¹ Ijwi lya Jehova lyakasika kuli ndime mumunyaka wamusanu ayine, mumwezi wakkumi, amuzuba bwakkumi bwamwezi, nkalyaamba kuti, ² ''Mwana munut, lilembele lwako izina lyazuba eeli, elizuba ndilyo, aboobo muli ndilyo elizuba mwami wa Bbabbiloni wazyunguluka kukulwanisya Jelusalemu. ³ Aboobo wamba kasimpi atala aluzubo lupapide, mambilambali. Wamba kulimbabo, 'Mwami Jehova wamba boobu: ⁴ Bikka mpoto yakujikila. Ibike akutulida manzi mulinjiyo. Bungika zituli zyachakulya mulinjiyo, kufumbwa zituli zibotu, chibotu - chibelo abbandabuko - alimwi wizuzye zifuwa zibotu. ⁵ Bweza chibotu mubutanga akulundika mafuwa munsi ayo. Wiyeete ibike akupeka mafuwa mulinjiyo.. ⁶ Nkinkaako Mwami Jehova waamba obu: Maawe kumunzi wabulowa, mpoto yakujikila eyo yakaba abulala mulinjiyo. Bweza chituli achituli kuzwa mulinjiyo, pesi utayuminini nkakata. ⁷ Nkaambo bulowa bwakwe buli akati mulinguwe. Wabubika amwala ubungusene; takabutilila ansi anyika kuti abuvwikile asuko, ⁸ aboobo chileta bukali bwaku bwedezezya kwelede ubungusene kuti butakavwikkilwi. ⁹ Nkiinkako, Mwami Jehova waamba oobu: Maawe kumunzi wabulowa. Alubo ndiyokomezya idwi lyankuni. Bamba nkuni akuzibika mulilo. ¹⁰ Jika nyama kabotu akuvwelengania atunonia musinza akuleka zifuwa zipye zibensizi. ¹¹ Elyo bikka mpoto amakkala nkitakwe chintu pe, kuti itentwe akusanduula mubala wayo wamukuba, aboobo kulasalala kuli mukati kayo kuyoyeemuka, ibulala bulyigwe bukamane. ¹² Wakatala kambo kakubeleka loko, pesi bulala tabuzwide kulinguwe amulilo. ¹³ Buuse bwabube bwako buli mubusofwazi. Nkaambo ndakeezya kukusalazya pesi tewakasalala kuzwa mubusofwazi bwako, tokoyosalazigwa limbi ado ndikakkutisike bukali bwangu atala anduwe. ¹⁴ Imebo nde Jehova, mbundamba, alimwi ndiyochichita. Nsikoyoleka na kulyokezya kuzwa kulinchicho. Mbuli nzilazyako mbuzyakabede, ambuli nchito zyako, bayomubeteka.'' ¹⁵ Elyo ijwi lya Jehova lyakaza kuli ndime, lyaamba kuti, ¹⁶ ''Mwana muntu! Langa, Ndikubweza kuyanda kwamenso aako kuzwa kulinduwe achuumyo pesi toyelede koomoka na kukwila, alimwi misozi yako tiyelede kukkunka. ¹⁷ Welede kukwila chibiizi. Toyelede kwendelezya dilwe lyabafwide. Wanga ngowani yako akuzwata nsangu kumawulu ako, pesi utavumbi masusu akumenso na kulya chinkwa chabaalumi nkambo kakusweekelwa banakazi bako.'' ¹⁸ Aboobo ndakambila bantu boonseni, alimwi mwanakazi wangu wafwa magolezya, kuseni ndakachita nzindakali ndalayililwa kuchita. ¹⁹ Bantu bakandibuzya, ''Tokoyotubuzya na kuti ezizintu zyambaanzi, zintu nzyolikuchita?''' ²⁰ Aboobo ndakati kuli mbabo, ''Ijwi lya Jehova lyakaza kuli ndime, nkaliti, ²¹ 'Wambila ng'anda ya Izilayeli, Mwami Jehova waamba oobu: Langa! Njowubula chikkombelo changu -- mantukwe anguzu zyanu, kubotelwa kwamenso eenu, chiyandisyo chamoyo wanu, alimwi bana banu balombe abana banu basimbi mbibakasiya musule bayojigwa apanga. ²² Elyo muyochita mbubonya mbundakachita: tamukoyovumbula masusu akumenso, nakulya chinkwa chababa baalumi bakwiila! ²³ Anukuti, ngowani zyanu zinoli amitwe yanu, ansangu zyanu kumawulu anu; tamukoyowomoka nakukwiila, nkambo muyoyemuka muzibi zyanu, alimwi awumwi mwalumi uyosintimukila mukalana wakwe. ²⁴ Aboobo Ezekkiyeli uyoba chitondezyo kuli ndinywe, mbuli zintu zyonse nzyachita muyochita chakumusikila. Elyo muyoziba kuti Ndime Mwami Jehova.''' ²⁵ ''Pesi iwebo, mwana wamuntu, mubuzuba obo ndakutola ng'anda yakubunganina, ililukondo lwabo, mantukwe aabo, anzibabona akuyandisya - alimwi ayo ndakubweza bana babo balombe, abana basimbi - ²⁶ mulelyo zuba, ulobokede uyoza kuli nduwe kukupa milumbe! ²⁷ Mulelyo zuba mulomo wako uyowasamina sikuloboka alimwi uyowambuula -- tochiyowumuni. Kuchitila kutondezya kulimbabo elyo bayoziba kuti Ndime Jehova.''