¹ Chitobela mwalumi wakanditola anze kulubuwa lwaanze kulubazu lwakunyika, alimwi wakandeeta mutwaanda kunembo lyalubuwa lwaanze akubulambo bwaanze bwakunyika. ² Oto twanda twakali tukokola tuli mwaanda ibulamfu bwakunembo alimwi tukokola tuli makumi alimusanu ibusasa. ³ Tumwi oto twanda oto twakalangide mulubuwa lwamukati katuli kuzwa kubusena busalala. Kwakali zibale zyotatwe zyatwaanda, oto twakujulu atumwi twakali kulimbabo, bajana kwenda. Tumwi twanda twakalangide atala alubuwa lwaanze. ⁴ Amwenya wakali tukokola tulikkumi ibusasa atukokola tuli mwanda ibulamfu bwakali kwenda kunembo lyatwanda. Milyango yatwanda twakalangide kunyika. ⁵ Pesi maanda akubunganina akujulu akali maniini, nkambo inzila yakabweza mwenya mupati kwinda mbubakachita kuzibela zili munsi aakati kamayake. ⁶ Nkaambo maanda akubunganina alichibela chatatu akalaminchali, nkutali aminchali. Aboobo chibela chamaanda akali ajulu loko akali maniini kwelanisya atwakali muzibela zyaansi aakati. ⁷ Bulambo bwaanze bwakazyungulukide maanda kakulangene alubuwa lwaanze, lubuwa lwakali kunembo atwanda. Bulambo obo bwakali tukokola tuli makumi musanu bulamfu. ⁸ Ibulamfu bwamaanda bwalubuwa lwaanze bwakali tukokola tuli makumi aali musanu, atwanda twakalangide kubusena busalala twakali tukokola tuli mwaanda kubulamfu. ⁹ Kwakali manjililo kunsi lyatwanda kulubazu lwakujwe kuzwa kulubuwa lwaanze. ¹⁰ Aambali lyabulambo bwalubuwa lwaanze kulubazu lwakujwe kulubuwa lwaanze, kwakali twaanda kunembo lyalubuwa lwanze kubusena busalala, kwakali twanda alako. ¹¹ kilanzila anembo lyayo. Twakali mbuli twanda twakali kulubazu lwakunyika. Akali abulamfu abusasa bukozyenie amanjililo akozyenie amilyango. ¹² Kulubazu lwakumusanza kwakali milyango injila mukati katwanda oto twakakozyenie atwakali kulubazu lwakunyika. Amwenya wamukati wakali amulyango kumutwe wawo, alimwi mwenya wakali julikide kunjila mutwanda twingi. Akulubazu lwakujwe kakuli manjililo kwakali mulyango kumamanino amwi. ¹³ Lino mwalumi wakati kulindime, ''Twanda twakunyika atwanda twakumusanza tulikunembo alubuwa lwanze tusalala omo bapayizi babeleka afwifwi a Jehova kuti bakalye zilyo zisalalisya. Bayobika zintu zisalalisya omo chipayizyo chazilyo achipayizyo chazibi, achipayizyo chamilandu-nkambo obu mbusena busalala. ¹⁴ Na bapayizi banjila mumo, taabelede kuzwa aanze lyabusena busalala kulubuwa lwaanze, kabatasamunwide zyakusama ezyo nzibakali kubelesya, mbokunga eezi zilasalala. Aboobo kuzwata zimbi zisamo kabatana kwinka afwifwi abantu.'' ¹⁵ Mwalumi wakamaninsya kweleka ng'anda yamukati alimwi wanditola aanze kumanjililo akalangide kujwe alimwi wakeela masena woonse akazyungulukide oko. ¹⁶ Wakeeleka kulubazu lwakujwe achisamu chakwela - tukokola tuli myaanda yosanwe achelesyo chachisamu. ¹⁷ Wakeeleka kulubazu lwakunyika - tukokola tuli mwanda yosanwe acheelesyo chachisamu. ¹⁸ Alimwi wakeeleka kulubazu lwakumusanza - tukokola tuli myaanda ili musanu acheelesyo chachisamu. ¹⁹ Alimwi wakachengunuka aakweela kulubazu lwakuumbo - tukokola tuli myaanda musanu acheelesyo chachisamu. ²⁰ Wakakweeleka mabazu wonse oone. Yakali abulambo buzyungulukide mbubo tukokola myaanda ilimusanu kubulamfu, atukokola twakali myaanda ilimusanu kubusasa, kakwandania zisalala azeezyo zyakazibinkene.