¹ Aboobo mwakali mumwaaka wakkumi aawumwi, mubuzuba butaanzi bwamweezi, aawo ijwi lya- Jehova lyakasika kuli ndime, kaliti, ² ''Mwana wamuntu, nkaambo Taya wakaamba chakukazyana a- Jelusalemu, 'Maa! Millyango yabantu yapazuulwa! Wajokela kuli ndime; Ndiyozuzigwa kujulu nkaambo wakanyoonganwa.' ³ Nkiikaako Mwami Jehovawaamba eechi, 'Amulange! Ndakazyana anduwe, Taya, alimwi ndiyobusya maanji manyika akazyana anduwe mbuli lwizi lubusya mayuwe. ⁴ Bayoonyonyoona milambo ya- Taya akupwayila aansi angazi zyakulangila kwaabo. Ndiyoyiila lusuko lwakwe akumuchita mbuli bbwe litakwe chintu. ⁵ Uyakuba busena bwakubikkila nsabwe kuti ziyume aakati kalwizi, mbuli mbundaamba- Ooku nkuukwaamba kwa- Mwami Jehova- alimwi uyooba sikunyonyoona kumanyika. ⁶ Bana bakwe basimbi bali mumyuunda bayojayigwa asumu, alimwi bayooziba kuti ndime Jehova.' ⁷ Nkaambo ncheechi Jehova nchaati: Amulange, kuzwa kujwe ndeeta Nebbukkadineza mwami wa- Bbabbiloni, mwami wa- Baami, kukazyana a- Taya, amabbiza ankalaki, abeenzyi bamabbiza abiingi. ⁸ Uyakujaya bana basimbi bako mumuunda. Uyakubusya bulambo bwakukulwisya akuyaka zitantaala zisazyana abulambo akunyampula zikwabilizyo zikazyana anduwe. ⁹ Uyakubikka mincina yakwe ikazyana abulambo bwako, alimwi zibelesyo ziyakuzapawulwa aansi milambo. ¹⁰ Mabbiza aako ayakuvula kuti lusuko lwako luyakukuvumba. Bulambo buyakuzungaana amuzuzumino wamabbiza, amawagoni, ankalaki. Kuchiindi nayonjila mumilyango yanu, uyakunjila mbuli bantu basika mumuunzi ooyu bulambo mubwakawunsigilwa aansi. ¹¹ Nsumba zyamabbiza ayookulyatawula yoonse migwagwa yanu. Uyakujaya bantu bako apanga anguzu zyanu zyamubulambo bwamabwe buyowida aansi. ¹² Bayakuupwayulala buvubi akubweza nzimusambala zitali mumulawu. Baya kukukolomweda aansi bulambo alimwi akunyonyona bubotu bwaminzi. ¹³ Ndiyakuumuzya mizuzimino yanyimbo zyangu. Mizuzimino yatuntimbwa twanu tikooyoomvwigwa limbi. ¹⁴ Ndiyokuchita mabwe atakwe chintu, uyooba busena aawo nsabwe mpuziyobikwa kuti ziyume. Tukoyookoonzya kubuyaka lubo, nkaambo Ime, Mwaami Jehova ndaambula- mbwaamba Mwaami Jehova. ¹⁵ Mwaami Jehova waamba eezi ku Taya, 'Sa tusuwa twalwizi tatukoozungana amumuzumo wakuwa kwako, anibayootongela machise achitanga wafwa kuti kujayigwa kwaba akati kanu? ¹⁶ Mpawo boonse baami balwizi bayooseluka kuzwa kuzyuunu zyabo alimwi akugwisya zyakusama zyabo akusamununa zisamo zyabo zyaboofu. Bayosa zyakusama zyamanyengwe manyengwe, bayokala mumabuwa azyakusama zyamanyengwe manyengwe chiindi chifwifwi, alimwi bayoayoowa kaambo kanduwe. ¹⁷ Bayoolilisya akwaamba kuli nduwe, Mbuti nywebo nimwakali bantu bakakkede abasimaato, mwnyonyoonwa. Chisi chilampuwo chakala nguzu- Lino zyeenda kuzwa kuli. Bamwi bakkala omuno bakatondeezya kuyoowa beni aatala aboonse bakali kukkala munsi aambabo. ¹⁸ Lino tusuwo tulayoowa mubuzuba bwakuwa kwanu. Tusuwa tulimulwizi tulazungaana, nkaambo tamuchili mubusena bwanu.' ¹⁹ Nkaambo Mwami Jehova waamba eezi: Nindiyookuchita muumi uutachikwe chintu, mbuli iimwi myuunzi itakkede bantu, nindiyobusya bunike bwamaanzi aanu, alimwi kuchiindi maanzi aalanguzunayoomuvumba, ²⁰ mpawo ndiyokubwedsya aansi basikale banu mbuli bamwi bakeenda aansi mumalindi; nkaambo ndiyookuchita kuti ukkale mumasena aalansi anyika mbuli mumatongo abasikale. Nkaambo kacheechi tukooyoobweda lubo akwiimikila munyika yabapona. ²¹ Ndiyakuleta mapenzi alinduwe, alimwi tukooyoobawo chalyoonse. Mpawo uyoozichita, pesi tukooyooboneka limbi- Mbwamba Mwami Jehova.''