¹ Josué biaasa nacandaru siado' ne biree cabe de Sitím. Guye cabe ra guiigu jordan, laabe ne interu guidxi Israel. Ne bicui cabe yo' de lari raque ante tiidi cabe guiigu que'. ² Gudiidi si choona dxi, ca xhaique ca dxu que guzaa ca lade ca yo' de lari ra cayaana cabe que'; ³ Gunaba cae ca binni xti cabe: "Ora guuya tu guiña xti guenda rutagudidxa xti XHAIQUENU DIUXHI XTITU, ne ca sacerdote ne ca levita nua' cani, laatu naquiñe zaanandatu ni. ⁴ Naquiiñe guzaanatu zaa niru ni de laatu bia' tapa lategande nu chii metru. Cadi guidxiñatu ni, ti ma ganda guuya tu paneza chétu, ti purti que runibiá tu neza di." ⁵ Josue gudxi ca binni que': "Lagusia' laaca laatu ixhii ti purti XHAIQUENU chi guni guendaridxagayaa laade tu." ⁶ Oraque' Josue gudxi ca Sacerdote: "Laguinaase guiña xti guenda rutagudidxa, ne la zaa niru lú ca biinni ca'." Ngue runi gunaase cabe guiña xti guenda rutagudidxa que ne guzaa niru cabe lú ca binni que. ⁷ Señor gudxibe Josué: "dxi di' chi gune lii ti hombre naroba ra lú Israel. Sana cabe de que casi ca guyua nia' Moises, sacaca siua' nia lii. ⁸ Lii suni mandar lu ca sacerdote chiné ca guiña xti guena rutagudidxa que: "Ora chindá tu rua nisa xti Jorndán -Naquiñe guzuhua dxichi tu ndani guiigu Jordán-" ⁹ Oraque' Josué gudxi binni Israel: "Latáa raríi, ne lagucádiaga ca didxa xti XHAIQUENU DIUXHI XTITU. ¹⁰ Tiidi si ca ndi sanatu deque DIUXHI ni nabani nu laadetu ne zabeetu de nezalú tu ca cananeu, ca hitita, ca heveo, ca ferezeu, ca gerseseu, ca amorreu, ne ca jebuseu. ¹¹ Biiya! Guiña xti guenda rutagudidxa xti xhaique interu guidxilayu, sadiidi cherica guiigu jordán ca nezalú tu. ¹² Yana lacuii chii ne chua hombre de ca lizaa xti Israel, tobi de cada tobi. ¹³ Ora bata ñee ca sacerdote ni nua' ca guiña xti XHAIQUE interu naca guidxilayu', cana ca nisa xti Jordán, ca nisa xti Jordán ca sabesadxí ca, ne ca nisa cuxhoñe de luguia' sabesadxhi ca ne susuhuadxi ca ne saca nabidxi, ne ca nisa nu xhaguete guiigu que laaca sabesadxi canisa cuxhoñe xti. ¹⁴ Oraque' , ora binni que sitiidi ca Jordán que, ca sacerdote ni nua' ca guiña xti guenda rutagudidxa que guzaa niru ca lu ca binni que. ¹⁵ Gudiidi si de que ca ni nua' ca guiña que llenda ca ra nu jordán que, ne ñee ca gudxe rua' nisa que' (Yana Jordán que carée de ra cuxhooñe ca dxi riladi biní), ¹⁶ Ca nisa ni cuxhooñe de luguia que' biasa ca casi ti lindaa de nisa. Nisa que bisaana e guxhoñe dede situ, dede Adán, ti guidxi nuu cue' Saretan, siyete neza nisado' xti Néguev, Nisado' xhi' que. Ne ca binni que gudiidi ca cherica guiigu que' gaxha de Jericó. ¹⁷ Ca sacerdote ni nua' guiña xti guenda rutagudidxa xti XHAIQUENU, bisuhua ca lu yuu nabidxi galahui Jordán que', dede iraa binni Israel gudiidi cherica guiigu que'.