¹ Jesus gundisan lu' ne biiyabe ca nguiu napa bidxichi cusaba cabe ni gulee cabe usigaade cabe Diuxhi. ² Ne laabe biya be ti viuda ni que gapa bidxichi, cabáqui chupa bidxichi de guíba. ³ Ngue runi naabe: dxandi pe cayabe laatu, jma xtale bisaba viuda ri' que xcaadxi ca. ⁴ De guira ca ndi' gulee chu ca de lu xtale napa ca. Peru viuda ri', de lu guenda que gapa xti, bisaba guira bidxichi ni napa para guibani ne'. ⁵ Laaga xcaadxi caní de yu'du ro', xhi modo zuchaahui ni ne guie sicarú ne guira ni huasiga'de cabe Diuxhi, laabe guní be: ⁶ "Ne casi guira ni laatu cayuuya tu di la', ziu' tu dxi nin ti guie que ziuaana lugia xtobi ni que guixhia." ⁷ Oraque' gunabadiidxa cabe laabe, ne ná cabe: "Maistru, pa dxi gaca guira ndi ya'? Xhi modo ganna du ora ma chi gaca ni'?" ⁸ Jesus bicaabi: "Laguyaga' que chi chite cabe laatu, ti purti xtale zeeda ca lu laaya, ne zaníca laaca nga cristu , ne ma zedadxiña hora. cadi chi nanda tu laacabe. ⁹ Ora gunadiaga tu de guenda ridinde, ne guenda ruca'lu, cadi guidxibi tu, ti purti naquiiñe zaaniru ca ndi, peru cadi maca zeeda di ra guiluxhe guira ni'. ¹⁰ Oraque laabe rabi be laaca:"ziaza ti guidxi, ne zuca lu xti xti guidxi, ne ziaza ti xaique ne suca' lu xti xaique. ¹¹ Zaca xtale xhu ro', ne xtale ladu ziu gubiña ne guenda huara'. Ne zazaaca xtale cosa ni ruchibi, ne zahuini xtale cosa ro' de guiba'. ¹² Peru para gaca guira' ndi la? nirudo' zanaaze cabe laatu nezazabi nánda cabe laatu, ne zudi' cabe laatu lu na' ca de ra yu'du, ne zutagu yo' cabe laatu, ne zine' cabe laatu ranu'ca rey ne ca xaique guidxi gúni naa. ¹³ Ndi laa sudi laatu ti lugar para güitu de ca ni ma guca. ¹⁴ Nga runi, la cuaqui chahui ca nadi ladxido' to cadi niru cuaqui chahui tu xhi chi guicabitu, ¹⁵ ti purti naa chi gudie' laatu diidxa, ne guenda nu' xpiani, ne guira' ca ni ruca' lu laatu que zanda guini uantar o guchela níidi laatu. ¹⁶ Peru laatu laaca Bixhoze tu zudíi laatu, biichi tu, bini lidxi tu, ne ca xhamigu tu, ne laacabe zudíicabe caadxi de laatu para gati. ¹⁷ Zaca nanaladxi guira' laatu gúni naa. ¹⁸ Peru nin tobi de guicha ique tu que zaniti lu. ¹⁹ Peru ra laatu guzuha dxiichi tu la? zala' xquenda tu. ²⁰ Ora gúya tu manugú soldadu le' Jerusalen, oraca' zana tu deque ma bidxiñadxi guiniti lu'. ²¹ Oraque La gudí ca binni de Judea Guxhñe ca' lade ca dani, ne la gudi guire' ca ni nu' galahui guidxi, ne ca ni nu'ra ña' cadi chu' ca. ²² Ti purti ca dxi di' de de guenda ruquixhe ni', para gaca guira ni ma gucua'. ²³ Nana' zaca para ca ni nacaxhiiñi ne ca ni cugadxi ca dxi que'. Ti purti ziu naro'ba guenda nagana lugia guidxi layu ne luguia bini di' xhiana. ²⁴ Ne ziaba cabe ne espada ne sutagu na' cabe laaca ne zine cabe laaca adxe adxe guidxi, ne zutu ñe ca ni cadi judiu Jerusalen, dede guiza' dxi xti ca ni cadi judiu. ²⁵ Zahuini cosa lu gubidxa, lu beu, ne lu ca beleguí. Ne ndani guidxi layu ziu guenda nana' xti ca guidxi ro', ne guenda raca lugú ora guibidxia' nizado' ne ca ola. ²⁶ Ziu hombre zieegu de dxiibi ne de guenda ridxagaya de ca ni cayeeda lugia guidxilayu'. Ti purti ca ni nadipa ni nu'guiba'zanibi dxacha ca'. ²⁷ Oraque' laacabe zuuya cabe xhiiñi binni guidxilayu' zeeda lu ti zaa' ne xtale guenda nadipa ne guenda nandxo'. ²⁸ Peru ora guzulu guira ca ndi' gaca ca', la guzuhua, ne laguindisa ique, ti purti guenda rila' xtiitu ma zeda dxiiña. ²⁹ Jesus gudxi laacabe ti ejemplu: "Laguuya yaga du'ga ne xcadxi yaga ca. ³⁰ Ora ma cabeeni biitu ma nanatu ma zeeda enda nanda'. ³¹ Zacaca ora guya tu guira ndi gaca, zanatu de que ena runi madar xti Diuxi me zeda dxiña ³² Dxandipe, naa cayabe laatu, ca binni de yana que zadi'di ca ante gaca ca ndi. ³³ Guiba' ne guidxilayu zadi'di ca, peru ca xtiidxa que zadi'di ca. ³⁴ Ne lagapa laatu, ti cadi gaca yaati ladxido'to ne guenda runi ni na ique, guenda rixhudxi ne ca guenda riu' xhiza' xti guenda nabani. ti purti malasi' zadanda dxi ca' luguiatu ³⁵ casi riaba cabe lu do'. Ti purti zeeda ni luguia guira ca ni nabanica interu naca guidxilayu ³⁶ Nga runi lagatana guira ora, cadi guinadxi tu de guini' ne tu Diuxhi para ganda gacatu nadipa, para guxho'ñe tu de guira ca ni chi gaca di' ne chu' tu ra lu' xhiiñi binni Guidxilayu'." ³⁷ Ngue runi lidxíi laabe cuziidi be ndani yu'du ne huaxhini rireebe, ne rutiidibe gueela lu daani xti ca Olivu. ³⁸ Guira binni que reeda ca ziado'ro para guca' diaga ca laabe ndani yu'du.