¹ ''Lino iwe, bweza lila aatala abazululi ba Izilayeli ² alimwi utedi, 'Ngwani wakali banyoko? Mulavu muzyazi, wakapona antoomwe amwana wamulavu mweeze; aakati kabalavu baniini, wakakomezya bana bakwe. ³ Nguwe wakakomezya umwi wabana bakwe kuti abe mulavu muniini, mulavu wakiiya kudelula nzyavwima, alimwi wakalya bantu. ⁴ Mpawo manyika akamvwa aatala anguwe. Wakachigwa mukakole kabo, alimwi bakamweeta angobyoobyo kunyika ya Ijipiti. ⁵ Mpawo wakabona kuti nikuba wakali walindila kuboola kwakwe, lino bulangilizi bwakwe bwakali bwiinka. Aboobo wakabweza umwi wabana bakwe akumukomezya kuti abe mulavu muniini. ⁶ Ooyu mulavu muniini wakali kweendeenda aakati kabalavu. Wakali mulavu muniini alimwi wakayiya kudelula nzyavwima; wakalya bantu. ⁷ Wakabweza bamukabafu babo akumwaya myuunzi. Nyika abuzule bwayo yakasiigwa akaambo kamuzuzumo wakulila kwakwe. ⁸ Pesi zisi zyakasika kuzoomulwisya kuzwa kuzilikiti zimuzyungulukide; bakayala tunsabwe twabo aatala anguwe. Wakachigwa mukakole kabo. ⁹ Angobyoobyo bakamubika muchizumbo alimwi bakamweeta ku Mwami wa Bbabbiloni. Bakamweeta kuzichijilo kuchitila kuti ijwi lyakwe litakamvwigwi limbi aachilundu cha Izilayeli. ¹⁰ Banyoko bakali mbulu musaansa uubyalidwe mubulowa bwako kumbali lya maanzi. wakali kuzyala alimwi wakali aantabi nyingi nkaambo kakuvula kwamaanzi. ¹¹ Wakali aantabi zisimide eezyo zyakali kubelesegwa kuchita nkoli ya mweendelezi, alimwi bupati bwawo bwakalisumpwidwe aajulu aantabi, bulamfu bwawo bwakabonwa abupati bwamatu aawo. ¹² Pesi musaansa wakanyukulwa mukunyema alimwi wakawaalilwa aanyika, alimwi luuwo lwa kujwe lwakayumya michelo yawo. Mitabi yawo iisimide yakatyokooka, yapusama alimwi mulilo wakayitenta. ¹³ Aboobo lino ubyalidwe munkanda, munyika yabbaangwe anyota. ¹⁴ Nkaambo mulilo wakazwa kuzwa kumitabi mipati alimwi wakatenta michelo yawo. Taachikwe mutabi uusimide pe aalinguwo, taachikwe nkoli yakweendelezya.' Ooku nkulila alimwi kunooyimbwa mbuli kulila.''