¹ Mpawo mwalumi wakanditola mubusena busalala bwamu ng'anda ya Leza akweeleka zikunguzyo zyamilyango - tukokola musanu akamwi - busasa akulamwi mabbazu woonse. ² Ibusasa bwamulyango bwakali atukokola kkumi, bulambo bbazu abbazu lyakali atukokola musamu bulamfu. Mpawo mwalumi oyu wakeeleka bulamfu bwabusena busalala-tukokola makumi oone bulamfu amakumi obile busasa. ³ Mpawo mwalumi wakanjila mubusena busalalisya, weleke ziyako zyakumulyango - tukokola tobile, akumulyango twakali tukokola tukokola musanu akamwi mubusasa. ⁴ Malambo kulifumbwa bbazu akali musanu atubili tukokola mubusasa. Mpawo wakeeleka bulamfu bwang'anda - makumi obile kusika kunembo lyang'anda yakukombela. Mpawo wakati kuli ndime, ''Obu mbombubo busena busalalisya.'' ⁵ Mpawo mwalumi wakeeleka bulambo bwa ng'anda bwakali atukokola musanu akamwi ndilika. Busasa bwakaanda kamwi akamwi twakali zyungulukide ng'anda twakali atukokola tune busasa. ⁶ Kwakali twanda tuli ambali muzibeela zyotatwe, kaanda kamwi atala akamwi, twaanda makumi otatwe kulichimwi achimwi chebeela. Kwakali njimayima zizyungulukide bulambo bwang'anda, kutabilila twanda toonse twamumbali, nkambo tekwakalikwe chitabilizyo chakabikidwe mubulambo bwa ng'anda. ⁷ Aboobo twanda twakumbali twakali kwazeme chakuzyunguluka katuya kujulu, nkambo ng'anda zyakali kuya buzyunguluka kuya kujulu ang'andakusikila kuchibeela chilajulu kwinka muchibeela chakatikati. ⁸ Mpawo ndakabona lukonkono lwakujulu luzyungulukide ng'anda; intalisyo zyakulubazu bwakumaanda abapati babetesi; kakali kweela kasamu kazwide mubulamfu - tukokola tuli musanu aakamwi. ⁹ Busasa bwabulambo bwatwanda twamumbali twaanze twakali tukokola musanu. Kwakali mweenya ujulikide, kunze kwatwaanda otu mubusena busalala. ¹⁰ Kulilimwi bbazu kwamweenya oyu nkwakali twanda twakunze twabapayizi; oyu mwenya wakali atukokola makumi obile mubusasa kazyunguluka busena busalala. ¹¹ Kwakali milyango injila mutwaanda twakumbali kuzwa kuli umbi mweenya - umwi mulyango wakali kulubazu lwaku nyika, awumwi wakali kulubazu lwakumusanza. Busasa bwamweenya oyu bwakali tukokola musanu kukuzyunguluka. ¹² Mayake ayo akalangene kulubuwa lwakulubazu lwakumbo lwakala tukokola makumi musanu aabili busasa. Bulambo bwawo bweelekwa tukokola musanu ndilika kuzyunguluka, alimwi kwakali bulamfu tukokola makumi musanu atune. ¹³ Mpawo mwalumi wabusena busalala - tukokola mwaanda bulamfu. Mayake aakatajisini, bulambo bwawo, akulubuwa alulalo kalwelekedwe tukokola mwaanda mubulamfu. ¹⁴ Busasa bwakumanjililo aluubuwa akumanjililo ang'anda akulako bwakali atukokola tuli mwaanda omwe. ¹⁵ Mpawo mwalumi wakeeleka bulamfu bwamayake kusule ang'anda yabusena busalala kulubazu lwakumbo yayo, amunzila yakulubazu oku tukokola tuli mwaanda. Busena busalala ampulunguzyo, ¹⁶ kubikamwi ampulungwido niini, anzila zizyunguluka zibeela zitatu zyoonse zyakali chitidwe azisamu. ¹⁷ Ajulu amanjililo koya mubusena busalala bwamukati aantamo kutobelezya malambo kwakaleleekedwe mweenya. ¹⁸ Kwakali botesegelwe amakkelebbimu amikunka; antomwe amukunka akati kawumwi mukkelebbimu, awumwi mukkelebbimu wakali amasyu obile: ¹⁹ busyu bwamalumi bwakalangide kumukunka kulilimwi bbazu, busyu bwamulavu munini bwakalangiide kumukunka kulilimwi bbazu. Zyakali bezedwe kuzyunguluka ng'anda yoonse. ²⁰ Kuzwa aansi kusikila ajulu lyamilyango, makkelebbimu amukunka zyakali bezedwe kunze abulambo bwa ng'anda. ²¹ Masamu akumulyango wakubusena busalala, yakali azyooko zyone. Bwiime bwazyo bwakali mbuli bwime bwa chipayizyo ²² chamapulanga kunembo lyabusena busala, chakali atukokola tutatu kuya kujulu atukokola tubili bulamfu kulubazu akubbazu. Zyooko zyanchicho, tyako, abubumbe bwakachitidwe azisamu. Mpawo mwalumi wakaamba kuli ndime kuti, ''Eeyi nintafula iyimvwi kunembo lya Jehova.'' ²³ Kwakali milyango iibili wakubusena busalala awakubusena busalalisya. ²⁴ Aaya makoma akala zibulo zijalakoma alimwi, zibulo zibili zyakoma limwi azimwi zibili zyalimbi. ²⁵ Kakubezedwe alingawo - amakoma amubusena busala. kwakali makkelebbimu amikunka mbuli malambo mbwakebesedwe, alimwi kwakali lululi lwamapulanga kuyinda kubusena bwaku manjililo. ²⁶ Kwakali tumpulunguzyo tuniini amikunka. Kulilimwi alimwi bbazu lyabusena. Otu twakali twaanda twakumbali ang'anda, alimwi twakali anduli zilengelede.