¹ Mpawo chakachitia mumwaka wakkumi awumwi, mumwezi watatu, mubuzuba butaanzi bwamwezi, kuti ijwi lya Jehova lyakaza kuli ndime, kaliti, ² ''Mwanamuntu, amba kuli Falo, mwami waIjipiti, alimwi akumabunga mabunga akwe amuzyungulukide, Mubupati bwako, ulimbulini? ³ Laanga! Asiliya wakali musida waLebbanoni ulamitabi mibotu, uupa mwenzule kulusaka alimwi uulindilide kukulampa, alimwi mitabi yakachita mpela yawo. ⁴ Maanzi miingi akawuchita kuti ube mulamfu; maanzi aanikide akamuchita kuti ubemupati. Milonga yakeeta koonse mubusena bwawo, nkaambo tulongalonga twawo twakali kusikila kumisamu yoonse yamumunda. ⁵ Bulamfu bwawo bupati bwakali kwiinda bwayimwi yoonse misamu mumuunda, alimwi mitabi yawo yakavula loko; mitabi yawo yakalampa akaambo kamanzi miingi niyakalikuyookomena. ⁶ Woonse muyuni wamumajulu wakayaka mumitabi yawo, alimwi zyoonse zintu zipona zyamumuunda zyakazyala bana bazyo munsi lyamatu aawo aasansamukide. Zyoonse zisi zyiingi zyakakkala munsi lyacheenzule chawo. ⁷ Nkaambo wakali mubotu mubupati bwawo alimwi kulampa kwamitabi yawo, nkaambo miyanda yawo yakali mumanzi miingi. ⁸ Misida muhilili chaLeza teyakalikweelana pe anguwo. Takwe aakati kamisamu misipulasi yakeelene amitabi yawo, alimwi misamu biyo teyalikweelana amitabi yawo. Takwe nikwali uumbi musamu muchilili chaLeza wakali mbuli nguwo mukubota kwawo. ⁹ Ndakuuchita kutiubote antabi zyawo nyingi alimwi yoonse misamu yaEdeni yakali muchilili chaLeza yakuusula. ¹⁰ Aboobo Mwami Jehova waamba eechi: Nkaambo wakali mulamfu kuyakujulu, alimwi wakabika mpela yawo aakati kamitabi yawo, wakanyampula moyo wawo nkaambo kabulamfu bwawo. ¹¹ Ndawupeda mujanza lyamupati wazisi, kuti akalangane aawo mbuli bubi bwawo mbubuyanda. Ndkusowela anze. ¹² Bazwakule bakali chiyoosyo chazisi zyoonse bakawugonka alimwi bakuusiya kuti ufwe. Mitabi yawo yakawida aazilundu alimwi amumisena yoonse, alimwi matabi aawo akalala butyokede mumajenga aanyika. Mpawo zisi zyoonse aansi zyakazwa munsi lyacheenzule chawo alimwi zyakeenda kuzwa kulinguwo. ¹³ Boonse bayuni bamujulu bakalyookezya aachisiko chamusamu uuwide, alimwi munyama woonse wamumuunda wakaza kumitabi yawo. ¹⁴ Eechi chakachitika kuti kutabi iimbi misamu iikomena kumbali lyamanzi iloonyampula matu aayo kubulamfu bwamisamu milamfu loko, alimwi kuti kutabi iimbi misamu iikomena kumbali lyamanzi iloosikila kubulamfu oobo. Yoonse yakabambilwa kufa, kunyika iilikunsi, aakati kabana babantu, ambabo biinka kudindi. ¹⁵ Mwami Jehova waamba eechi: Mubuzuba musida niwakiinka kukabanda ndakeeta kulila kunyika. Ndakavumba maanzi aanikide aatala lyayo, alimwi ndakaboozya maanzi aalwizi. Ndakasisia maanzi mapati, alimwi ndakeeta kulilila nguwe Lebbanoni. Aboobo yoonse misamu yamumuunda yakalila akaambo kawo. ¹⁶ Ndakeeta kuteketa kuzisi kumuzuzumo wakuwa kwawo, aawo nindakuuwaalila aansi kukabanda aantomwe abaabo bakiinka mudindi. Aboobo ndakuumbulizya yoonse misamu yaEdeni mumasena aaselukide loko aanyika. Eeyi njemisamu yakasalidwe mibotu yaLebbanoni; misamu yakanywa maanzi. ¹⁷ Nkaambo abalabo bakiinka aansi anguwo kukabanda, kuli baabo bakali bajayigwa apanga. Eezi zyakali kuboko kwawo kusimide, eezyo zisi zyakali zyapona munsi lyacheenzule chawo. ¹⁸ Nguuli wamisamu muEdeni wakeelene aawo mubulemu amubupati? Nkaambo uyoboozegwa aansi amisamu yaEdeni kusika kumasena aaselukide loko aanyika aakati kabatapalwidwe; uyopona abaabo bakajayigwa aapanga.' Ooyu nguFalo amukamu aakwe - ooku nkwaamba kwaJehova.