¹ Ne Josué, xiiñi Nun, bisenda nagachi chupa hombre de Sitim chigundachica. Ne labe gudxibe laca: "Lache', la chigu'ya layú, jma rupe laguya Jericó". Lacabe bire' cabe ne yendacabe ralidxi ti guna biche' ne xcuerpu laa Rahab, ne raque bianacabe. ² Ne gudxii cabe xaique xti Jericó: "Biyaa, ca hombre xti Israel ma bedaca ne zedagundachica layú di". ³ Ne xaique xti Jericó bisendabe tuxa ye tidxii Rahab: "Gulee ca hombre ni beda ra nú lu ca, cani guyú ndani lidxu, zedagundachicabe xquidxi nu." ⁴ Peru guná' di zinee guiropa hombre di ne bicachi be laca. Ne guna' di guni: "Dxandí; ca hombre di beda ca ra nuaa, peru que ganadia' pa de zeda cabe. ⁵ Lacabe zee cabe bixhini si, ora pe rie'gu ca puerta xti guidxi di. Que ganadia', para zee cabe. Lii, zanda ugaandu lacabe, paa gacapuralu ne sá nandalu laacabe." ⁶ Peru laabe yené be laca ique yo' ne bicachi be laca lade ca tallu xti linu ni nexhe ique yo' que. ⁷ Ne zacaa ca hombre que guzananda cabe laca neza ni zee ra bandase xti Jordán. Ne ca puerta que biegú cani casi bire' ca hombre ni la'dxi laacabe que. ⁸ Ca hombre que caru gasii ca, ora labe gudxibabe zi guya be laaca. ⁹ Ne gudxibe laaca: "Naa nána de que SEÑOR ma bidii latu guidxii di ne dxibi xtitu di ma beda ni luguia'du. Guirá xixé ni nuu ndani guidxi dii, zaca xtitu ca nii" ¹⁰ Ma binadiagadu, ximodo SEÑOR bicuidxi' nisado' xiña ti zaca gunda gudidicabe ne bire' cabe de Egipto. Ne binadiagadu de ni latu binitu guiropa ca xaique xti ca amorreu cherica de guiigu' xti Jordán, Sehón ne Og, cani laatu bititu que. ¹¹ Casi pe ladu binadiagadu ca ndi la?, ladxido'do guyuu dxibii ne guenda nadxibalu xtidu biraa nii, pur ti SEÑOR DIUXI xtitu, LABE nga DIUXI de iba' ne de guidxilayú. ¹² Yanna la?, canaaba laatu la gudi xtiidxa tu naa pur SEÑOR, casica naa gu'ca nachahui ne laatu, zacaca laatu zacatu nachahui ne ca binni lidxi xti bixhoze. La gudi naa ti señal ni dxandí ¹³ de que laatu za'patu guendanabani xti: bixhoze, ñaa, ca bizana ne benda' ne guirá xixé ca binni lidxi cabe, que latu zulatu ladu de lu guenda guti." ¹⁴ Ca hombre que bicabica ne ná ca: "¡Ne rudidu xtidxa du lii pur guendanabani xtidu!" Pa lii que guinilu de ca ni ca ique du guni du, Ne ora; SEÑOR gudii laadu guidxi di la?, laadu zacanedu ne que zuche' né du laatu." ¹⁵ Ne laabe gundetebe laaca rua' ventana ne ti doo'. Yoo' ra labe nabeza be ni nuu lu ca linda' xti guidxi que. ¹⁶ Ne labe gudxibe laaca: "Laché lu ca dani ca ne la gucachi luu paca ni zinanda laatu ca zadxela be laatu. La gucachi lu ra ca pur chona dxi dede ora guibigueta ca ni zinanda latu quee. Ora ca ma zanda chetu jneza xtitu. ¹⁷ Ca hombre que gudxica laabe: "Laadu que zuza'didu diidxa ni gudxidulu lii di" ni li, bicalu laadu gutagu diidxa du, pa lii que gunilu ni chitidxi du lii di. ¹⁸ Ora laadu guedandadu ndani guidxi di la?, lii napa xide gundibilu ti ndá lari xiñaa rua' ventana ra gundetelu laadu que, ne zabidxilu ra lidxilu bixhozelu, ñaa lu ne ca bizanu ne bendu' ne guidubi naca liidxi bixhozelu. ¹⁹ Tu tica si ni guiré de ndani liidxu ne chee lu neza la?, zati cabe pur ni gulicabe ne laadu que zapadidu donda. Ne pa chú tu caana tobi de csni nú ndani lidxi lú la? laadu zati du ti que ñaca ni bidii xtiidxadu lii. ²⁰ Peru pa laatu guiní' tu de ca ni laadu rabi du chigunidu, laadu que zapadu donda de guenda rudii xtiidxa ni gunabu laadu guni du." ²¹ Rahab bicaabi: "Ni gunii lu ca gacani". Laabe gudxibe laaca ché ca ne bire'ca zee ca. Oraque bindiibi be ti nda lari xiña rua ventana que. ²² Laacabe zee cabe neza ra nuu ca dani ne raque' biaana cabe chona dxi dede ca ni zabinanda laacabe que bigueta ca. Ca ni zabinanda laacabe que biyubi ca guira neza ne que nidxela ca gaxti. ²³ Guiropa hombre que biete ca de lu dani ne bigueta ca ra nuu Josué, xiiñi Nun, ne guyui'ne cabe laa guira ni bizaaca cabe. ²⁴ Ne gudxi cabe Josué: "Dxandipe XHAIQUENU ma bidii layu' di laanu. Guira ca ni nabani ndani layu di cadxibi ca gúni laanu.