¹ Mumwaka wamakkumi obile amusanu yamu bwangwe bwesu kumatalikilo amunyaka muzuba lyamwezi wakkumi, mumunyaka wamakkumi oone kunembo lyakujatwa kwamunzi -- abuzuba , mbuboobo kuboko kwa Jehova kwakala lindime alimwi wakanditola kuti Leza wakandeta kunyika ya Izilayeli. ² Wakandeeta kuzo lyokezya ataala lyachilundu chilamfu; kumusanza nkuzyakayubunuka kuti zibe mayake adolopo. ³ Mpawo wakandeeta nkuko. Langa, mwalumi! Chiimo chakwe chakali mbuli bube bwamukkuba. Lutambo lubalama aakasamu kakwelesya zyakali mukuboko kwakwe, alimwi wakayimikila amulyango wadolopo. ⁴ Mwalumi wakandambila kuti, mwana muntu, bona amenso aako akuswilila amatwi, akubikila miyeeyo yako kuli zyonseni ezyo nzyekuyubunwida, aboobo wetwa okuno nkambo ndakonzya kuyubununa nzizyo kuli nduwe. Kazibisye zyonse ezyo nzyotakabone ku ng'anda ya Izilayeli.'' ⁵ Kwakali bulambo bwakazyungulukide busena bwa ng'anda ya Leza. Bulamfu bwakasamu kakwelesya kakali mukuboko kwamwalumi kakali tukokola musanu akamwi. Abumwi bulamfu bwakakokola bwakali kakokola bwanza bwakuboko bulamfu bwako. Aboobo wakeeleka bulambo, alimwi bwelesi bwakali kasamu komwe, bupati bwako alimwi kaponda komwe bulamfu. ⁶ Mpawo wakiinka kumulyango wa ng'anda oyo wakalangide kujwe. Wakatanta achitantilo chacho alimwi. Wakeelesya chikunguzyo chamulyango - bunike kakali kasamu komwe. (Nikwakamana kweleka kaponda mubulamfu malembe achindi aba Hibbulu alakito kakayungizigwa: chikunguzyo chomwe bunike kakali kaponda komwe.'' Malembe mingi akatolekelwa, nekuba boobo, musie bupanduluzi obu, nkambo ziboneka mbuli bwindulule bwamunchali wa 7) ⁷ Atwalo twanda twabalindizi akamwi kakali kaponda bulamfu alimwi busasa kakali kaponda; twakali tukkokola musanu akati katwanda tobile, alimwi chikkunguzyo chamulyango chang'anda, alukonkono lwa ng'anda bwakali kasamu bunike. ⁸ Wakeeleka lukonkoono mumulyango; kakali kasamu komwe bulamfu. ⁹ Wakayeleka lukonkono lwamulyango. Kakali kasamu komwe bunike. Minsende twakali tukokola tobile mubusasa. ¹⁰ Olu ndondulo lwakali tukkokola tutatu twakubbazu lyakumulyango waku Jwee, alimwi umwi awumwi wakala chelesyo, chelene, alimwi amalambo akatwanzanisizye akalachelesyo cheelene. ¹¹ Mpawo mwalumi wakeleka busasa bwamanjililo amulyango- tukokola tulikkumi; alimwi wakeleka bulamfu tukokola tulikkumi atutatu. ¹² Wakeleka bulambo oboo bwakazyungulukide kunembo lyatwanda-twakali kakkokola komwe bulamfu. Twanda twakali kwelekwa tukokola tulimusanu akamwi kubbazu akubbazu. ¹³ Mpawo wakayeleka kumazwido amulyango kuzwa kukaluli kakaanda komwe kuli ako katobela kaanda - tukkokola makkumi obile-amusanu, kuzwa kumanjililo akaanda katanzi kuyosikila kuli kabili. ¹⁴ Mpawo wakeleka bulambo oobo bwakali kwiinda akkati katwanda twabalindizi - twakali tukokola tulimakkumi musanu akamwi mubulamfu; wakayeleka mbuli kule mbuli lukonkono lwamulyango. ¹⁵ Manjililo kuzwa kunembo lyamulyango kusikila kumamanino alukonkono lwamulyango. ¹⁶ Impulunguzyo zyakali jalidwe