¹ Uyu' ti dxi, ora jesus cuziidibe binni ndani yu'du' ne caníbe xtidxa Diuxhi, beda ra nu'be ca xhaique sacerdote ne ca escriba bedaca ra nu'be ne ca binni gola. ² Ne guníne ca laabe, ne cayabi cabe laabe: "Gudxi laadu, tu naacu para cayu'nu guira ndi? o tu gudxi lii gu'nu cani? ³ Laabe bicabi be' ne rabi be laaca: "naa laaca napa xhiixha ni guinabadiidxa laatu. Lagaabi naa ⁴ de Dxi guyu' nisa Juan, gucani deguiba' la'? o de binni guidxilayu'? ⁵ Laaca guníca' ique ca' ne ná ca': Pa guininu de guiba', laabe zaníibe: xhi jñe' que ñuni cre' tu laabe ya'? ⁶ Peru pa guinínu: de binni guidxilayu', ca binni di' zucha ca laanu guie', ti purti laacabe ma huaca' diaga cabe de que Juan guca ti profeta." ⁷ Ngue runi bicabi cabe de que que gána cabe padé beedani'. ⁸ Jesus gudxi laacabe: Nin naa que zabe laatu xhi guenda rune nia' ca ndi'." ⁹ Gudxi be' ca binni que' ejemplu di':"Ti hombre bicui' ti layu' uva, ne bitiiñe be ni ni rudxiiba uvas, ne zeebe xti guidxi zitu xhadxi. ¹⁰ Dxi gutá', bizeenda be ti ni runi xhiiña be, ra nu' ca ni bidxiiba lu layu' que', ni naquiiñe gudi' ca laabe ni biladi' lu layu' que'. Peru ca ni bidxiiba uvas que' gudiñe ca laabe, ne guladxi ca laabe xhie' na' be'. ¹¹ Oraque' laabe bisénda be' xti ni runi xhiiña be', ne laacabe laca gudiñe cabe laa', ne bisitui' ca lu' be, ne guladxi cabe laabe xhie' na' be'. ¹² Laabe laaca biséndabe rube' xti guiona ne laca bini ná cabe laabe ne guladxi ca laabe. ¹³ Yana señor xti layu' uva que' na': "xhi gune pue'? naa chi guzeenda xhiiñe ni nadxie'. paxa laa gulabi cabe. ¹⁴ Peru ora ca ni rudxiiba uvas que biiya ca laabe, guní liza' ca, ne na' ca': "Ndi' nga ni chi guianane' guirani'. Gútinu laabe para ni chi guiana neebe gaca xtíinu." ¹⁵ Gule' cabe laa de ndani layu' uvas que',ne bíiti cabe laabe, yana xhi gúni señor xti layu' que laacabe ya'? ¹⁶ Laabe zeedabe'. Laabe zeedabe ne suxhuxhe be ca ni bidxiiba uvas que', ne sudi'be layu' que' adxe'." Ne ora binadiaga cabe ndi' na' cabe:"¡Diuxhi gulá laanu!" ¹⁷ Peru jesus biiya laacabe, ne na':"Xhi rinni' guichi di ya'? Guie' ni bisábi ca ni cucuiyoo' que, ma guca ni' guie' ni naase yoo' ca'? ¹⁸ Guira ni guiaba lu guie' ca zarúxhe. Peru ni guiaba ni' luguia,záani ni laa." ¹⁹ Ngue runi ca escriba ne ca xhaique ca sacerdote biyuubica' cuaqui ná' ca luguiabe oraque'ca, ti purti nannaca cabe de que ejemplu que' luguiacabe ni', peru cadxibi cabe binni. ²⁰ Biyadxi cha'hui cabe laabe, biseenda cabe ni chi gundachi ni naa cabe runi jneza, para guidxela ca' ra guche' be lu' ni cayui' be, para gudi' ca laabe xhaique guidxi ne ni runi mandar xti xhaique guidxhi. ²¹ Gunabadiidxa cabe laabe ne naa cabe: "Maistru, nanadu' rusiidilu', ne