¹ Alimwi ijwi lya Jehova lyakaza kuli ndime, nkaliti, ² ''Omwana wamuntu, talika kulya Taya, ³ alimwi utedi kuli Taya, ngwani ukkala mukati kamilyango ya Lwizi, Bantu bawuzya kutusuwa twiingi, Mwami Jehova waamba ezi kuli nduwe: Taya, wakamba kuti, 'Ndiluleme mububotu.' ⁴ Migaano yako ilimumyoyo yalwizi; basikuyaka bako balulamika bubotu bwako. ⁵ Bakachita mapulanga ako woonse amusipulasi kuzwa ku Sina; bakabweza seda kuzwa kuli Lebbanoni kukuchita kasamu kabwato kako. ⁶ Bakachita nsoke yako kuzwa kumu okkisi wa Bbasyani; bakachita ntafula yako muzisamu zyamusipulasi kuzwa ku Sayipulasi kuzwa ku Sayipulasi, alimwi bakalimbania ameja anzovu. ⁷ Malembo akwenzya ako akachitidwe kuzwa kunchinda imwekesya kuzwa ku Ijiputi oyo wakali kubela mbuli ndembela; musyobo wasimakaka awantumbula kuzwa kuzitobela zya Elayisya zibelesegwa kukuvumbya abwato bwako. ⁸ Abo bakali kukkala mu Sidoni a Avadi bakali basikuyamba bako; bachenjede baku Taya bakali mulinduwe; bakali basikukwenzya. ⁹ Basikubeza bakonzya loko bazwa ku Babbilosi bakazuzya basikwenzya babo akati kako bakanyampwide zyakuyowuzya zyako. ¹¹ Peziya, Lidiya, a Libbiya bakali mulumamba lwako, baalumi bako benkondo, bakagwabikide ntobo azikwabilizyo zyamumutwe mulinduwe; bakatondezya bubotu bwako. ¹⁰ Balumi baku Avadi a Helekki mulumamba lwako bakali abulambo bwako kabakuzyungulukide! Bakamaninsya bubotu bwako. ¹² Tasyisyi wakali sikusambala nyokwe nkambo kabuvubi bwako bwiingi bwazintu zyakuzya: Nsiliva, nsimbi, kagabba amusyobo wensimbi. Bakuula akuzya zintu zyabo! ¹³ Javani, Tubbalu, a Mesyeki -- bakali kuuzya bazike azintu zyakachitidwe amukuba. Bakabweza zyuzigwa zyako. ¹⁴ Bbeti Togama wakapa mabbiza , mabbiza ankondo ambongolo mbuli zyuzigwa zyako. ¹⁵ Balumi baku Lodi bakali basikukuzizya zyakali mumaboko ako zyingi zyuzigwa zyakali mumaboko ako; bakabwedezya meja, meja anzovu, azisamu zyakuuzya! ¹⁶ Alamu wakali sikuuzya zintu zyako zyiingi; bakapa ma emaladi, bwantumbula, zigogo zimweka, milembo lyabulukwe bunini, pelusi, amalubbizi mbuli zyakuuzya zyako. ¹⁷ Juda anyika ya Izilayeli bakali kuzizyania anduwe. Bakapa wiiti kuzwa kuminiti, zibunge, buchi, mafuta, a bbalusamu mbuli zyakuuzya zyako. ¹⁸ Damasikkosi wakali kuuzya zintu zyako zyoonse, boonse buvubi bwako bwiingi, abwawayini ya Helobbolani abuluba bwa Zaha. ¹⁹ Dani a Javani baku Izali bakakupa zyakuuzya zyabutale bufulidwe, sinamoni akkalamusi. Eezi zyakaba zyakuuzya kulinduwe. ²⁰ Dedani wakali sikuuzya wako mandumba mabotu. ²¹ Alabbiya boonse baami bakkeda bakali basikusambazyanyokwe, bakapa tubelele, bagutu, aa mpongo. ²² Basikuzya ba Syebba a Lama bakaza kuzokuuzizya zibotu zyabuztwizyo boonse amumisyobo yamabwe mabotu; bakeeta ngolide kukuzowula zinrtu zyako. ²³ Halani, Kkane, a Edeni bakali basikuuzya nyokwe, antomwe a Syebba, Asa, a Kkilinadi. ²⁴ Aba bakali basikuuzya bako muzisamo zyeebeka zyamisyobo injilene, mumandumba amisyobo myingi, alukidwe, zisamo zyakasumwa obotu abusena bwako bwakuuzizya. ²⁵ Maato aku Tasyisyi akali zinyampuzyo zyazyuuzyo zyako! Aboobo wakalizwide, akalilemedwe zintu mumoyo walwizi! ²⁶ Basikuyamba bako bakakweta mulwizi lupati; guuwo lyakujwe lyakakutyola akati kabo. ²⁷ Buvubi bwako, nzyowuzya, azintu zyakuuzya, basimaato bako basikubeenzya, abasikuyamba bwato; basikuula zintu zyako aboonse baalumi bankondo bakali mulinduwe, aboonse basikubeleka -- bayondyondyomena mulwizi lubbila mubuzuba bwalunyonyooko lwako. ²⁸ Zisi kulwizi ziyotekezta kumuzumo wakulila kwaba sikwenzya bako; ²⁹ Boonse abo bajata nsoke balaza ansi kuzwa mumaato abo; basinkasia boonse basikwenzya mulwizi bayoyima anyika. ³⁰ Elyo bayokuchita uswilile kujwi lyabo alimiw bayolila chakuchisya moyo; bayolitila lusuko ajulu amitwe yabo. Bayobumbuluka mudyota. ³¹ Bayogela mitwe yabo chinkulu kulinduwe akulyangilila amasaka, alimwi bayolila chakuchisya moyo alimwi bayolilisya. ³² Bayolila ajulu maliyo kabalilila nduwe, akwimba nyimbo zyakuyeeya kulinduwe, ngwani ulimbuli Taya, oyo lino weetwa kuluumuno akati kalwizi? ³³ Awo basikuuzya bako nibakayinda ankomwe yalwizi, bantu biingi bakakkutisika anzizyo; wonetesya Baami bamunyika abuvubi bwako bubotu anzowuzya! ³⁴ Pele nimwaka mwayusigwa alwizi, amanzi abbide, zyoonse nzyowuzya ababeleka bako bakabbila! ³⁵ Bonse bakkala kumbali alwizi bakagamba alinduwe, alimwi Baami babo bakakankama chakuyoowa! ³⁶ Masyu abo akateketa! Bantu bawuzya bakakungwakung'ung'una; wakabachisya, alimwi tochiyobiwo limbi kwalyoonse.''