kunembo lyaminsende yato mukati kamilyango yoonse izyungulukide; alimwi yakalikozyenie atwanda tujalidwe. Kwakali mpulunguzyo konse kwakazyungulukide mukati, alimwi mungwamba wakabotezezegwe atukunka. ¹⁷ Mpawo mwalumi wakandeeta aanze alubuwa lwachikombelo. Bona, kwakali twaanda, alimwi kwakali kazila mulubuwa, yakala twanda tuli makkumi musanu akamwi kufwafwi akazila. ¹⁸ Kazila kakatantizya kulubazu lwamilyango, alimwi busasa bwakali kozyenie mbuli mbulamfu bwamulyango. Akakali kazila kakunukide. ¹⁹ Mpawo mwalumi wakeeleka musinzo kuzwa kunembo lyamilyango yamukati; twakali tukokola mwaanda kulubazu lwakujwee, alimwi kwakali kozyenie akulubazu lwakumbo. ²⁰ Mpawo wakeeleka bulamfu abusasa bwamulyango obo bwakali kulubuwa lwaanze akumbo. ²¹ Kwakali twaanda totatwe kumabbazu woonse amulyango oyo, alimwi lukkonkono lwamilyango lwakali kukozyania mubweleko mbuli mulyango mutanzi - wakali tukkokola makkumi musanu mubulamfu boonse alimwi busasa twakali tukkokola makkumi obile amusanu. ²² Impulunguzyo zyaayo, lukkonkono, twaanda, aatukunka zyakali kozyenie kumulyango oyo wakalangide kujwe. Intamo musanu azibili zyakali kwinka nkuko aa kulukkonkono lwayo. ²³ Kwakali mulyango mulubuwa lwamukati kunembo lyamulyango ulangide kulubazu lwakunyika, mbuli mbubwakakozyeniealimwi kwakali mulyango kulubazu lwakujwee; mwalumi wakeeleka kuzwa kumulyango umwi kuyosikila kumulyango uumbi - twakali tukkokola mwaanda musinzo. ²⁴ Amwalumi wabili wakandeeta kumanjililo akulubazu lwakumusanza, alimwi malambo aawo alukkonkono akalamweeleko ukozyenie mbuli milyango yaanze iimbi. ²⁵ Impulunguzyo zyakali jalidwe kunzila yakumulyango aalukkonkono lwalo lwakali kozyenie loko mbuli oko kumulyango. Mulyango wakulubazu lwakumusanza alukonkono lwawo bwakali kweleka tukkokola tuli makkumi musanu mubulamfu alimwi busasa bwakali tukkokola makkumi obile- amusanu. ²⁶ Kwakali intaamo musanu azibili kuyosikila kumulyango alukkonkono lwawo, alimwi kwakali zitombe zyatukunka kumabazu woonse. ²⁷ Kwakali mulyango mulubuwa lwamukati kulubazu lwakumusanza, alimwi mwalumi wakeleka kuzwa kumulyango oyo wakumulyango wakulubazu lwakumulyango wakumusanza - tukkokola mwaanda kumusinzo. ²⁸ Mpawo mwalumi wakandeeta kulubuwa lwaanze anzila yakulubazu lwakumulyango wakumusanza, yakala mweelo oyo ukozyenie mbuli milyango iimwi. ²⁹ Twanda, malambo, alimwi alukkonkono lwawo lwakalamweelo ukozyenie mbuli milyango iimwi, kwakali mpulunguzyo kubulambo koonse mulukkonkono. Milyango yamukati aalukkonkono lwawo lwakeeleka tukkokola makkumi musanu mubulamfu alimwi busasa bwakali tukkokola makkumi obile-amusanu. ³⁰ Alubo kwakali lukonkono kaluzyungulukide mukati kabulambo; ootu twakali tukkokola totatwe mubusasa. ³¹ Oolu lukkonkono lwakalangide kulubazu lwalubuwa lwaanze azisamu zibezedwe zyamukkunka abulambo bwawo alimwi bwakali ntaamo musanu azitatu kukuya kuli njiiyo. ³² Mpawo mwalumi wakandeeta mulubuwa lwamukati aanzila yakujwe alimwi wakeeleka