jnezariniu', ne guirutidi'rabi lii xhigunilu', peru rusiidilu' jneza de ca neza xti Diuxhi. ²² Ñe' jnezapara laadu, quixhedu' impuestu lu ná' cesar la? o co'." ²³ Peru Jesus biene xhi ca' ique cabe', ne rabi laacabe: ²⁴ "La gului naa ti denariu. tu laa ndi' rihuini lu' rari' neni ca'de laa luni'? Laacabe naa cabe:" Xti Cesar" ²⁵ Laabe rabibe laaca: "Yana la? la gudi' Cesar, ni xti Cesar, ne la gudi' Diuxhi, ca ni xti Diuxhi." ²⁶ Laaca que ñanda nini' cabe gaxti de ni laabe guni' be ra lu' ca binni que'. Biaana ca' raque' cadxagaya' ca ni bica'bi be que' ne que nini' ca gaxti. ²⁷ Ora caadxi de ca saduceu guye' ca ranuu be, ca ni naa ca queribani binni lade gue'tu, ²⁸ laacabe gunabadiidxa cabe laabe: "Maistru, Moises bica' para laadu PA BIICHI TOBI HOMBRE GATI', NEE NAPA XHEELA, NE QUE GAPA XHIIÑI, HOMBRE QUE' NAQIUIÑE GUICA'BE XHEELA BIICHI BE, NE GAPANEBE LAA TI XHIIÑI PUR BIICHI BE. ²⁹ Guyu' gadxe biichi, ne prime' que gucua' xheela, ne guti sin xhiiñi, ³⁰ ne guiropa que' ngueca. ³¹ Guiona que' gucua' laabe, ne saqueca' interu gadxe que' que nusaana ca xhiiñica' ne guti ca'. ³² Gudiidi si' guna' que laaca guti. ³³ Yanna dxi guibaani ca gue'tu, tu laa gaca xheelabe ya'?, ti purti interu gadxe que' gupa calaabe de xheela ca'." ³⁴ Jesús gudxi lacabe:ca xiñí binní guidxilayudí' ruchaganaca' ,ne ruchela ca'. ³⁵ Perú cani ma cá lá guiasa de lade gue'tu , para ibani ndani guidxilayudí' ne ma que ruchaganaca', ne ma que ruchela ca'. ³⁶ Ne ma que sandadí gatibe ne nacabe casi ca angel , ne xiñí diuxhi laaca, nacatu xiñí ni chibani ³⁷ Peru ca guetu riasa ca, dede Moises bilui' nga, ra biiya be xha yaga que', ra laabe bica'be ridxi señor DIUXHI XTI ABRAHAM, NE DIUXHI XTI ISAAC NE DIUXHI XTI JACOB. ³⁸ Yana laabe cadi nacadi' be Diuxhi xti ca ni ma guti, uaxha xti ca ni nabani, ti purti guira nabani para laabe." ³⁹ Caadxi de ca escriba que' bicabi ca: "Maistru, jneza bicabilu'." ⁴⁰ Ti purti ma que nina' ca ninabadxiidxaru ca'. ⁴¹ Jesus rabi laacabe: "Xhi modo nga naa tu deque cristu naca xhiiñi David? ⁴² Ti purti david pe' guni' lu ca guiichi xti salmos, Señor gudxi señor xtine: GURÍ LADU DERECHU XTINE, ⁴³ DEDE NAA CUAQUE' CANI NANALADXI LII XHAÑEE LU.' ⁴⁴ Ngue runi David raabi Cristu "Señor", Yana xhi modo sanda gacabe xhiiñi David ya'."? ⁴⁵ Ra diaga guira binni gudxibe ca discipulu xtibe: ⁴⁶ "Lagatana' de ca escriba, ca ni racala'dxi ca za' ca ne laari de yani ñe' ca, ne ranaxhiica gugapadiuxhi cabe laaca ca ra luguia', ne ca bangu' jma' risaca cara yu'du huiini, ne ca bangu risaca ca ra zaa'. ⁴⁷ Laaca laca gudo'ca ca lidxi ca ni que gapa ca xheela,ne de rucha ca xquenda naro' ra guini' ne ca Diuxhi xhadxi. Laaca jma naroba guiaba na' ca'."