¹ E Iahveh dixo a Moisés: "Labra dúas táboas de pedra, o mesmo que as primeiras e eu escribirei nelas as palabras que había nas que rompiches. ² Prepárate pois, para mañá e sube cedo ao monte Sinaí, e alí preséntate a min no cume do monte. ³ Que ninguén suba contigo; que non se vexa a ninguén en todo o monte; que nin sequera pazan perto del nin ovellas nin vacas". ⁴ Moisés labrou dúas táboas de pedra, o mesmo que as primeiras, ergueuse cedo e subiu ao monte Sinaí, conforme lle mandara Iahveh, levando consigo as dúas táboas de pedra. ⁵ E Iahveh descendeu na nube e estivo alí con el , mentres invocaba o nome de Iahveh. ⁶ Entón Iahveh pasou diante del e proclamou: Iahveh , Iahveh Deus compasivo e misericordioso, lento para a ira e abundante en misericordia e fidelidade; ⁷ que garda a misericordia por milleiros, que perdoa a iniquidade, a transgresión e o pecado, e que non terá por inocente ao culpable; quen castiga a iniquidade dos pais sobre os fillos e sobre os fillos dos fillos ata a terceira e a cuarta xeración ⁸ E Moisés apresurouse a inclinarse ata o chan e adorou, ⁹ e dixo: Se agora, Iahveh atopei graza ante os teus ollos, vai agora entre nós, aínda que o pobo sexa de cerviz dura; e perdoa a nosa iniquidade e o noso pecado, e tómanos para a túa posesión. ¹⁰ E Iahveh respondeu: Velaquí, vou facer un pacto. Diante de todo o teu pobo farei marabillas que non se fixeron en toda a terra nin en ningunha das nacións; e todo o pobo no que habitas verá a obra de Iahveh, porque será coisa temible a que eu farei contigo. ¹¹ Mira o que che mando hoxe: velaquí, botarei de diante de ti ao amorreo, ao cananeo, ao hitita, ao ferezeo, ao heveo e ao jebuseo. ¹² Gárdate de facer pacto cos moradores da terra na que entras, non sexa que iso se converta nun atranco para ti., ¹³ senón que derrubaredes os seus altares, romperedes os seus alicerces sagrados e cortaredes as súas imaxes de Asera ¹⁴ (pois non adorarás a ningún outro deus, porque Iahveh, cuxo nome é Celoso, é un Deus celoso) ¹⁵ non sexa que, despois de se prostituíren cos seus deuses e de lles ofreceren sacrificios, alguén te convide a comer dos seus sacrificios e ti comas do seu sacrificio; ¹⁶ e tomes das súas fillas mulleres para os teus fillos non sexa que ó prostituírense elas cos seus deuses, leven á prostitución tamén ós teus fillos cos deuses delas. ¹⁷ Non te farás deuses de fundición. ¹⁸ Gardarás a festa dos pans ázimos. Sete días comerás pas ázimos, conforme che mandei, no tempo sinalado no mes de Abib, porque no mes de Abib saíches de Exipto ¹⁹ Todo primoxénito me pertence, e de todo o teu gando, o primeiro nacido de vaca ou de ovella, que sexa macho. ²⁰ Rescatarás cunha ovella ao primoxénito de asno ; e se non o rescatas, deberala desnocar. Redimirás a todos os primoxénitos dos teus fillos; e ninguén virá diante de min coas mans baleiras. ²¹ Seis días traballarás e o sétimo descansarás, mesmo no tempo de arar e de segar, descansarás. ²² Tamén celebrarás a festa das semanas, ao comezo da sega do trigo, e a festa da colleita, á fin do ano. ²³ Tres veces ao ano todos os teus homes presentaranse ante o Señor Iahveh, Deus de Israel. ²⁴ Porque expulsarei as nacións da túa presenza e ensancharei as túas fronteiras, e ninguén cobizará a túa terra namentres subas tres veces ao ano para presentarte ante Iahveh, o teu Deus. ²⁵ Non ofrecerás o sangue do meu sacrificio con pan lévedo, nin do sacrificio da festa da Pascua deixarás quedar nada para o día seguinte. ²⁶ Levarás á casa de Iahveh o teu Deus os primeiros froitos da túa terra. Non cocerás o cabrito no leite de súa nai" ²⁷ Entón Iahveh dixo a Moisés: "Escribe estas palabras, porque conforme a estas palabras fixen un pacto contigo e con Israel. ²⁸ E Moisés estivo alí con Iahveh corenta días e corenta noites. Non comeu nin bebeu auga. E escribiu nas táboas as palabras do pacto, os dez mandamentos. ²⁹ E aconteceu que cando Moisés baixaba do monte Sinaí, coas dúas táboas de testemuño na man, non sabía que lle brillaba a pel da cara, por conversar con Deus. ³⁰ O veren Aarón e os fillos de Israel que a pel da cara lle brillaba, tiñan medo de achegarse a Moisés. ³¹ Entón Moisés chamounos e Aarón e tódolos xefes da congregación volveron onda el, e Moisés faloulles. ³² Despois achegáronse a el todos os fillos de Israel e Moisés mandoulles que fixeran todo que Iahveh lle dixera no monte Sinaí. ³³ Cando acabou de falar con eles, tapou a cara cun veo. ³⁴ Pero sempre que Moisés entraba na presenza de Iahveh para falar con el, quitábase o veo ata que saía; e sempre que saía e contaba aos fillos de Israel o que se lle mandara, ³⁵ os fillos de Israel vían que a pel do rostro de Moisés brillaba. E Moisés volvía poñer o veo sobre o seu rostro ata que entraba para falar con Deus.