¹ Naa biyaa ora dendxu huini que bixhale tobi de ca gadxe sellu que, ne binadiaga tobi de ca tapa bultu nabani que guni casi ca ora rixidxi rayu, ná: ¡Guda' ne bi'ya! ² "Naa bi'ya nu ti mani naqui'chi. Ne ni dxiiba lame que naase ti arcu, ne bidi cabe la ti la'pa'. Ne biree be casi tobi ni riguiñe ne ti zacá quiñe. ³ Ne ora dendxu huini que bixhale guiropa sellu que la?, binadiága guiropa bultu ni nabani que ná: "¡Gudá!'" ⁴ Ne ora que bire' xti mani naxiñaa casi beele. Ne nidxiba lame que gucua' orde de gaxha guenda' ratadxi ladxido' ndani guidxilayú, ti zacaa guti lisá binni laca la'. Ni dxiba lame di gucua' ti espada ro'. ⁵ Ne ora dendxu huini que bixhale guiona sellu que la?, binadiaga guiona bultu ni nabani que ná: "Gudá'" Naa biyaa ti mani naya'se ne ni dxiba lame di na'ze lu ná' chupa ra riu' bia'. ⁶ Ne binadiaga ti diidxa lade ca tapa bultu ni nabani que ne ná: "Ti litru de trigu pur ti dxi dxiña, ne chona litru de cebada pur ti dxi dxiña. Peru que gusiudxutu aceite ne vinu" ⁷ Ne ora dendxu huini que bixhale ra idapa sellu que la? binadiaga idapa bultu que ne ná: "¡Gudá!" ⁸ Ne ora que biyaa ti mani guchi'. Ne ni dxiba lame que bire' la Guenda' guti, ne Hades zinanda la. Ne bidii cabe la tobi de ca tapa nda' xti guidxilayú, para guti ne espada, gubiña ne guenda huará, ne mani dúxu' xti guidxilayú. ⁹ Ne ora dendxu huini que bixale ra biza' ga'yu sellu que la? naa biyaa xa'na altar que la? xquenda xti ca ni guti ca pur ca diidxa xti Diuxi ne ni byui' cabe de labe, ni lacabe nazee cabe ne guenda runi cree xticabe. ¹⁰ Lacabe bica cabe ne ti ridxi ro': "¿Pabia' ru ti, Ni runi mandar lu guirá xixé ni nuu, ni nandxo' ne ni dxandi, dede ora guzabanalú ca ni nabani ndani guidxilayú, ne de ora lii guquixelu rini xtidu?" ¹¹ Ne ora que cada tobi de laca gucuaca ti lari so' naquichi' ne gudxi cabe laca cuezaca guiza' si bia naguixe cabe de ca ni rizaa ne cabe runi xiiña Diuxi ne bichicabe ne bizana cabe ni que ñanda ni lá, ni chigatica, casi lacabe guticabe. ¹² Ne ora dendxu huini que bixale ra xhópa' sellu que la? naa biyaa ne guca ti xú ro'. Gubidxa ca gucani naya'se ne beu' ni iza' ca gucani casi ri'ní. ¹³ Ca belegui de iba' biaba cani ndani guidxilayú, casi ti yaga du'ga rusaba ca cuananaxi xti ca beu naanda ora gueeda ti bii yo'xo ne gunibi dxacha ni. ¹⁴ Ne binitilu iba' casi ridopa' ti gui'chi luguia'. Ne guirá xixé danii ne guidxi nu galahui nisado' biniibi de ra nu. ¹⁵ Ca xaique xti guidxilayú ne binni ni risaca, ne ca ni runi mandar ca dxú, ca ni napa bidxichi, ca ni nadipa, ne guirá xixé, ni li'bi ne ni cadi li'bi, bicachiluca ndani ca cueva ne cue' ca guiee xti dani. ¹⁶ Lacabe gudxi cabe ca dani ne ca guiee ca: "¡Laguiaba lu guiadu!" la gucachi ladu de ni zuba luu trono ne de xia'na xti denxu huini que. ¹⁷ Ma bedanda dxi guzabaná' Diuxi laacabe, ¿Tu laa zanda guzuhua lu ñe ya'?