¹ Ora guira ca xaique xti ca amorreu ca ni nuu neza riaazi gubidxa de Guiigu' Jordán ne guiraa caa xaique xti ca Cananeu ni nabésaca' guriá Nisa do' Mediterrániu binadiágaca que XPIXUÁNANU bicuiidxi ca nisa xti Guiigu' Jordan hasta que gudi'di si guidxi Israel xti ladu qué, ladxido' cabe bidxaa' de dxibii ne ma que ñacaladxi ca' nidxelasaaru ca' jma, gúni guidxi Israel. ² Ca dxi qué XPIXUÁNANU gudxibe Josué: "bi'ni ti gudxiu de guie ne gulune ni seña guirá ca hombre xti Israel." ³ Ne oraque Josué bi'ni gudxiu de guie ne bicaabe seña guira xixe ca hombre xti Israel lugia dani Aralot. ⁴ Ne pur ndi nga Josué bicaa seña laacabe: guiraa ca badu nguiiu ni biree de Egipto, guti ca' lu yúde nda' gudidi si de biree ca' de Egipto. ⁵ Necape guira xixé ca badu guiiu ni biree de Egipto qué ma gucuá ca seña, nin tobi de ca xcuidi huiini ni gúle lu yúde nda qué nicá ca' seña. ⁶ Guidxi Israel gusá ca' lu yúde nda pur chupa late gande izaa, hasta que guira xixe binni,ndi nga ni cani' ní, guira ca ni ridxelazaa ni biree de Egipto qué gúti ca', purti que ñuna cabe xtidxi XPIXUÁNANU. NE XPIXUÁNANU bidii xtiidxa laacabe deque que sudii gúya cabe layú ni gudxe xtiidxabe sudiibe ca bixhoze gola ca', layú ni nabe rudi niixdi ne dxiña yága. ⁷ Ca xiiñi cabe nga, ca ni XPIXUANANU guluu lu xcar cabe, ca ni Josué guluu seña xti Diuxi, pur ti que ñuu cabe seña neza seda cabe. ⁸ Biluxe guyuu si cabe seña xti Diuxi, biaana guira cabe ndaani yoo de lari hasta dxi biánda guira cabe. ⁹ Ne XPIXUÁNANU gudxibe Josué: "Dxi di' NAA ma gulee dónda xti Egipto ni guyuu lugia tú.'' Pur nga runi biree lá raqué Gilgal dede yanadxí. ¹⁰ Guidxi Israel biaana ca Gilgal. Ne bi'ni ca zaa Pascua dxi bizaa chii ne tápa xti beu qué, huadxii qué, laga cuzuhuaa cabe ca yoo de lari xti cabe lu ra na paampa xti Jericó. ¹¹ Xti dxi gudi'disi Pascua qué, dxi queca gudó cabe ca ni rindani lu layú qué, guetaxtia ni que gapa levadura, ne cereal ni biguii. ¹² Gueta xtia ni riaba de iba' qué ma que ñabaruni dede dxi qué, gudi'disi de gudó cabe ni rudii layú qué .Ma que ñuu ru' gueta xtia ni riaba de iba' para ca binni Israel, ne íza queca gudocabe ni rudii ca layú xti Canaán. ¹³ Ora Josué guyuu gaxa de Jerico, laabe gundisalú be, ne biiyabe ti nguiiu ni suhuaa neza lú be; ne naaze espada xti lu na'. Josué guye ra nuube ne gudxi laabe: "¿Nuu nélu laadu la? o né ca ni cucaa lú laadu?" ¹⁴ Laabe bicábibe: Nin ti ladu. NAA NACA' xaiquee xti ca dxú xti XPIXUÁNANU. Nga runi naa benda'.'' Oraqué Josué gu'ta' ne gulaqui iquebe gudxilayú neza lu BE ne xtale xpia' ne gudxibe laa:"¿Né lu' xiixa ni naa gúne la?", naca ni runi xiiña lu' . ¹⁵ Ne xaique ca dxu xti XPIXUÁNANU gudxibe Josué: "Guxa helaguídi ni ca ñee lu' pur ti ra lii cuzuhuaa ñeelu di' nandxo' ní." Ne zaqué bi'ni Josué.