¹ Lino wakandambila kuti, ''Mwana mungu, yimikila amawulu ako; mpawo ndiyowambuula ayebo.'' ² Mpawawo nakali andime, muuya wakanjila muli ndime akundiimikizya amawulu angu, alimwi ndakamvwa ndakabona nkalokwambuula andime. ³ Wakati kuli ndime, ''Omwana wamuntu, ndikukutuma kubantu ba Izilayeli, kuluzubo lukatazya bandipapila mubo- lwabo abamawisi babo boonse mane kusikila kubuzuba obuno!, ⁴ Lunyungu lwabo lujisi masyu atatambuliki amyoyo miyumu. Mebo ndikukutuma kuli mbabo, uyobambila kuti, ''Mbuboobu mbwaamba Mwami Jehova.' ⁵ Nikuba kuti bayoswilila kana kuti pe. Nkambo mbana baluzubo lupapide, pele bayoziba kuti kwaba musinsimi akkati kabo. ⁶ Iwebo, yomwana amuntu, utakabayoowi nekuba majwi abo utakayoowi, nikuba kuti waba buyumuyumu amachise alimbuli amaamvwa nekuba kuti wakkala atubaze. Utayoowi majwi abo nikuba kukankama akambo kamasyu aabo, nkambo nduzubo lupapide. ⁷ Pesi uyobaambila majwiangu, nikuba kuti bayoswilila nanka kuti pe, nkambo nduzubo lupapide loko. ⁸ Pele webo, O mwana amuntu, swilila nzendokukwabila. Utandipapili mbuli aluzubo lupapide. Jula mulomo wako ulye echo nchendaamba kukupa!'' ⁹ Elyo ndakalanga, alimwi ijanza lyakatandabalide kuli ndime; mujanza omo mwakali bbuku lilembedwe. ¹⁰ Wakalivungununa kunembo lyangu; lyakali lembedwe majwi akulila, amajwi akoomoka, amajwi amawuse.