1
De raca' Jesus, cumu ma cah tipa ladxido'be de Espiritu Santu, biguetabe de guigú Jordán, ne Espiritu que gueneni laabe lú desierto.
2
Lu ra chupa late gande dxi guyú binidxa'a nusaba laabe. Que ño dibe gaxti ca dxi di ne ra ma chi guiluxeni laabe ma bindanabe.
3
Ne gudxi binidxaba laabe: "pa dxandi linga xiiñi Diuxi, bisenda' ca guie'ca gacacani pan."
4
Jesus bicabi laabe: "ca lu xgui'chi' Diuxi biini codi de ni go' si nga guibani."
5
Deraca' binidxaba yené laabe ra ti nasoo ne bilui' laabe de guira ca guidxi xti guidxilayú que ora que ca'.
6
Gudxi binidxaba laabe xti biieque: "Naa Sudie' lii gacalu xaíque xti ndi, ne de guira ni napani ti ma bidi' cabe ni naa, ne naa sanda gudieni ne ni naa gacaladxé.
7
Ngue runi, paa lii gusuxibilú ne gusisaca lu naa, sacacani xtilu."
8
Pero Jesus bacabi ne gudxi laabe: "ca lu xgui'chi' Diuxi: "Susisacalu diuxi xaíque xti lú, ne sunilu dxiiña xti sibe."
9
Deraca yené binidxaba Jesus, Jerusalen, ne bidxiiba'be la ra yu'du'ma nasoo ni nuu ra que ne gudxibe la: "pa dxandí xiiñi Diuxi lii bire'yande'de rari."
10
Pue laca ca': "LAABE SUCENDABE CA ANGELE XTIBE GAPA CA LII, NE GUIA' CA LII."
11
NE NÁ' CABE SUCUESACABE LII, TI SACA QUE GUIRENDA ÑEE LÚ NE GUIE."
12
Ne Jesus bicabi laabe ne gudxi laabe: "MA CA NUU DIDXI: CADI CÚ BIA DIO DIUXI: XAÍQUE XTIU."
13
Ora binidxaba biluxesi de guyú nusaba Jesus la? Bire 'see ne bisaárabeni xti ora.
14
De raque' Jesus bibigueta Galilea de lu guenda nandxó' xti Espiritu xti Diuxi, ne ra canicabe dé laabe, bireche ni de guidubi biieque de raque.
15
Bisulube bisiidibe ndani ca yu'dú huini ne de guira xixe bisisaca laabe.
16
Beedabe Nazaret, guidxi ra bisiniisicabe laabe, ne casi ma biaabe'' gunibela', guyúbe ndani yu'du' huini dxi guenda risíladxi, casi ca ma riaa raca biasabe ne biinda' be ne xtipa.
17
Ne bidii'cabe laabe guee'be gui'chi 'xti profeta Isaías bixalebe guee'be gui'chi'que, ne bidxelabe ra ca':
18
ESPIRITU XTI XAÍQUE NUU LU NAA, TI LAABE MA GULIIBE NAA TI GUINIEE CA DIDXA CHAHUI CUBI NE CA NI QUE GAPA GAXTI MA BISEENDABE NAA GUINABA PUR GUILAA' CA NI DEGUYOO' NE GUCHIGUETA GUENDA RUUYÁ XTI CA LU CHEEPA', NE GULA' YA CA NI CUXHICAPE.
19
SEDA GUCA RIDXI IZA SICARU XTI BIXUANANU."
20
Ne ora que biseechube gui'chi'ra ca didxa que, ne bidxiguetabeni ni runi dxiiña ra yu'du' que ne biguetabe guribe. Ne cachi' si lu' guira ca ni nuu nda yu'du' huini que ne Jesus.
21
Busulube guniinebe laaca: "Yana dxi cayaca ni ca lu guidxidi nesalú guiratu.
22
Guira ca ni nuu ra que biiyaca de que dxandi ni laabe gunibe que, ne de guiracabe bichgaya' cabe de ca didxa hacha'hui ni biree de rua'be que. Ne canicabe: "Ndi nga xiiñi José que ja?
23
Guchibe laaca: "Nanaca ma cayabitu naa didxa di ni maca riini biini: 'Doctor bisianda laca lii. Ni huaxa laadu ma binadiagado biinú Capernaum, ngaca biini ndani xguidndipe.
