¹ E Sara viviu cento vinte e sete anos; estes foron os anos da súa vida. ² E morreu en Quiriat-arba, que é Hebrón, na terra de Canaán; e Abraham foi facer dó por Sara e a chorar por ela. ³ Despois Abraham ergueuse de diante da defunta e díxolle aos fillos de Het : ⁴ "Eu son estranxeiro y peregrino entre vós ; dádeme aquí en propiedade unha sepultura para enterrar á miña finada diante de min. ⁵ E os fillos de Het dixéronlle a Abraham: ⁶ "Escóitanos noso señor : ti és un príncipe poderoso entre nós. Enterra á túa defunta no mellor dos nosos sepulcros, porque ningún de nós che negará a súa tumba para que enterres á túa defunta. ⁷ Abraham ergueuse e fixo unha reverencia ante o pobo daquela terra, os fillos de Het, ⁸ e díxolles: Se estades de acordo en que eu enterre a miña defunta , escoitádeme e valede por min diante de Efrón, fillo de Soar, ⁹ para que me venda a cova de Macpela que lle pertence, que está na beira do seu campo. Que diante de vós ma dea por un prezo xusto, para sepultura en propiedade. ¹⁰ Efrón estaba sentado entre os fillos de Het; e Efrón hitita respondeu a Abraham diante dos fillos de Het e de todos qoe que entraban pola porta da cidade, dicindo: ¹¹ "Non, meu señor. Escoita: douche para ti o campo, e cova que hai nel. Douchos á vista dos fillos do meu pobo. Enterra a túa finada". ¹² Entón Abraham prostrouse diante do pobo daquela terra, ¹³ e díxolle a Efrón a oídos do pobo daquela terra: "Prégoche que me escoites; dareiche o prezo do campo; acéptamo para que poida enterrar alí á miña defunta". ¹⁴ Efrón díxolle a Abraham: ¹⁵ "Meu señor, escoitame: unha terra que vale catrocentos siclos de prata, que é iso entre ti e máis eu? Enterra pois, a túa morta". ¹⁶ E escoitou Abraham a Efrón e pesou a prata da que falara a oídos dos fillos de Het: catrocentos siclos de prata, en moeda corrente. ¹⁷ Desa maneira o campo de Efrón, que está en Macpela, fronte a Mamre, o campo e a cova que hai nel, e tódalas árbores do campo dentro dos seus lindeiros foron cedidos ¹⁸ a Abraham en propiedade á vista dos fillos de Het, diante de todos os que entraban pola porta da cidade. ¹⁹ Despois diso, Abraham enterrou á súa muller Sara na cova do campo de Macpela, fronte a Mamre, isto é Hebrón, na terra de Canaán. ²⁰ E os fillos de Het traspasáronlle a Abraham en propiedade o campo e a cova que hai nel, para unha sepultura