¹ Ne naa biya ladu naá ndiga' ni lá suba lu bangu ra raca mandar que', guichiduudu' ni ca xhixha ra lu' ne neza deche'. ne bitagube ni ne gadxe' sera. ² Na biya' ti Angel ne zi guca' ridxi: ''¿Tu la nga zanda guxhele' guichiduunu' ca ne gaxha sera ca ni pue'?'' ³ Guiruti ni nu guibaa ca o ndani guidxi layuu o xhaguete de guidxi layuu ca ñanda' nuxhele' guichiduunu' o ñunda ni. ⁴ Naa ezaa nana binaa' ti purti que nidxela' di cabe guiruti' tu laa ñanda' nuxhele' guichiduunu' o ñunda ni'. ⁵ Peru tobi de ca binigoola rabi naa: ''Cadi guna' diou'. ¡Biya! Lion ni zaa de Juda, xcu' David, gudiñebe ra jma bidxelasaabe, ne Laabe nga sanda guxhele be' guichiduunu' ca' ne gaxha gadxe' sera ca'. ⁶ Naa biya ti Dendxu suhua', lade ra nu bangu ra raca mandar que ne ra nu tapa bultu' ni nabani ca ne galaa de ca binigoola que'. Labe' ruluibe casi ca ni jma biaxha yanni. Labe naapabe' gadxe' cachu' ne gadxe' lu'; ca ndinga ca gadxe guenda xti Diuxi ni bisendabe luguia guidxi layuu. ⁷ Laabe guyebe ne biruxha be guichiduunu' ca fuera lu naa' ladu ndiga xti ni la' suba lu bangu ra raca mandar que'. ⁸ Ora laabe biruxha be guichiduunu' ca, guidapa bultu ni nabani que' ne gande nu taapa binigola' que bizuxhibi ca' ra luube'. Ne cada tobi de lacabe' cana caa cabe' ti arpa ne ti xhiga de oro dxa guixhi ni rinda' naxhi, laaca ni naaca cani ca ni rini' ne ca Diuxi ni laca jma runni cree ca'. ⁹ Lacabe binda cabe ti dxidxa yunda nacubi: ''Linga zanda guicaa lu' guichiduunu' ca ne gaxha gadxe' sera ca. Ti purti linga gutilu, ne rini xtiu guziilu' ca binni ca para Diuxi de gira binni ca ni zaa, didxa laa, guidxihuini la' ne guidxi roo. ¹⁰ Li bini lu de laacabe binni ni Diuxi guni mandar ne bini lu laaca sacerdote ni guni xhiña Be', ne laacabe zuni mandar cabe ndani guidxi layuu.'' ¹¹ Yanna na biya ne bina diaga' ridxi xti ca Angel ni nuca guidubi naaca ra nu bangu ra raaca mandar que' ne ca bultu' ni naabani que' ne ca binigoola que'. Ne bia naca cabe laa xtale bia que zanda igaba'. ¹² Laacabe naacabe ne tiridxi naroo: ''Dendxu ni la jma biticabe' ni zanda guicaa nandxo, ne gapa xtale, ne guenda biani', xtipa', enda rudxiba luu naa, guenda nandxo', ne guenda rizaca'.'' ¹³ Naa binadiaga de que guiraa ca xhixha ca ni bia la ni nu guiba ne ndani guidxi layuu, xhaguete de guidxi layuu la', ne ndani nissa doo, ndani guira la naani: ''Ni laa suba luu bangu ra raca mandar que la ne Dendxu huini que' la', gacani genda rizaca,guenda rudxiba lu naa, guenda nandxo, ne guenda para guni mandar lu' yanna dxii ne dede guira dxii. ¹⁴ Ne guidapa' bultu ni nabani que guniica,''Zaca gacani'' ne ca binigoola gudiche xhibi ca' layuu ne bisisaca ca'.