¹ Biluxe si ca nga la´, saa´ xti ca Judiu ni n e Jesús udxibabé Jerusalén. ² Yanna´, ndani Jerusalén ti uria puerta de ca dendxú, nu ti tanque roó ni la Betesda en hebreu, ni papa gayú ra rivú cabé. ³ Ne xtale binni huaraá, ni que ruyá, ni que ri zaá chachui o ni que rizaá ni nú racá cabezá ca ginnibi nisas qué. ⁴ Puer ti ti angel xti Señor bieté ne binibi ca nizaaqué ora que caa, ne tutisi ni chu nda´ ni nisaa que ora la ni canibi ni que laá, rianda de intisi guenda guará ni cu chiña laá. ⁵ Ra qué nuú ti hombre ni guyú huará pur gande ne chií nu xhono luú izaá. ⁶ Ora Jesús biyá la bé ne xhe bé raque, ne ora bidi be cuenta de que guyú be ra´ ca´ ma xtale iza´, la be gudxi be la´: "¿ Na pu ganna guiandu´?" ⁷ Ne hombre ni huará qué bicabi´: Señor, que gapa dia tu cuu na nda ni tanque nizá caa´ora nizá ca´canibi. Ora na chaala´, xtobi ma peca´chichu que na´. ⁸ Jesús gudxilabe: "biazá, gucuaa´ra rata lu´ne gusaa´". ⁹ Oraque ca hombre que bianda, ucua be ra rata bé, ne gusabe. Yianna, dxi que lá ti dxi sin que gunicabe gaxti. ¹⁰ Sacaque ca Judiu que gudxica´be´ni ma biandá qué: "Ndi nga dxi ni que runi cabe gaxti ne cadi na quiñe dí gualú ra rata lú". ¹¹ Labe bicabibé: " la be nga bisiandabená, gudxibená: ucuaa ra rata lú ne gusaa". ¹² La ca be unabadidxabe: "¿tu hombre nga gudxili: ´ucuaa´ ra rata lu ne gusaa´? ¹³ Pe ru , ni biandaque que gana di tu labe; ti Jesús guyebe nagachi, Pur ti nu xtale binni ra qué. ¹⁴ Jma huadxí, Jesús bidxelabe hombre que ndani templu que ne gudxibelá: "¡Vía li ma biandú! Cadi gucherov jma, ca di tobi jma feu gizacu´ ". ¹⁵ Hombre que uye´ ne gudxibe ca Judiu de que Jesús nga ni ma bisiandalabé. ¹⁶ Yanna, pur can di lá, ca Judiu us anandacabe Jesús, Pur tu la bé binibécandi´dxi que raca xhixha. ¹⁷ Jesús bicabilacabe: " Bixhoze, de yanna runni dxiña ne na tambien rune dxiña. ¹⁸ Pur ndi, ca Judiu jma nu ca guticabe la be, Pur ti cadi pur si di cadi cayunabe dxi que raca xhixa, si nu que zagaca caninebe Diuxi Bixhozebe, cayunicabe casi ca Diuxi. ¹⁹ Jesús bicabilacabe: "dxandi de xandi nga cayabelatú: Quezandadi xiñi cabe gunni xhixa la ca pur laa´, sin di ni labe ruyabe lu Padre gunni Purti iraá ni runi Padre , la canga runi xiñi sicacaca. ²⁰ Purti Padre ca nadxi xiñi ca ne rulvi be iraní runibe la cá la bé, ne labé la zuluibe xixa naroba que ndi Para que latu guidxagayatú. ²¹ Purti casi cá Padre ca lá rindízabé cani ma gutilá ne rudibé lacá guendanabanila, si cacaca xiñibe cani nadxilá rudi be guendanabáni´. ²² Pur ti Padre irutidi rudxibabe donda ¡que, si nu que ma bidibe ira ni xiñi beca´. ²³ Ti ma saca ira ca be gusigacabe´ la be casi ca rusigacacabe´ Padre. Ni que rusicacá xiñibeca´la que rusisaca´ Padre ca´ni bisendálabe´. ²⁴ Dxandi'pé,ni ruca diaga didxa xtiné ne runi cre'be