¹ Wakandambila kuti, ''Mwana muntu, echo nchuwajana, kolya eli bbuku, elto koya ukambile luzubo lwa Izilayeli.'' ² Mpawo ndakajula mulomo wangu, alimwi wakandilisya elyo bbuku. ³ Wakandambila kuti, ''Mwana muntu, lisya ida lyako akuzuzya bula bwako aleli bbuku ndendapa nduwe!'' Mpawo ndakalilya, alimwi lyakali kunona mbuli buchi mukanwa lyangu. ⁴ Elyo wakandambila, ''Mwana muntu, koya kuluzubo lwaIzilayeli ukabambile majwi angu. ⁵ Nkaambo teensi watumwa kubantu bamusyobo umbi nekuba mulaka muyumu, pesi kuluzubo lwaIzilayeli- ⁶ teensi kubantu biingi bamusyobo umbi nekuba mulaka muyumu, wamajwi ngotakonzyi kumvwisisisya. Nchobeni nendalikutumide kuli mbabo, balikunokuswilizya. ⁷ Pesi luzubo lwa Izilayeli talukoyoyanda pe kuyokuswilila, nkaambo tabayandi pe kundiswilila. Lino loonse luzubo lwa Izilayeli lula nkumu njumu amoyo muyumu. ⁸ Bona! ndayumya busyu bwako mbubo mbuli masyu aaboaankumu yako kuyuma mbuli nkumu zyabo. ⁹ Ndachita kuti nkumu ibe mbuli bbweluma, iyume kwiinda indomba! utayoowi nekuba kukankama nkaambo kamasyu aabo, nekuba kuti nduzubo lukatazya .'' ¹⁰ Eelyo wwakandaambila kuti, ''Mwana muntu, majwi woonse aayo ngendaambakulinduwe- abikke mumoyo wako akwaswiilila amatwi aako! ¹¹ Koyinka kubazike, kubantu bako, akuyobaambila. Kobaambila kuti,' Muboobu mbwaamba Mwaami Jehova,' na bayoswiilila kana pe.'' ¹² Eelyo muuya wakandinyampula alimwi kusule lyangu ndakamvwa jwi lyamuzuzumina mupati wanyika: ''Bulemekwe bulemu bwa Jehova kubusena bwakwe! ¹³ ''Lyakali jwi lyaamababa azinyama zyuumi limwi alimwi nkaliguma jenzinyina, amuzuzumina wamavili akali kumbali lyazyo,amuzuzumina mupati wenyika. ¹⁴ Muuya wakandinyampula akunditola, aboobo ndakiinka akunyema mumuya wangu, nkaambo ijanza lya Jehova lyakali andime changuzu! ¹⁵ Aboobo ndakiinka kubazike bakali ku Teli Abbibbi bakali kukkala kumulonga wa Kkebbala, alimwi ndakakkala nkukoko kwamazuba aali musanu aabili, akuzula kugamba. ¹⁶ Mpawo nakamana mazuba musanu aabili ijwi lya Jehova lyakasika kulindime, kalyamba kuti, ¹⁷ ''Mwana muntu, ndakuchita mulindizi waluzuba lwa Izilayeli, lino koswiilila kujwi lizwa kumulomo wangu, akubapa nchenjezyo yangu. ¹⁸ Nindaambila sikubisya kuti, 'Uyoofwa nchobeni' aboobo twamuchenjezya nekuba kukwaamba nchenjezyo kuli sizibi aatala anchito zyakwe imbi kuti amwi walikuleka-ooyo sizibi uyoochifwida chibi chakwe, pesi bulowa bwakwe ndobuyanduula kuzwa kujaanza lyako. ¹⁹ Pesi kuti wamuchenjezya ooyo sizibi, aboobo tasanduka kuzibi zyakwe nekuba kuzwa kunchito zyakwe mbi, eelyo uyochifwida chibi chakwe, pesi unooli wafutula buumi bwako omwini. ²⁰ Na muntu ululeme waleka bululami bwakwe akuchita kutalulama, aboobo ndabikka chilebyo kunembo lyakwe, uyoofwa. Nkaambo kakuti twamuchenjezya, uyoofwa muchibi chakwe, aboobo nsikoyibulukwa inchito ziluleme nzyalikuchita, pesi ndiyoyanduula bulowa bwakwe kuzwa kujaanza lyako. ²¹ Pesi na wamuchenjezya oyo mululami kuti aleke kubisya kuti atakabisyi limbi, inchobeni uyoopona nkaambo wakachenjezegwa; alimwi unoli wavuna buumi bwako omwini.'' ²² Lino jaanza lya Jehova lyakali aalindime nkukoko, alimwi wakandaambila kuti, ''Nyampuka! uyinke kugundu, nkabela ndiyokwaambila nkukoko! ²³ ''Ndakanyampuka akwiinka mugundu, nkabela bulemu bwa Jehova bwakalimvwi nkuko, mbuli bulemu mbundakabwene kumbali lyamulonga Kkebbala: mpawo ndakavundama. ²⁴ Muuya wakasika kulindime akundimikizya amawulu aangu; akwaambuula aandime, akundaambila kuti, koya ukalijalile munganda yako, ²⁵ kwalino, omwana muntu, bayobikka ntambo alinduwe akukwanzya anzizyo eelyo tokoyoyendenda pe akati kabo ²⁶ Ndiyochita kuti lulimi lwako lukanamatile kubwasa bwako, kuti ukabe syataambi akutakonzya kubakkalila, nkaambo nduzubo lukatazya. ²⁷ Pesi ndanowambula ayebo, ndiyomamuna mulomo wako eelyo uyoti kulimbabo, 'Mbuboobu mbawamba Mwaami Jehova.' Ooyo uyanda kumvwa uyoomvwa; ooyo utayandi kuswiilila takoyo swiilila pe, nkaambo nduzubo lukatazya!''