¹ Ijwi lya Jehova lyakasika kulindime kaiti, ² ''Mwana wamuntu, amba kalabiko alimwi waambe lwaano lwachikozyano kung'anda ya Izilayeli. ³ Utedi, 'Mwami Jehova waamba eechi: Nkwaze mpati iili aamaba mapati malamfu, iizwide milimba, alimwi yakali aamabalala yakayinka ku Lebbanoni alimwi yakajatilila aajulu lyamusamu wa kkeda. ⁴ Yakatyola mpela zyantabi akwiinka aazyo kunyika ya Kkenani; wakiizikila mumuunzi wa basambali. ⁵ Alimwi wakabweza mbuto yanyika akwiibyala mumuseele uuli aambolezi. Wakiibika kumbali lyamanzi mbuli musamu ukunkumuka matu. ⁶ Mpawo wakasyuuka alimwi watandabala afwiifwi anyika. Mitabi yawo yakaboolela kulinguwo, amitabi yawo yakakomena munsi lyawo. Aboobo yakaba chisiko chakachita ntabi akuchita mpakatwa. ⁷ Pesi kwakali nkwazi mpati yakali aamababa mapati a milimba myiingi. Langa! Chisiko eechi chakachengunusya miyanda yacho kukulanga ku nkwazi, aimwi chakatandabika ntabi zyacho ku nkwazi kuzwa kubusena nkuchakabyalilidwe kuti chikonzye kutiliilwa. ⁸ Chakabyalidwe mumuseele mubotu kumbali lyamaanzi miingi kuti ikonzye kuchita ntabi akusyuusya michelo, kuti ube musaansa mupati weebeka.' ⁹ Amba kuti kubantu, 'Mwami Jehova waamba eechi: Uyoozwidilila na? Tukoyoonyukulwa na akukuluulwa bana bawo kuchitila kuti ukapusame, alimwi zyoonse zisyuukilwa zyawo kuti zikayume? Takwe kuboko kuli aanguzu na bantu biingi bayooyandikana kuti bakuunyukule amiyanda yawo. ¹⁰ Aboobo langa! Kawuli wabyalwa, uyoolampa na? Tukoyoopusama na aawo waakugumwa aaluwo lwakujwe? Uyoopusama lyoonse muchilili oomo muwakasyuukila.''' ¹¹ Mpawo jwi lya Jehova lyakasika kulindime kaliti, ¹² ''Ambuula kung'anda iipapide, 'Tamuzi na kuti zintu eezi zyaambaanzi? Langa! Mwami wa Bbabbiloni wakaza ku Jelusalemu alimwi wakabweza mwami wakwe mwanakazi a bana basimbi ba mwami akubeeta kulinguwe mu Bbabbiloni. ¹³ Mpawo wakabweza umwi wabalunyungu lchakwe wa bwami, wachita chizuminano anguwe kachili chikonke. Wakagwisya bantu banyika bali anguzu, ¹⁴ kuti bwami bubweedele aansi akutakonzya kulinyampula. Mukubamba chizuminano nyika iyoopona. ¹⁵ Pesi mwami wa ku Jelusalemu wakamupapila akutuma basingambela bakwe ku Ijipiti kuyookumbila mabbiza a mpi. Uyoozwidilila na? Muntu uulikuchita zintu eezi uyoonzwenga na? Na watyola chizuminano, uyoonzwenga na? ¹⁶ Mbuli mbechipona! - ooku nkwaamba kwa Mwami Jehova - nchobeni uyoofwa munyika yamwami wakamuchita mwami, mwami ooyo ngwakanyansizya chikonke chakwe, alimwi ooyo chizuminano chakwe nchiwakatyola. Uyoofwa aakati ka Bbabbioni. ¹⁷ Falo ampi yakwe iili aanguzu ankamu mpati ya baalumi tabakoyoomugwasya pe mu nkondo, aawo madunduulu amalambo aakusyanikizizya naayoyakwa kukujaya mawumi miingi. ¹⁸ Nkaambo mwami wanyansya chikonke chakwe mukutyola chizuminano. Langa, wakatandabika kuboko kwakwe mukuchita chisyomezyo pesi nikuba boob wakachita zyoonse zintu eezi. Takoyoonzwenga pe. ¹⁹ Nkinkaako Mwami Jehova waamba eechi: Mbuli mbepona, teensi chikonke changu na nchaakasampawula alimwi chizuminano changu nchaakatyola? Aboobo ndiyyeta chisubulo chakwe aamutwe wakwe! ²⁰ Ndiyootandabika kazamba kangu aajulu lyakwe, alimwi uyoochigwa mukazamba kangu kakuvwimya. Mpawo ndiyoomweeta ku Bbabbiloni akupa lubeta aalinguwe akaambo kakuuzya nyika nkwakachita aawo nakanduuzya! ²¹ Boonse basikuchija nkondo bali mumpi yakwe bayoojiigwa apanga, alimwi bayosyaala bayomwayisigwa kumabbazu woonse. Mpawo uyooziba kuti ndime Jehova; ndaamba kuti eechi chiyoochitika.'' ²² Mwami Jehova waamba eechi: 'Aboobo, ime lwangu ndiyoogwisya mpela ya mu kkeda alimwi ndiyoyizikila kuzwa kuntabi ntete. Ndiyoyityola alimwi ndiyoyizikila aachilundu chilamfu. ²³ Ndiyoyizikila aazilundu zya Izilayeli kuti ikabe entabi zitakazyale michelo. Uyooba mu kkeda mupati kuchitila kuti koonse kayuni kali aamababa kakakkale munsi lyawo. Tuyooyaka zizumbo mumweenzule wantabi zyawo. ²⁴ Mpawo misamu yoonse yamulusaka iyooziba kuti ndime Jehova. Ndiyoowisya misamu milamfu alimwi ndikanyampule misamu mifwiifwi. Ndiyopusamisya misamu iitiliilwa alimwi nkachite misamu miyumu kuti ikasyuuke. ndime Jehova; ndaamba kuti eechi chiyoochitika; alimwi ndachichita.'''