tulá biséndaná napa guenda nabani ni que riluxé ne que siudi' donda luguiabé, sinu qué gudidibe de guenda guti a guenda nabani. ²⁵ Dxandi'pé,cayabe ca' laátu ,dxi' qué ma zeda' dxiña, né yanna nga laani, ora ca gue'tu' zunadiacaga xtidxi xiiñi Diuxi, né cani ucaa' diaga cani, zabanica. ²⁶ Purti casi bizoshe'nu napa guenda nabani laca'lá, zacaca la'be' ma bidibeni xiiñi be gapa guenda nabani laca'lá, ²⁷ Ne bizoshe'be ma guláqui lu na' xiiñi para udxiiba donda, purti la'be' nga xiiñi nguiiu. ²⁸ Ne cadi guidxaga'yaaditu de ndi', purti ma zedadxiiña dxi, que guira cani nu' ndani ca' ba' sunadiagaca xtidxi bé. ²⁹ Ne Zareeca: cani bi'nica' bia'sii, ne zabigueta'ca lu guenda nabani,ne ca' ni bi'ni' ni nadxába' zabigueta'ca lu guenda naná. ³⁰ Na'a qué zánda gune gaxtii pur laca na'a. Casi runadiaagá', rudxi'ba donda, ne donda rudxi' xneza ni', purti qué ruyuubedia' ni racaladxe', sinú qué ni naa ni bisénda na'a. ³¹ Pa na'a guinie' didxa de laca na'a, ni guinie'calá que sacadini dxandi'. ³² Xtobi nga ni rini' de na'a ne na'a nanna' didxa ni rinnibe de ná ,de dxandi' ni. ³³ La'tu' biseenda tu ni guyee gunine Juan, né la'be ma gunni'bé de dxandi'. ³⁴ Peru cani cayune' ni na'a rica'a di, cadi xti nguiiu ni'. Ná rabe ca'ndi laátu para que laátu ganda ilá' tu. ³⁵ Juan bedagaca ti lámpara ni ca guí,né ruzaani' ,né laátu guca'ladxi tu ñeche'tu lú bianni xti'be pur cadxi si dxi. ³⁶ Neca zacaa, didxa ni na'a napa' ,jma naroóba'ni que ni napa Juan, purti ca' chamba ni bixozhe' ma bidii ná gunne'lá, laca ca' chamba ni rune, rini'ca de na'a,que bizoshe biseenda na'a. ³⁷ Bixozhe' ni biseenda na'a, Laca la'be' ma guní'be de na'a. La'tu' que huayunadiágatu xtidxi'be nin huayuyatu xhimodo la'be' nin ti ratu. ³⁸ Né xti'dxa be que gapadituni nacalidxini en La'tu', purti que cayuni cre'tu de ni la'be' biseendabe. ³⁹ La'tu' runda chahuitu xqui'chi' Diuxi purti lú canii laátu rinni ique'tu nu guenda nabani ni que riluxhé, né laca lu xqui'chi Diuxi cayui' tu nacá, ⁴⁰ Ne La'tu' que naaditu gue'datu ranuaa para que gaanda gapatu guenda nabani ni que riluxé. ⁴¹ Na'a que ricadia guenda ruzisaca xti nguiiu, ⁴² Peru na'a ma binebia'ya' que laátu que gapatu guenda ranaxii xti Diuxi en laca laatu. ⁴³ Ma benda' lu Laa bixozhe' ne la'tu' que rica'tu na'a. Pa xtobi gueeda' de laca' laa ,laátu zaca'tu la'a. ⁴⁴ ¿ Xhi'modo zánda gunni cre tu, la'tu rica'tu guenda ruzisáca xti liza'tu, Peru que ruyu'biditu guenda ruzisáca ni ze'da de tobilucha Diuxi? ⁴⁵ Que guinni ique'ditu que na'a zúgua'a xqueja'tu neza lu bixozhe'. Ni rugu'u xqueja'tu nga Moisés, en ni la'tu ma gulaa'qui xcaandatu lugiaa. ⁴⁶ Pa ñuni cre tu Moisés, ñuni cre tu na'a purti la'be' bica'be de na'a. ⁴⁷ Pa la'tu que guni cre tu ca' ni ma bica'be,¿ Xhi'modo guni cre tu ca' xtidxa?"