¹ Ijwi lya Jehova lyakaza kulindime, kaliti, ² ''Mwana wa muntu, ukkala aakati kang'anda iipapide ooko nkubaliaamenso akubona pesi taabonipe; ooko nkubali aamatwi aakumvwa pesi tabaswiilizyi pe, nkaambo ning'anda iipapide. ³ Nkinkaako akaambo kako, mwana wa muntu, bambila zintu zyako kuya mubuzike akutalisya kuya aanze sikati kumenso aabo, nkaambo ndiyookuchita muzike kumenso aabo kuzwa kubusena bwako kuya kuli biumwi busena. Amwi bayootalisya kubona nikuba kiili ng'anda iipapide. ⁴ Uyoogwisya zintu zyako kuya mu buzike sikati kumenso aabo; zwa aanze golezya kumenso aabo munzila eeyo kufumbwa umwi njayinka aayo mu buzike. ⁵ Sya bulyango kwiinda mubulambo kumenso aabo ukazwe aanze kwwindila mulimbabo. ⁶ Kumenso aabo, nyampula zintu zyako aakkuko lyako alimwi ukazyeete aanze mumudima. Vumba kumenso kwako akaambo kakuti towelede kubona nyika pe, mbukunga ndakubika mbuli chitondeezyo kung'anda ya Izilayeli.'' ⁷ Aboobo ndakachita eechi mbuli mbundakalayililwa. Ndakagwisya aanze zintu zyangu zya buzike kalibala, alimwi golezya ndakasya bulyango akuboko bwakadonkola bulambo. Ndakagwisya aanze zintu zyangu mumudima, alimwi ndakazinyampula aakuko lyangu kumenso aabo. ⁸ Mpawo jwi lya Jehovalyakaza kulindime chifumo kaliti, ⁹ ''Mwana wa muntu, iilya ng'anda ya Izilayeli iipapide teyabuzya na kuti, 'Ulikuchitaanzi?' ¹⁰ Aboobo ukatedi kulimbabo, 'MwamiJehova waamba eechi: eechi chichitiko cha chisinsimi chilangene aatala a mwana mulombe wa Mwami mu Jelusalemu, a ng'anda yoonse ya Izilayeli oomo mubabede aakati kabo.' ¹¹ Amba kuti, 'Ndili chitondeezyo kulindinywe.' Mbuli mbundakachita, mbubo mbukuyoochitwa kulimbabo; bayooya mubuzike a mubwaange. ¹² Mwana mulombe wa Mwami uyoonyampula zintu zyakwe aakkuko lyakwe mumudima, alimwi uyoozwa aanze kwiindila mubulambo. Bayoosya akudonkola bulambo akugwisya zintu zyabo. Uyolivumba busyu bwakwe kuti atakaboni nyika amenso aakwe. ¹³ Ndiyootalamuna kazamba kangu aatala lyakwe alimwi uyoochigwa mukakkole kangu; mpawo ndiyoomweeta ku Bbabbiloni, nyika ya ba Chaludiya, pesi takoyooyibona pe. Uyoofwa nkuko. ¹⁴ Alimwi ndiyoomwayuula kumabbazu woonse boonse bamuzyungulukide beelede kumugwasya a lumamba lwakwe loonse. Ndiyootuma panga litakabatobele. ¹⁵ Mpawo bayooziba kuti ndime Jehova aawo ndaakubasansaania mumanyika akubamwayula aakati kamasena. ¹⁶ Pesi ndiyoosiya baalumi bache aakati kabo kuzwa kupanga, kunzala, a kuzitondeezyo zya malwazi kuti bakakonzye kulemba malweza aabo mumasena mundabatola kukuziba kuti ndime Jehova.'' ¹⁷ Ijwi ly Jehova lyakaza kulindime kaliti, ¹⁸ ''Mwana wa muntu lya chinkwa chako chakuyoowa, alimwi nywa maanzi aako chakukankama akulikataazya. ¹⁹ Mpawo uteedi kubantu benyika, 'Mwami Jehova waamba eechi aatala abantu bakkala mu Jelusalemu, anyika ya Iziayeli, ''Bayoolya chinkwa chabo chakuyoowa akunywa maanzi aabo chakukankama mbokunga nyika iyoobisigwa mubuzwide bwayo akaambo ka lupyopyongano lwabaabo bakkala nkuko. ²⁰ Aboobo myuunzi yakakkedwe iyooba matongo, alimwi nyika iyooba yabuyo; aboobo muyooziba kuti ndime Jehova.''''' ²¹ Alubo jwi lya Jehova lyakasika kulindime kaliti, ²² ''Mwana wa muntu, nkaakali kasimpi aaka nkimulaako munyika ya Izilayeli kati, 'Mazuba alampisigwa, alimwi choonse chilengano chakachilwa?' ²³ Nkinkaako amba kuti kulimbanbo, 'Mwami Jehova waamba eechi: Ndiyoogozya kasimpi aaka, alimwi bantuba Izilayeli tabachiyokabelesyi lubo pe.' Amba kuti kulimbabo, 'Mazuba afwiinsigwa aawo chilengano choonse mpuchiyoozuzikizigwa. ²⁴ Nkaambo takuchiyoobi limbi zilengano zyakubeja na busondi butakabakonde mukati kang'anda ya Izilayeli. ²⁵ Nkaambo ndime Jehova! Ndilaambuuka akuchita majwi ngewambuula. Kaambo takachiyoochelezegwi pe nkaambo ndiyoowambuula majwi aaya mumazuba aanu, nong'anda iipapide, alimwi ndikaazuzikizye! - ooku nkwaamba kwa Mwami Jehova.''' ²⁶ Alubo jwi lya Jehova lyakasika kulindime kaliti, ²⁷ ''Mwana wamuntu! Langa ng'anda ya Izilayeli yaamba kuti, 'Chilengano nchabona nchamazuba miingi kuzwa lino, alimwi usinsima zyiindi zilikule.' ²⁸ Nkinkaako amba kuti kulimbabo, 'MwamiJehova waamba eechi: Majwi aangu taachiyoochelezegwi limbi pe, pesi jwi ndindaambuula liyoochitwa - ooku nkwaamba kwa Mwami Jehova.'''