¹ Nindakali kulangila ajulu achibimbili chakali aamitwe yama Kkelubbimu; ndakabona chimwi chintu chakali kulibonia anga ndibbwe lya Safile. ² Mpawo Jehova waakambula kumwaalumi wakazwete zituba alimwi wakati, ''Yinka aakati kamavili aansi a Kkelubbimu, uzuzye maanza aako obile amakala alamulilo kuzwa aakati ka Kkelubbimu alimwi uwawale amuunzi.'' Mpawo mwaalumi wakanjila kandilangide. ³ Bakkelubbimu bakalimvwi kululyo lwanganda eelyo mwaalumwi nakanjilamukati, alimwi joba lyakanjila mulubuwa lwamukati. ⁴ Bulemu bwa Jehova bwakanyampuka kuzwa mu Kkelubbimu alimwi bwakaya kumanjililo anganda. Bwakazuzya nganda ajoba, alimwi lubuwa lwakazwide mumuni wamulemu bwaJehova. ⁵ Kuvuuma kwamababa amaKkelubbimu kwakali kulimvwisya aanze kwalubuwa, mbuli jwi lya Leza singuzu zyoonse mbulilimvwisya eelyo nawambuula. ⁶ Yakasika mbuli, eelyo Leza nakalayilila mwaalumi wakazweete ngubo zituba alimwi wakamwaambila kuti, '''Bweza mulilo kuzwa akati kamavili aali akati ka Kkelubbimu, ''mwaalumi wakanjila mukati alimwi wakiimikila avili. ⁷ Mukkelubbi wakatandamika jaanza lyakwe aakati kama Kkelubbimu kuyosika kumulilo wakali akati kama Kkelubbimu, alimwi wakayokolola akubikka mumaaanza aakwe mwaalumi wakazwete ngubo zituba. Ooyo mwaalumi wakawutambula alimwi wakazwa aanze. ⁸ Ndakabona ma Kkelubbimu kabali achimwi chintu chilimbuli jaanza lyamuntu munsi amababa aabo. ⁹ Aboobo nindakalanga, alimwi ndakabona! mavili aane kumbali ama Kkelubbimu- alimwi vili kumbali awumwi mukkelubbimu- alimwi kulibonia kwamavili kwakali kulibonia kwakali kubanga nkumwemweka kwabbwe. ¹⁰ Kulibonia kwawo woonse one kwakali kukozyania, akali kubanga ndivili lili muvili nyina kayingene. ¹¹ Eelyo nakali kweenda, akali kwiinka mumabbazu aane aabo, kakutakwe kubweeda musule pe nakali kwiinka; pesi kufumbwa bbazu mutwe nkuwalanga, akali kutobela kakutabwe kubweda musule pe. ¹² Mibili yabo yoonse- kubikkilizya amasule aabo,maanza aabo,alimwi amababa aabo zyakazwide meso, alimwi meso akazwide mavili koonse koonse one. ¹³ Nindakaswiilizya, ndakamvwa jwi lyakoompolola kumavili kuti, ''Amweende .'' ¹⁴ Awumwi awumwi wakali amasyu aane; busy butanzi bwakali busyu bwa Kkelubbi, busyu bwachibili bwakali busyu bwamuntu, busyu bwachitatu bwakali bwamulavu, alimwi busyu bwane bwakali bwapolo. ¹⁵ Mpawo ma Kkelubbimu- eezi nzezilengezyuumi nzindakabona kumulonga Kkebba. ¹⁶ Eelyo ma Kkelubbimu nibakali kweenda, mavili alawo akali kweenda, eelyo ma Kkelubbimu nibakanyampula mababa aabo kuti awuluke kuzwa aanyika, mavili takabweda musule pe. Akali kumbali aabo. ¹⁷ Eelyo ma kkelubbimu nibakali kwiima mavili akali kwiima alawo, alimwi elyo nibanyampuka kujulu, mavili ngawuluka ambabo alawo, muuya wakali kweendelezya zyuumi wakali mumavili. ¹⁸ Mpawo bulemu bwa Jehova bwakazwa ajulu amanjililo amulyango wanganda alimwi wakwiima aajulu aba kkelubbimu. ¹⁹ Makkelubbimu bakavupula mababa aabo akuluka kuzwa anyika kandilangide eelyo nibakali kuzwa alimwi mavili akachita mbubo mumbali kwabo. Bakiima kumanjililo amulyango wakujwe wakunganda ya Jehova, alimwi bulemu bwaLeza wa Izilayeli bwakabasikila ajulu kwabo. ²⁰ Eezi nzezilenge zyuumi nzindakabona kunsi a Leza wa Izilayeli kumulonga wa Kkebba Kkanali, aboobo ndakabona kuti bakali ma kkelubbimu! ²¹ Boonse bane bakajisi masyu aane, ²² alimwi achimwi chintu chakali kulibonia mbuli zilenge nzindabwene ku Kkebba Kkanali, alimwi awumwi wabo wakiinka kalangide kunembo luzutu.