¹ E Bezaleel, Aholiab e toda persoa habilidosa en quen Iahveh puxo sabedoría e entendemento para saberen facer toda a obra de construción do santuario, farán todo conforme ao que mandou Iahveh ² Entón Moisés chamou a Bezaleel , a Aholiab e a toda persoa hábil, aos que Iahveh dera habilidade e a cantos estaban dispostos de corazón para facer a obra. ³ E recibiron de Moisés tódalas ofrendas que os fillos de Israel trouxeran para facer a obra de construción do santuario. E eles seguían traendo ofrendas voluntarias cada mañá. ⁴ Así que viñeron tódolos homes destros que facían o traballo do santuario, deixando cada un a obra que facía ⁵ e dixéronlle a Moisés: O pobo trae máis do necesario para a obra de construción que Iahveh ordenou. ⁶ Entón Moisés deu unha orde de pregoar no campamento dicindo: "Ningún ningún home nin muller se esforce en traer máis ofrendas para as obras do santuario". Isto impediu que o pobo trouxera máis. ⁷ Porque o material que tiñan era abundante e abondo para facer toda a obra. ⁸ E os máis destros dos artífices puxéronse a facer o tabernáculo con dez cortinas de liño fino torcido, e tea azul, púrpura e escarlata, con querubíns, obra de hábil artesán. Fíxoas Bezaleel. ⁹ Cada cortina medía vinte e oito cóbados de longo por catro de ancho; eran todas da mesma medida. ¹⁰ E uniu cinco cortinas unha coa outra; tamén uniu as outras cinco cortinas unha coa outra. ¹¹ E fixo lazadas de tea azul na orla da cortina do extremo do primeiro enlace, e na orla da cortina do extremo do segundo enlace. ¹² Fixo cincuenta lazos nunha cortina e cincuenta lazos na orla no bordo da cortina do segundo enlace; os lazos corespondíanse entre eles. ¹³ Ademais fixo cincuenta broches de ouro, e uniu con eles as cortinas entre si, de xeito que o tabernáculo foi unha unidade. ¹⁴ Tamén fixo once cortinas de pelo de cabra que servían de tenda sobre o tabernáculo. ¹⁵ Cada cortina medía trinta cóbados de longo e catro de ancho, todas da mesma medida. ¹⁶ Uniu unha serie cinco cortinas e seis cortinas noutra, e puxeron cincuenta presillas na orla de cada unha das dúas series de cortinas empatadas. ¹⁷ Fixo cincuenta lazos no bordo da cortina ao final do primeiro enlace, e cincuenta lazos no bordo da cortina ao final do segundo enlace. ^{18 19} Fixo ademais cincuenta broches de bronce para unir a tenda, para que fora un todo. Tamén fixo unha cuberta para o tabernáculo de peles de carneiro tinguidas de vermello, con outra cuberta por enriba de peles de toniña. ²⁰ Logo fixo táboas de madeira de acacia para o tabernáculo colocándoas en posición vertical. ²¹ Cada unha medía dez cóbados de longo e un e medio de ancho ²² Cada táboa remataba en dous cantís, para ensamblar unhas nas outras; así fixo con tódalas táboas do tabernáculo. ²³ Fixo, pois, as táboas para o tabernáculo: vinte táboas para o lado sur ²⁴ Tamén fixo corenta baseamentos de prata debaixo das vinte táboas: dous base debaixo de unha táboa para os seus dous cantís e dúas bases debaixo outra táboa para os seus dous cantís. ²⁵ E para o segundo lado do tabernáculo, o lado norte, fixo vinte táboas ²⁶ e as súas corenta bases de prata: dúas debaixo dunha táboa e dúas bases debaixo da outra táboa. ²⁷ E para o fondo do tabernáculo, cara ao oeste, fixo seis táboas. ²⁸ para as esquinas do tabernáculo fixo dúas táboas na parte traseira. ²⁹ Estas eran parellas por abaixo e encaixaban por enrriba, ata a primeira argola. Dese xeito fixo os dous cantos. ³⁰ Eran, por xunto, oito táboas, con dezaseis baseamentos de prata, dúas para cada táboa. ³¹ Fixo tamén os traveseiros, de madeira de acacia, cinco para as táboas dun flanco do tabernáculo cinco para as do outro ³² e cinco para as do lado posterior do tabernáculo ,cara ao occidente. ³³ Fixo tamén o traveseiro que pasa polo medio das táboas, desde unha punta á outra. ³⁴ Revestiu as táboas de ouro, e o mesmo os traveseiros, e fixo argolas de ouro polas que pasaban os traveseiros. ³⁵ Ademais fixo o veo de tea azul, púrpura e escarlata e liño fino torcido; fíxoo con querubíns, obra de hábil artífice ³⁶ Para penduralo fixo catro columnas de madeira de acacia, revestidas de ouro, con ganchos tamén de ouro; para as columnas fundiu catro baseamentos de prata. ³⁷ Tamén fixo unha cortina para a entrada da tenda de tea azul, púrpura e escarlata e liño fino retorcido, obra de tecedor, ³⁸ coas súas cinco columnas e ganchos; e cubriu de ouro os seus capiteis e molduras; pero as súas cinco bases eran de bronce.