¹ Mpawo Ijwi lya Jehova lyakasika kulindime, nkaliti, ² " Omwana muntu, bika busyu bwako kubantu ba Amoni, akusinsima chakubapa mulandu. ³ Kobambila bantu baAmoni, Amumvwe ijwi lyaMwami Jehova. Echi nchicho mwami Jehova nchawamba: Nkambo wakati, "Yaa !" atala abusena bwangu busalala, elyo nibwakasofwazigwa , alimwi aku nganda yaJuda elyo nibakachija nyika yabo akunobuyuba mulimwi nyika, ⁴ Nkikaako, langa, ndakupa kubantu bakujwe mbuli buvubi bwabo. Baloyimika musasa alinduwe alimwi akwimika matente abo akati kako. Bayolya michelo yako akunwa malili ako. ⁵ Ndiyochita Labba ankamela abantu ba Amoni muunda wabutanga. Mpawo uyoziba kuti ndime Jehova. ⁶ Aboobo Mwami Jehova wamba echi: wakamba maboko ako akulyata ndyato zyako, akusekelela chakunyansya mulinduwe konyansya nyika yaIzilayeli. ⁷ Nkikaako, Langa! Ndiyokuma akuboko kwangu alimwi ndiyokupa mbuli chisalo kuzisi. Ndiyokugwisya kuzwa kubantu akukuchita kuti unyonyoke akati kamasi! Ndiyokunyonyona alimwi uyoziba kuti ndime Jehova.' ⁸ Mwami Jehova wamba echi; nkambo Mowabbu aSeyi bakati langa! Ing'anda yaJuda yaba mbuli woonse masi." ⁹ Nkikaako, langa! Ndiyojula tulonga twa Mowabbu, kutalikila kuziisi zyakwe amugano - bubotu bwaBbeti Jesimoti, Bali Miyoni, aKiliyatamu - ¹⁰ kubantu bakujwe abo bakalikwimpana abantu baAmoni. Ndiyobapedekezya mbuli muntu wabo aboobo kuchitila bantu ba Amoni. Ndiyobapedekezya mbuli muntu wabo aboobo kuchitila bantu ba Amoni tabakoyoyeyegwa akati kazisi. ¹¹ Aboobo ndiyochita mbeteko kuba Mowabbu, alimwi bayoziba kuti ndime Jehova.' ¹² Mwami Jehova nguwakamba echi, ' Edomu wakaliya nkoto kung'anda yaJuda alimwi wakachita bubi mukuchita mbubobu. ¹³ Nkikaako, Mwami Jehova wakamba echi: Ndiyowuma Edomu aluboko lwangu akunyonyona bantu boonse abanyama nkukoko. Ndiyobachita tongo, masena atakatidwe, kuzwa kutemani kosika kuDedani. Bayowa apanga. ¹⁴ Ndiyoliya Nkoto atala lya Edomu aluboko lwabntu bangu baIzilayeli, alimwi bayochitila Edomu mbuli kunyema abukali bwangu, alimwi bayoziba kuliya nkoto kwangu - aya ngamalayilile aMwami Jehova.' ¹⁵ Mwami Jehova ngwamba echi, 'BaFilisitiya bayoliya nkoto abubi alimwi akuzwa akati kabo bezya kunyonyona Juda chiindi achiindi. ¹⁶ Aboobo echi nchenchicho Mwami Jehova nchawamba: langa! Ndiyowuma aluboko lwangu kubaFilisitiya, alimwi ndiyo gwisya baKelati akubanyonyona bakayoboka abo batobezezye kumbali lyaLwizi. ¹⁷ Lino ndiyo liya nkoto mpaati kulimbabo chanchito zyabukali chakuba subula, aboobo bayoziba kuti ndendimeJehova, elyo nenjoliyankoto zyangu kulimbabo."