¹ Ora guiraa ca binni que' gudidi ca' guigu' Jordan, SEÑOR gunine Josué: ² ''Guli' chii nu chupa' hombre de lade ca binni guidxi ca', ti hombre de ca zaa ca'. ³ Bidi laacabe a didxa ni bisana nia lii di': ''Gucua chii nu chupa' guie' galahui de guigu' Jordan ca, ra ca sacerdote jma suhua ca ra nu yuu' bidxi', ne yeneca ni, ne gulaquini ra laatu chiguiana tu' guaxhini ca'. ⁴ Gudidisi ndi la', Josué bisenda caabe' chii nu chupa hombre ni gulibe de ca ni zaa de Israel que', tobi de cada de cani zaa Israel que'. ⁵ Josué rabi laaca: ''Lasa niru lu guiña xti xpixhuana nu' Diuxi ndani guigu Jordan ca'. Cada' tobi de laatu guindisatu ti guie' ca ne gudxibatu ni xhique tu', segun cada tobi de ca binni ni zaa de Israel. ⁶ Zaquiñe ndi para guihuini ora ca xhiñi tu guinaba didxa ca laatu ca dxii ni seda ca': '¿Xi rinni ca guiee ca para lii?' ⁷ Yanna li zabi lu laacabe: 'Nisa guigu' xti Jordan ca gulaa ni ra lu guiña ra bitagu xtidxa XAIQUENÚ. Ora ndi gudidi ni ra nu guigu Jordán, nisa xti guigu Jordán gulaa ca'. Yanna ca guie' di zaca cani ti altar para ca binni de Israel de guiraa dxii. ⁸ Ne guidxi Israel bini ca ni naa Josué que', ne laacabe gundisa cabe chii nu chupa guie' galahui guigu' Jordán, casi ca SEÑOR gudxibe Josué. Laacabe gulaqui cabe ca guie que' bia pe guira' ca ni zaa de guidxi Israel. Yene' cabe ca guie' que ra chiguiana cabe' que ne raque' bisana cabe ni'. ⁹ Gudidisi ndi Josué gulaqui be chii nu chupa' guie' que galahui de guigu Jordán que', ra bizuhua' ñee ca sacerdote ni gundani' guiña ni bitagu didxa que. Ne altar di nuni raca dede yana dxii. ¹⁰ Ca sacerdote ni gundani guiña que' bizuhua ca galahui guigu' Jordán que de ora guiraa ni SEÑOR gudxibe Josue gabi guidxi que jma guca ni, casi guiraa ni Moises gudxi' Josué guni'. Ca binni que gucapuraa ca ne gudidi' ca'. ¹¹ Ora' guiraa binni que' biluxhe' gudidi ca lá, guiña xti SEÑOR ne ca sacerdote que gudidi' ca lu binniguidxi que'. ¹² Ne ca ni zaa de Rubén que, ne ca ni zaa de Gad, ne galaa' de ca ni zaa de Manasés gudidi ca ra lu binniguidxi Israel zuhua chahui ca casi dxu', casi modo Moises guni'. ¹³ Gaxha de tapa laate gande bixhiapa' binni jma nuu chahui ca para chi guidxelasá ca, ne gudidi cabe ra lu SEÑOR para chidxelasaa' cabe ra yuu naya gaxti danii xti Jericó. ¹⁴ Ne dxii ca SEÑOR binibe Josué nandxó neza lú Israel. Laacabe bina cabe labe', casi ca binaa cabe Moisés- guira dxii xti que'. ¹⁵ Ora que' la SEÑOR guníne' Josué: ¹⁶ ''Gudxi ca sacerdote ni ndaani guiña ni ri'ni guenda nandxo xti ni guireca de ndani guigu Jordan ca .'' ¹⁷ Ne zacá, Josué gudxi be ca sacerdote que: ''Laguiré de ndani guigu Jordan ca.'' ¹⁸ Ora ca sacerdote ni ndani guiña ra bitagu xtidxa SEÑOR que biree ca de ndani guigu Jordan que', ne bixhata ñee ca yuu bidxi que la, ca nissa xti guigu Jordan que bindaani ni' casi raaca tapa'dxii. ¹⁹ Ne ca binni que bireca be de ra nu guigu Jordán que chii ubidxa xti niru beu' ni zeda que'. Biana' ca ndani guidxi Gilgal, ladu riasa' gubidxa' de Jericó. ²⁰ Ne ca chii nu chupa' guie' ni gule cabe ndani guigu Jordán que la? Josué gulaqui cani nadni guidxi Gilgal. ²¹ Ne laabe gudxibe ca binniguidxi Israel: ''Ora ca ni zaa de laatu guinabadidxa ca bixhoze tu de ca dxi ni zeeda: '¿Xi ca chii nu chupa guie' di' pue?. ²² Gudxi ca xiiñi lu ca: ''Rarí nga ra binniguidxi Israel gudidi ndani guigu Jordan lu yuu bidxii. ²³ XHAIQUE NI NACA DIUXI XTIU bicuidxi nissa xti guigu Jordan para lii, dede ora lii tidi lu ni', casi ca XHAIQUE NI NACA DIUXI XTIU bi'ni né nisadó xhiñaa, ni Laabe bicuidxi be pur laanu ne za cá gunda gudiidinu la', ²⁴ Ti ganda sicarí, guiraa binni guidxilayú ga'na ca de que naa xti XAIQUE'NU nandxo ni', ne laatu zusisaca tu XHAIQUENU DIUXI xtitu dede guiraa dxii.''