24
Peru guniibe: "dxandipe naa rabe laatu, nin ti profeta que richaguludi cabe laa ne guenda nayeche ndani guidxi.
25
Peru naa dxandi raabe laatu, de que guyuu xtale gunna ni ma qui gapa xheela'ndani guidxi Israel ca dxi xti Elías, ora guibá'que bieguni choona iza ne galaa, ora ti guendarindana beeda lu guidubi guidxi que.
26
Peru Elías que nuseeda di Diuxi laa ne ca xcachi guna ni ma qui gapa xheela' que, si nu que ne Sarepta ni nabesa Sidón, ne laca ma que gapa xheela'.
27
Ne roque laaca nuu xtale ni napa lepra ndani guidxi Israel ca dxi xti profeta Elías, peru nin tobi de laacabe que ñanda sinu que Naama'n si xa Sirio que".
28
Guira ca bini de yu'du' huini que, bidxatipa ladxidocabe de xiana ora binadiagacabe ca ndi.
29
Biasa caabe ne gulee cabe laabe de ndani guidxi que, de ra rua' ra bidnique ti sara laacabe ñanda nusabacabe laabe de raque.
30
Peru laabe gudidibe galahui de laaca ne guyebe xti guidxi.
31
Deraca bietebe Capernaum, ti guidxi xti Galilea, ne bisulube bisidibe laaca dxi guenda risi'ladxi..
32
Ne nabe' bichagaya caabe ne guenda rusidi xtibe ti laabe gunibe ne guenda runi mandar.
33
Yana, ndani yu'du' huini que, guyú ti nguiiu ni napa ti espiritu de binidxaba yuudxu', ne cugua' ridxi reciu:
34
!Ah! Xi naquiñe guninedu lii Jesus de Nazaret? Beedú ti gunduxe luu laadu la? Naa, nana tu lii, liinga binni chahui xti Diuxi!
35
Jesus gulachi binadxaba que, ne guni: "!Que guinii lu ne biree'de laabe! Ora que binidxaba que bisababe nguiiu que lade guira ca binni que, ne bireebe de laa ne que ñuninabe laa'.
36
Guira ca binni que iza cachaga yaca' ne caní lisa'ruca de ni gucaque. Ne laabe guni cabe: Xi ca didxa di pue? Nab''épe nadipa ne naduxu biseéndabe ca espiritu xti binidxaba yuudxu' que guire de lugía nguiiu que.
37
Ngue runi ne ra canicabe de laabe bisulú bireche ni de guidubi naca biieque xti raque.
38
Deraque Jesus bireebe de ndani yu'du' huini que ne guyúbe ra lidxi Simón. Ne jña xneela' Simón que la cadidibe ti ra raxoo ne ti xindxá', ne gunabacabe Diuxi por laabe.
39
Ne sicaque, biasabe ne guyebe ra nuu, ne guladxibe xindxá' que, ne xindxá' que se de laabe. Nagendape biasebe ne bisulube bini ni goo ca ne ni gué 'ca.
40
Ora gubidxa que deru siyaasini, ca binni que mape ac' ma bedanecabe ra nuu Jesus guira ca binni nuarara de gadxé, gadrxé guenda huar de quiraca, luguía tobi tobi de laaca, ne sigusianda cabe laca.
41
Binidxaba sicaqueca biree de luguía xtale de laabe, cugua cabe ridxí ne canicabe: "!Lii nga xiini Diuxi!" Jesus guladxi ca binidxaba que ne que nudidibe laaca ninica ti laaca ma nanaca de que laabe nga Cristu.
42
Ora seeda ra gueela'bireebe guyebe ra guiruti ridiidi. Xtale binni canayubi laabe, ne guyeca ra laabe nuu be que. Ne laacabe guyucabe de que laabe que nixalebe de laaca.
43
Peru gudxíbe'laaca: "Naa laaca napa xide chi guiniie de ca diidxa cubi xti guenda runi mandar xti Diuxi ca xcadxi guidxí, ti pur ndi nga biseenda cabe naa rarí.
44
Ne deraque biuí rube ca diidxa que ndani ca yu'du'huini nesa Judea.