¹ Yaana guca, laaga ca binni que ríi ca' ra nu' Jesus, cuca' diaga ca xtiidxa Diuxhi. Laabe zua' be rua´ niza xti Genesaret. ² Laabe biiya be chupa barcu rua niza que'. ca ni canaze benda que' ma biete ca' de ndaani ca ni, ne caguiibi ca' chin xtii ca'. ³ Jesus guyu' ndani tobi de ca barcu que', ni xti' Simon, ne rabi be laa, cu' ni ndani niza que', gaxa ga' de layu' que'. Oraque' guri' be ne bizulu be biziidibe ca binni nu' fuera de barcu que'. ⁴ Ora biluxhe be de guni' be, laabe rabi be Simon: "Gulu' barcu ca' ndani niza zia' ne gundete xtaraya lu para guinaze lu benda." ⁵ Simon raabi laabe: " Maistru, bíni du dxiiña guidubi gueela ne que ninaaze du gaxti, peru ra li caniu' la'? zandete tarraya xtine." ⁶ Ora laacabe biini cabe ndi, laacabe gunaaze cabe xtale benda, dede caruugu xtaraya cabe. ⁷ Oraque' biini cabe seña ca xcompañeru cabe ni nu' ndani xcaadxi barcu para gueda ca ne gacane ca laacabe. Laaca beeda ca ne bicha' ca guiropa barcu que', ngue runi bizulu cayaazi ca'. ⁸ Peru simon Pedru, ora biiya laabe, bizuxhiibi ra lu' Jesus ne na': "bixhale de naa, purti naaca tobi hombre ruche', xhaique'." ⁹ Ti purti laabe cadxagaya be, ne guira ni nu' ne laabe, lu guenda rinaaze benda ni gucua' cabe que'. ¹⁰ Ndi' la'? ne Jacobo(santiagu) ne Juan, ca xhiiñi zebedu, ni nacaca' ca' xcompañeru simon. Ne Jesus raabi Simon:" cadi guidxiibilu', purti dede nagasi' zaacalu ni rinaase binni." ¹¹ Ora laacabe bedane' cabe barcu xtii cabe layu', laacabe bizaaana cabe guira ne yenanda cabe laabe. ¹² Guuca laaga laabe nu'be ndani tobi de ca guidxi, ti hombre napa lepra nu' raque'. Ora biiya Jesus, gulaqui lucua' layu' ne iza' canaba laabe, ne na':" xhaique' pa racaladxu' zaanda gusiuo naa". ¹³ Oraque' Jesus bisigaa' ná' ne gudaana laabe, ne na': "racaladxe' biá'." Ne oraqueca' lepra que' bisaana laabe. ¹⁴ Laabe gudxi be laa cadi gábi guiruti', peru laabe rabibe laa:"guye' neza xtilu' ne bilui' lii sacerdote ne bidii' Diuxhi ti mani huiini ni gu'tu pur ma biá' lu, casi ni Moises bíini mandar, para gului' laacabe." ¹⁵ Peru ni cani'cabe de laabe bireeche ni' jma' ru ziitu ne xtale binni beeda ca' tobisi para guca' diaga ca laabe gusiidibe ne para guianda ca' de ca guendahuara xti ca'. ¹⁶ Peru laabe gatiga, rie' be ca ra nabiidxhi ne gaxti nu' ne runi orar be. ¹⁷ Ne guca tobi de dxii que', laabe cusiidibe ne nu' fariseu ne ca ni rusiidi de ley, suuba ca raque', cani beeda ca' de ca adxe' adxe' guidxi de Galilea ne Judea, ne laaca de guidxi Jerusalen. Guendanandxo' xti xpixhuana nu nu' ndani ladxido' be para gusiánda. ¹⁸ Yaana, beeda caadxi hombre, nua' ca lu ti luuna' tobi hombre ni que riniibi, ne laaca cuyuubi ca neza para guedane' ca laabe dentru que' ne cuaqui ca laabe ra lu' Jesus. ¹⁹ Laacabe que ñanda nidxela cabe ti neza para guedane cabe laa, guuni guira binni que', ngue' runi gudxiiba ca ique yó' ne gundete