mwayindide.'' ⁴ Mpawo wakanditola kunembo antempele kwinda kumulyango wakunyika, alimwi nindakalanga, ndakabona, alimwi ndakavundama. ⁵ Mpawo Jehova wakandaambila kuti: Ömwana muntu, peda moyo wako alimwi amenso aako uswilile amatwi aako kuli zyonse nzetakwambile, kujatikizya amalayilile amung'anda ya Jehova alimwi amilawu yawo. Kobikkilila maanu aatala amanjililo akumazwido ang'anda. ⁶ Mpawo uwambile bapapi, bamung'anda ya Izilayeli, 'Mwami Jehova waamba boobu: Amuleke michito yenu isesemya, nobamung'anda ya Izilayeli - ⁷ alimwi amibili itapalidwe mubusenu bwangu busalala, basofwazya ng'anda yangu, kamuli kundipa chakulya, mafuta alimwi abulowa - mwatyola chizuminano changu nkambo kamichito yenu isesemya.. ⁸ Takwe nimwachita pe milimu yanu ilangene azintu zyangu zisalala, kuti bamujate oobotu busena bwangu busalala. Mwami Jehova wamba boobu: ⁹ Takwe pe muzwakule, utapalwidwe mumoyo nikuba kunyama, kuzwa kuli umwi wabaabo bakkala aakati kabantu ba Izilayeli, banga balanjila mubusena busalala. ¹⁰ Lino ba Levi nibakaya kule andime - bakeendela kule andime, kabayobutobela zitombe zyabo - pesi bayochiliya chibi chabo. ¹¹ Mbalanda mubusena bwangu busalala ibalanga milyango yang'anda alimwi akubeleka mung'anda akujaya zipo zyuumpwa azipayizyo zyabantu, alimwi bayoyima kunembo lyabantu akubabelekela. ¹² Pesi akambo kakuti bakachita zipayizyo kunembo lyamituni yabo, bakaba chilebyo eecho chakapa kuti beng'anda ya Izilayeli babisye. Aboobo ndiyotandabika janza lyangu kuti ndikakonke - aya ngemalayilile a Mwami Jehova - bayobweza chisubulo chabo. ¹³ Tabakoyosika afwifwi pe andime kuti babeleke mbuli bapayizi bangu na kuswena afwifwi azintu zyangu zisalala, zintu zyangu zisalalisya. Kwinda kuti, bakabwezede masampu alimwi azichito zibi nzibakachita. ¹⁴ Pesi ndiyobabikka kuti babe basikulanga milimu yamung'anda balange milimu yoonse yawo alimwi ayoonse iichitwa mukati keyo. ¹⁵ Mpawo bapayizi baba Levi alimwi alunyungu lwa Zadokki aabo bakazuzikizya milimu lyabusena bwangu busalala eelyo bantu ba Izilayeli nibaka nditantamuka kuya kule andime, bayobola afwifwi andime kuti bazoyendelezye kuli ndime; bayoyima kunembo lyangu kukundipa mafuta abulowa - aaya ngimalayilile a Mwami Jehova. ¹⁶ Bayosika mubusena bwangu busalala; nkambo bayosika kunembo akasanza kangu akundikomba alimwi akuzuzikizya milimu yabo kuli ndime. ¹⁷ Aboobo kuyoba mbeyonjila kumilyango yamukati akubulowa, bayetede kuzwaata zibaki zituba nkambo tabayelede kuza kabazweete zyaboya pe mukati kumilyango yalubuwa alimwi ang'anda yabo. ¹⁸ Bayelede kuzwaata ngowani zyamalembo atuba alimwi angubo zituba zyamukati amasolo aabo. Tabeelde kuzwata ngubo zinga zilabagwisya ntukuta pe. ¹⁹ Eelyo nibakazwa aanze kuya mulubuwa lwaanze, akulubuwa lwaanze kuchitila kuti baye kubantu, bayetede kuzwatununa zizwato zyabo eezyo nzibakazwata nibakabeleka; bayelede kuzizwatununo, alimwi akuzibikka mung'anda iisalala, aboobo kuchitila kuti batachiti bamwi bantu pe kuti basalale akugumana ngubo zyabo mbotu loko. ²⁰ Alimwi belede kukulula masusu aabo amitwe yabo na kuzumizya susus lyenu kuti lilengelele, pesi bayelede kugela masusu kumitwe yabo. ²¹ Takwepe mupayizi uyelede kunywa mbote nasika mulubuwa lwamukati, ²² naa kubweza mukamufu nakuti mwanakazi wakalekwa kuti abe mwanakazi wakwe, pesi nakalindu alikke uzwa mung'anda yama Izilayeli na mukamufu wakakwetwe amupayizi kale. ²³ Nkambo bayoyiisya bantu bantu zisiyene akati kabasalala abasofweede; bayobachitila kuti bazibe zisofweede kuzwa kuzisalede. ²⁴ Nibayokazyania bayoyimikila mukubeteka malayilile aangu; bayolulama. Bayobamba mulawu wangu alimwi ambeta zyangu mumapobwe angu woonse, alimwi bayobotelwa masabata aangu aasalala. ²⁵ Tabelede kuli sofwazya pe mukwinka afwifwi amuntu wakali ndeende wakwe na banyina, mwana mulombe na musimbi, mulombe na musimbi utanakwatwa, mpawo ngabalisofwazya lwabo. ²⁶ Kwazwa aawo mupayizi naasofwala, ngabala mubalila chiindi chamazuba alimusanu aabili aakwe. ²⁷ Mubuzuba naanjila mubusena busalala, mukati kalubuwa lwamukati kukubeleka mubusena busalala, uyelede kweeta chipo chachibi chakwe - aaya ngemalayilile a Mwami Jehova. ²⁸ Eechi chiyoba ndolukono lwakwe: Oolu luyoba lukono lwabo, mebo ndilukono lwabo alimwi tamwelede kubapa lubono pe mu Izilayeli; Ndiyoba lubono lwabo! ²⁹ Bayolya chakulya chizwa kuzipo, zipo zyazibi, zipo zyazisesemyo, alimwi zyoonse zipegwa Jehova mu Izilayeli, ziyoba zyabo. ³⁰ Chipati kumichelo mitanzi yazintu zyoonse alimwi azyonse zyaka swanizigwa, kufumbwa chizwa kuli zyonse nzimwaka swanizya ziyoba zyaba payizi, alimwi muyoopa mweete wakusanguna kubapayizi kuchitila kuti chilongezyo chikakkalilile mung'anda yenu. ³¹ Bapayizi tabayoolya nikuba mutunta na munyama uufwide waligwa amunyama wamusokwe, nikuba kayuni na munyama.