¹ Mpawo jwi lya Jehova lyakasika kulindime kaliti, ² ''Mwana wamuntu, lyanzya busyu bwako ku Jelusalemu alimwi wambuule aatala amasena aasalala; sinsima aatala anyika ya Izilayeli. ³ Ambila nyika ya Izilayeli kuti, 'Jehova waamba eechi: Langa! Ndime sinkondo anywebo! Ndiyoogwisya panga lyangu kuzwa muchikkwama chalyo alimwi ndiyoogonka boonse bantu baluleme abataluleme kuzwa kulindinywe! ⁴ Kuti nkagoke boonse baluleme abataluleme kuzwa kulindinywe, panga lyangu liyoozwa muchikkwama chalyo kailwana boonse bantu kuzwa kumusanza kusika kunyika. ⁵ Mpawo nyama yoonse iyooziba kuti me, Jehova, ndasomona panga lyangu kuzwa muchikkwama chalyo. Talikoyoobweeda musule pe!' ⁶ Mbuli nduwe, mwana mulombe wamuntu, mimila aawo nyama zyako nizidunsuuka! Mukubijilwa mimila kunembo lyamenso aabo! ⁷ Mpawo ziyoochitika kuti bayookubuzya, 'Nkaambonzi nomimila?' Mpawo uyowamba kuti, 'Nkaambo kamakani aalikuza, nkaambo myoyo yoonse iyoowizuuka, alimwi amaboko woonse ayookompama! Myuuya yoonse iyoowizuuka, amazwi woonse ayoyenda mbuli meenda. Langa! Chiyoobuza aimwi chiyooba mbuboobo! - ooku nkwaamba kwa Jehova.''' ⁸ Mpawo jwi lya Jehova lyakasika kulindime kaliti, ⁹ ''Mwana muombe wamuntu, sinsima alimwi waambe kuti, 'Mwami waamba eechi: ''Tedi: Ipanga! Ipanga! Liyoonona akubukuswa! ¹⁰ Liyoononwa kuti likakonzye kujaya kupati! Liyoopukutwa mukuti likabe mbuli kalabi! Tukabotelwe na mumusako wamwana wangu mulombe? Ipanga liyobuza lilasula woonse musako uuliboobu! ¹¹ Aboobo panga liyoopegwa kuli lipukutidwe, mpawo likajatisigwe aluboko! Panga lyanonwa alimwi lyapukutwa akupegwa kumanza awooyo ujaya!''''' ¹² Mwiitilile lugwasyo alimwi mulile, mwana mulombe wamuntu! Nkaambo panga eelyo lyazida kulwisya bantu bangu! Lilikulwisya bazululi ba Izilayeli boonse. Bawalwa kukulwisyania aapanga bantu bangu. Nkinkaako, wuma chibelo chako! ¹³ Nkaambo kuli kweezegwa , pesi kuyooba buti na musako wakachilwa? - ooku nkwaamba kwa Mwami Jehova. ¹⁴ Lino webo, mwana muombe wamuntu, sinsima alimwi wuume maboko aako obile nkaambo panga liyoolwisya nikuba lwatatu! Ipanga lyabaabo batakajayigwe! Ndipanga lyabiingi batakajayigwe, litakabayase koonsekoonse! ¹⁵ Kuti tuyeemune myooyo yabo akuvuzya bawide babo, ndabika panga lyakujaya kumilyango yabo. Ma! Lyachitwa mbuli kalabi, libwezelegdwe kujaya. ¹⁶ Iwe, panga! Wuma kululyo! Wuma kuchimweensi! Inka kufumbwa busyu bwako nkubulangide. ¹⁷ Nkaambo njoowuma maboko angu obile antoomwe, alimwi njowokezya bukali bwangu! Mebo, Jehova, mbundaamba!'' ¹⁸ Ijwi lya Jehova lyakasika kulindime kaliti, ¹⁹ ''Lino we, mwanamulombe wamuntu, sala migwagwa yobile ipanga lya mwami wa Bbabbiloni ndilikonzya kubweza. Migwagwa yobile iyootangunina munyika yomwe, alimwi chikkwaankwani chiyootondeezya umwi wayo mbuli uuya kumunzi. ²⁰ Bika umwi mugwagwa kuti ube wampi ya Bbabbiloni kuti iye ku Labba, muunzi wa ba Amoni. Bika umwi kutola mpi kuli Juda akumuunzi wa Jelusalemu, ooyo uukwabililidwe. ²¹ Nkaambo mwami wa Bbabbiloni uyoyima kumaswaananino aamigwagwa kuti akachite busondi. Uyoozungania mivwi alimwi akabuzye meendelo kuzitoombe akuyoolingulula chini. ²² Mukuboko kwakwe kwalulyo kunooli chitondeezyo aatala a Jelusalemu, kubika bagutu bwakupwayuula aatala anjiyo, kujula mulomo wakwe kulujayo, kulizya jwi lyankondo, kubika bagutu bapwayawula milyango, kuyaka dunduulu, akuyaka zisinkinizizyo zyambandami. ²³ Chiyooba mbui chitondeezyo chabuyo kumenso abaabo bamu Jelusalemu, aabo bakakonkezya chizuminano kubantu ba Bbabbiloni! Pesi mwami uyoobapa mulanda wakutyola chizuminano kuti akabaange kabotu! ²⁴ Nkinkaako Mwami Jehova waamba eechi: Akaambo kakuti mwachita bubi bwanu kuti buyeeyegwe, kuchita nsotoko zyanu kuti ziyubununwe kuchitila kuti munchito zyanu zyoonse zibi zyanu zikabonwe - nkaambo mwachita eechi muyoozundwa. ²⁵ Mbuli nduwe nomuzululi mubi wa Izilayeli uusampawula, ooyo uuli aazuba lyachisubulo lyasika, alimwi uuli achiindi chabubi chagola, ²⁶ Mwami Jehova waamba eechi kulinduwe: Gwisya chitambala alimwi uzwaatunune musini! Zintu tazichiyoofanani pe! Sumpula bali aansi alimwi ufwiinsye basumpukide! ²⁷ Tong! Tongo! Ndiyooyichita tongo! Tikoyoobukulusigwa pe kusikila wasika ooyo wakasalwa kuzooyibeteka. ²⁸ Aboobo we, mwana mulombe wamuntu, sinsima alimwi waambe kuti, 'Mwami Jehova waamba eechi kubantu ba Amoni aatala akuusa kwabo kuyobuza: Panga, panga lyasomonwa! Lyanonwa kukujaya kuti ilye, aboobo liyooba mbui kaabi! ²⁹ Muchiindi basinsimi nibabona zilengano zyabuyo aatala andinywe, muchiindi nibachita zyamizimu kuti bakajane mabejo aataa andinywe, eeli panga liyoolala mumikosi yabaabo baamba kujayigwa, aabo buzuba bwabo bwachisubulo bwasika alimwi aabo chiindi chabo chazibi chaamba kugola. ³⁰ Bweedezya panga muchikkwana chalyo. Mubusena bwakulengwa kwako, munyika nkozyalwa, ndiyookubeteka! ³¹ Ndiyootila bukali bwangu alinduwe! Njoofulidila mulilo walunyemo lwangu alinduwe akukubika mumaanza abaalumi bakali, basikubamba lunyonyooko! ³² Uyooba mungwimba wamulilo! Bulowa bwako buyooba aakati kanyika. Tokoyooyeyegwa limbi, nkaambo mebo, Jehova ndaamba eechi!'''