¹ Mpawo ijwi lya Jehova lyakaza kulindime, nkaliti, ² ''Omwana muntu, wambila mwendelezi wa Taya, 'Mwami Jehova waamba eechi: Mowowako ulalisumpula! Wamba, ''Ndime Leza! Ndiyokkala achuuno chabaleza mumoyo walwizi!'' Nikuba kuti ndimuntu alimwi nsili Leza, moyo wako mbuli moyo waleza; ³ uyeya kuti ulimusongo kwinda Daniyele, alimwi takwe nsiswa ikugambya! ⁴ Wakalichitila nomwini buvubi abusongo aluzibo, akujana ngolida a nsiliva muzibikilo zyako! ⁵ Mubusongo bupati alimwi akukuzya kwako, wakayungizya buvubi bwako, aboobo moyo wako ulalisumpula nkambo kabuvubi bwako. ⁶ Nkinkaako, Mwami Jehova wamba eezi: Nkambo wachita moyowako mbuli waleza, ⁷ Ndiyoyeta bazwakule bazokulwisye, baalumi bayoosya bazwa kulaamwi maasi. Bayoyeta mapanga aabo akulwisya bubotu bwabusongo bwako; alimwi bayosofwazya bubotu bwako. ⁸ Bayokuwalila aansi mudindi, alimwi uyoofwa lufu lwabaabo bafwa mumyoyo yalwizi. ⁹ Uyowamba kasimpe na, ''Ndime Leza'' kubusyu ayoyo ukujaya lwako? Ulimuntu alimwi teensi nduwe Leza pe, alimwi uyoba mumanza ayoyo ukuyasa. ¹⁰ Uyofwa lufu lwabaabo batapalwidwe pe akuboko kwabazwa kule, nkambo ndakazyamba - echi Mwami Jehova nchawamba.''' ¹¹ Ijwi lya Jehova lyakaza lubo kulindime, ¹² ''Omwana wamuntu, pwaya mubila kumwami wa Taya alimwi uteedi kulinguwe, 'Mwami Jehova wamba echi: wakali chikozyanio chabululami, chizwide busongo alimwi chibotu kwalyoonse. ¹³ Wakali mu Edeni, mumuunda wa Leza. Lyoonse bbwe ibbotu lyakali kuzyungulukide: Lubbi, topazi, emelaludi, kkilisoliti, onikisi, jasipa, safiya, takwisi, a bbali. Kubamba kwenu akubika kwenu zyakachitwa kuzwa kungolide. Lyakali muzuba ndwakalengwa ezyo nizyakabambwa. ¹⁴ Ndakakubika achilundu chisalala cha Leza mbuli kkelubbi Ndakakunanika kuti ulange misyobo yabantu. Wakali akkati kamabwe alamulilo oko nkwakali kwendeenda. ¹⁵ Wakali syomekede munzila zyako kuzwa mubuzuba bwakulesegwa kosikila kutalulama nikwakatajanika mulinduwe. ¹⁶ Mukwindila kuzya kwako kupati wakazwide bulwani, alimwi wakabisya. Aboobo ndakakusowela aanze kuzwa kuchilundu cha Leza, mbuli oyo wakasofwazigwa, alimwi ndakakunyonyoona, ulindiide kkelubbi, alimwi wakakugwisya kuzwa akati kamabwe apya. ¹⁷ Moyo wako wakali kulisumpula abubotu bwako; wabisya busongo bwako nkambo kabubotu bwako. Ndakakutuma aansi enyika. Ndakakubikka kunembo lya Baami nkokuti bakubone. ¹⁸ Nkambo kazibi zyako zyiingi akuzya kwako kutasyomekana, wakasofwazya masena aako asalala aboobo Ndachita mulilo kuzwa kulinduwe; uyokusyukuta. Ndiyokuchita dyota kumenso abaabo bakulanga. ¹⁹ Boonse abo bakwizi akati kabantu bayokuletela; bayoyoowa alimwi tachiyobi limbi kwalyoonse.''' ²⁰ Mpawo ijwi lya Jehova lyakasika kulindime, nkaliti, ²¹ ''Omwana wamuntu, langisisya busyu bwako atala a Sidoni alimwi sinsima zimulwania. ²² Mwambilobu, 'Mwami Jehova wamba echi; lemekwa akati kenu aboobo bantu bayoziba kuti Ndime Jehova nenjobeteka chabululami akati kabo. Ndiyotondezya kuti ndasalala mulinduwe. ²³ Ndiyotumizya bulwazi mulinduwe abulowa mumigwagwa yako alimwi abo bakajiidwe bayowa akati kanu. ²⁴ Elyo panga lyayosika kukulwisya kuzwa kumabbazu woonse, mpawo muyoziba zinchenya ziyasa amamvwa achisa kung'anda ya Izilayeli kuzwa kuli koonse bamwengelede abo banyansya bantu bakwe, aboobo bayoziba kuti Ndime Mwami Jehova! ²⁵ Mwami Jehhova wamba echi, 'Kuti ndabungania ng'anda ya Izilayeli kuzwa kubantu abo bakasanseene, alimwi ndayopambulwa akati kabo, aboobo zisi ziyobona, mpawo bayochita myunzi yabo munyika njentakape mulanda wangu Jakobu. ²⁶ Mpawo bayopona chakutayowa mulinguwe akuyaka maanda, akubyala masansa, akupona chakutayowa elyo ndayobeteka chabululami kulibaabo bonse balangilila ansi kuzwa kulibaabo babengelede; aboobo bayoziba kuti Ndime Jehova Leza wabo!'''