mulyango, ooyo wakalamweelo ukozyenie mbuli yayimwi milyango. ³³ Twaanda, malambo, alimwi alukonkono zyakali kwelekwa bukozyenie mbuli iimwi milyango, alimwi kwakali impulunguzyo konseni. Mulyango wamukati alukonkono lwakali kwelekwa tukkokola makkumi musanu mubusasa. ³⁴ Lukkonkono lwawo lwakalangide aanze alubuwa; lwakali atukkunka mabazu wonseni alimwi intamo zyakali musanu azitatu zyakali kuya nkuko. ³⁵ Awumbi mwalumi wakandeeta kumulyango wakulubazu lwakunyika alimwi wakayeela; zyakala mweelo ikozyenie ayimbi. ³⁶ Twanda, malambo awo, aalukonkono zyakala zyeeleko zikozyenie mbuli imwi milyango, alimwi kakuli mpulunguzyo bulambo boonse. Nzila zyakumulyango aalukonkono lwawo yakali kwelekwa tukkokola makkumi musanu atukkokola makkumi obile-amusanu mubusasa. ³⁷ Lukonkono lwayo lwakalangide aanze alubuwa; kwakali tukkunka kumabazu woonse awo alimwi zyakali ntaamo zili musanu zyakali kuyankuko. ³⁸ Kwakali kaanda kakaala kkoma kuli kumwi akumwi kunzila yakumilyango mamukati. Oku nkonkuko nkubakasanzizya zituuzyo zyakutentela. ³⁹ Kwakali intafula zyobile kubbazu akubbazu lyalukonkono, ooko chituuzyo chakutenteela nkuchakajiilwa, alimwi kabiyo azituuzyo zyazibi achituuzyo chamulandu. ⁴⁰ Kumbali lyabulambo bwalubuwa, luya kunyika, kwakali ntafula zyoobile. Alubo kulilimwi bbazu kwakali ntafule zyobile kulubbazu kwakali ntafula zyobile kulukonkono lwakumulyango. ⁴¹ Kwakali ntafula zyoone kuli wonse mabbazu antafula zili musanu azitatu. ⁴² Kwakali intafula zyoone zyamabwe akugoonsya azituuzyo zyakutenteela, chisela choomwe mubulamfu, kakkokola komwe achisela mubusasa, akakkokola komwe mubulamfu. Aalimbabo bakabikka zibelesyo eezyo nzibakali kujazya zituuzyo zyakutentela zyachituuzyo. ⁴³ Mamanino obile alabwaanza mubulamfu akagankamidwe mulukonkono chakuzyunguluka koonse, alimwi nyama yazituuzyo yakali kubikwa antafula. ⁴⁴ Kuli limwi bbazu lyamulyango wamukati, mukati kamukkati lyalubuwa, kwakali twaanda twabasikwiimba, komwe kulubazu lwakumbo kulangide kumusanza, ayimbi kumusanza kulubazu lulangide kunyika. ⁴⁵ Mpawo mwalumi wakati kuli ndime, ''Aka kaanda kalangide kumusanza nkabapayizi abo balamulimu muntempele. ⁴⁶ Kaanda kalangide kumbo kakali kabapayizi bakali amulimo kuchipayililo. Aaba mbebana ba Zadokki abo bakasika afwifwi a Jehova kumumanina milimo; bali akati kabana ba Levi. ⁴⁷ Alwabili wakeeleka lubuwa-tukkokola tuli mwaanda omwe mubulamfu alimwi tukkokola twakali mwaanda omwe mubusasa muzyooko, achipayililo chilikunembo lya ng'anda. ⁴⁸ Mpawo mwalumi wakandeeta kulukkonkono lwa ng'anda alimwi wakeeleka minsende - twakali tukkokola musanu mubusasa, kulilimwi bbazu. Inzila yamanjililo lwayo yakali tukkokola kkumi atune mubusasa, alimwi malambo kuli limbi bbazu twakali tukkokola totatwe mubusasa. ⁴⁹ Bulamfu bwalukkonkono twakali tukkokola tuli makkumi obile, abunike bwayo bwakali tukkokola tuli kkumi akamwi. Kwakali matantilo ayo akali kuya nkuko aa mindando eeyo iyimvwi kuli limwi bbazu lyayo.