ca' hombre que' neza ique yó' que', lu luuna xtiibe que', lade guira binni que, biaazi pe ra lu' Jesus. ²⁰ Ora biiyabe guenda runi cre' que, Jesus raabi laabe:"Hombre, ca guendaruche' xtiilu ma bixhia ca'." ²¹ Ca escriba ne ca fariseu, bizulu' ca gunabadiidxa ca ndi' ne na' ca':" tuundi' ni cani' ca didxaguidxa di pue'? Tu laa sanda guxhia guendaruche', pa cadi Diuxhi si'?" ²² Peru Jesus, cudi' cuenta de ni' cani' ique cabe', bicabi laacabe:"xhi ñee' canabadiidxa tu ndi' ndani ladxido' tu pue? ²³ Xhi jma nagana guinie': ca xtondalu ma bixhia la'? o guinie':"biaasa ne guza'? ²⁴ Peru para laatu gana tu' deque xhiiñi binni guidxilayu' napa guenda rubi mandar ndani guidxilayu' para guxia' guendaruche', naa cayabe lii: biaza, gucua luuna xtilu, ne guye' ralidxi lu'." ²⁵ Oraqueca' laabe biasabe ra lu' de guiraca ne bitopa be luuna ra nexhe be que'; oraque' biguetabe ralidxi be, sigusisaca be Diuxhi. ²⁶ Guira' cadxagaya ne cusisaca ca Diuxhi. Laaca iza' cadxibi ca' ne na' ca:"laanu biduuya nu ni guendaridxagaya yanadxii." ²⁷ Gudiidi si guira ndi', Jesus bire de raque' ne biiya be ti ni ruquixhe impuestu lá' Leví, suuba ra ruquixhe cabe impuestu. Laabe rabi be laa:"dananda naa." ²⁸ Ngue runi biasa ne yenanda laabe, ne bisaana guirani' atra'. ²⁹ Oraque' Leví biini ti guendaro' naro'ba para Jesus. Raque nu' xtale ni ruquixhe impuestu ne xcaadxi binni ni suubaca rua mexa que' ne cayo' ca ne laacabe. ³⁰ Peru ca fariseu ne ca escriba cagu' ca queja ra nu' ca discipulu ne na' ca:"xhi ñee laatu ro'tu ne re'tu ne ca ni ruquixhe impuestu ne xcaadxi binni ni ruche' pue?. ³¹ Jesus bicaabi laacabe: ca ni nazaaca cadi caquiiñe ca ni rusianda, peru ca ni huara caquiiñe ca tobi. ³² Naa cadi bedayube dia' binni ni nacha'hui paragaca arrepentir ca', laga bedayube binni ni ruche' para gaca arrepentir ca'." ³³ Laacabe raabi cabe laa: "ca discipulu xti Juan gatiga runi ayunar ca' ne runi orar ca' , ne ca discipulu xti ca fariseu ngueca runi ca'. Peru ca discipulu xtilu ro'ca ne re'ca." ³⁴ Jesus rabi laacabe:"zanda tuuxa guuni deque ca ni che' ra guendaxeela, guni ayunar ca laaga nu' neru novio que laaca? ³⁵ Peru sedandaa dxii ziaxha novio que' zitu de laaca, oraque' ca dxii que zuni ca ayuno. ³⁶ Oraque' Jesus laaca gudxi laacabe ti ejemplu:" nin ti hombre que que richeeza ti nda' lari de lu ti lari cubi, ne guiquiiñe ni' para gunichaui ti lari yooxho. Pa laabe guni be ndi la'? cacheeza be lari cuubi di', ne ti nda' lari cuubi que que zadxaaga di' ni ne lari yooxho que'. ³⁷ Ne nin ti hombre que riga' di' ti vinu cuubi ndaani' ti rii' ma nayooxho. pa laabe guuni be ndi la'? vinu cuubi que zacheeza ni ca guiidi que', ne vinu que' saxhii', ne rii' que saca feu. ³⁸ Peru vinu cuubi que' naquiiñe chu' ni ndani rii' nacubi. ³⁹ Nin ti hombre ora guee' vinu yooxho, racaladxi nacuubi que', ti purti na': "jma' galan nayooxho ca."