¹ Elyo ijwi lya Jehova lyakasika kuli ndime, kalyamba kuti, ² ''Mwana wamuntu, lanzya busyu bwako aatala achilundu cha Seyili akusinsima aatala anchiicho. ³ Uwambe kuli nchicho, Mwami Jehova waamba bobu: Bona! ndaba sinkondonyokwe, chilundu cha Seyili, alimwi ndiyokuuma akuboko kwangu akukuchita kubatongo akuba chintu chabuyo. ⁴ Ndiyochitya madolopo aanu kuba matongo, anywebo lwanu muyoba balubidwe; elyo muyoziba kuti ndime Jehova. ⁵ Nkambo nywebo moonse mwali basinkondo kubantu ba Izilayeli, alimwi nkambo mwakabaaba kumaanza akupanga kuchiindi chamachise aabo, kuchiindi chachisubulo chabo nichakali chipati loko. ⁶ Nkinkaako. mbuli Mbondipona - aya ngimalayilile aa Mwami Jehova- Ndiyokubambila kutilwa kwabulowa, abulowa buyokutobela! Mbuli kuti tewakasula kutilwa kwabulowa, kutilwa kwabulowa buyokutobela. ⁷ Ndiyochita Chilundu cha Seyili kuti chibe tongo limaninide nindiyotema kuzwa kuli nchicho kufumbwa umwi awumwi oyo uyinda mumo akuboola lubo. ⁸ Ndiyozuzya zilundu zyabo abaabo bakajayigwa; aatala amumalundu enu malamfu amumimpata amutulonga twenu aba bakajayigwa apanga mubayowida. ⁹ Ndiyokuchita kuti ukabe tongo litachiyeyegwi limbi. Madolopo aako takoyokkalwa limbi, pesi uyoziba kuti ndime Jehova. ¹⁰ Wakaamba kuti, ''Ezi zisi zyobile amanyika obile ziyoba zyangu, alimwi tuyozibuba,'' nikuba eelyo Jehova nakkala ambabo. ¹¹ Nkinkaako, mbuli mbwendili muumi--aya ngemalayilile aa Mwami Jehova -- aboobo ndiyochita mbuli kunyema kwako ambuli bbivwe lyako ndiwakalalyo kuli mbabo ndayokubeteka. ¹² Aboobo muyoziba kuti ndime Jehova. Ndakamvwa masampuzi eenu woonse ngwaakamba kwinda muzilundu zya Izilayeli, elyo mwakati, ''akali mwayidwe; bakali pedwe ndiswe twajaye.'' ¹³ Mwakali sumpula nobeni aatala andime azezyo nzimwakaamba akuvuzya majwi ngimwakaamba aatala andime; alimwi ndakamvwa wonse. ¹⁴ Mwami Jehova waamba kuti: Ndiyomuchita kuba tongo, muchiindi awo nyika niyokondwa. ¹⁵ Mbuli mbumwakakondwa kulukono lwabantu ba Izilayeli nkambo kakuba tongo, Ndiyochita kweelene kulindinywe. Anywebo muyoba tongo, Chilundu cha Seyili, azyonse zya Edomu. Zyonse mbozizulwa! Mpawo ziyoziba kuti ndime Jehova.'''