¹ Yanna ora Jesús ma gúnna que ca fariseu ma bina diagaca' de que láabe cayunibe ne cagúu, nisabe jma disipulu que Juan ² (neca cadi Jesús caguu nisa be, sinuque ca disipulu stube), ³ La'be bisáanabe Judea ne biguetábe xtibiaje Galilea. ⁴ Purti naquiñe pe labe tidibe nda ni Samaria. ⁵ Ne ora qué yenda be ti guidxi sti Samaria, lá Sicar, ni nuu gaxha de layu ni bisaana Jacob para Jose xíiñí. ⁶ Bizé xti Jacob raque núu. Jesús ma bidxaga de mu gu'za ne guri gabe cue bizé que Ma yaca chi anda gala'a dxí. ⁷ Ti guna'a de Samaria veda nde'e nisa ne Jesús gudxi la'a be: "Dane na'a cádxi nisa gue'e". ⁸ Ca discipulo xtibe ma uyeca ndani guidxi yesíca' gueendaro. ⁹ Oraque na guna'a Samaritana qué rabi la'abe. "¿ximodo lii, nacu Judiu, canabú na'a, ni guelu, na'a que nacá ti guna'a Samaritana? Pur tí ca Judiu que ridaguca ca Samaritana. ¹⁰ Jesús rabi la'abe: "Pa ñuni bialu enda nach'ahui xti Diuxi, ni la'a cayabi li: 'Dane na ni que'e', lii ninabálu la'a ne la'abe mudi'ibe lii nisa ni nabanni". ¹¹ Ora que na gunaa que rabi laabe: "Señor, qui gapu xhi cuée neu ní, ne bize ca gueté ni. ¹² ¿Cadi lii nga jma nandxó' lo que bixhoze du Jacob, ni bidii la'adu bize dí de ni laaca larube guebe, casi ca bi'ni ca xhiñibe ne huze be o lii ni la? ¹³ Jesús bicabi, la'abe: "Ira ni re' nisa díia satica nisa xti biaje, ¹⁴ peru tu que ni na'a gudiee la'a, ma qué ziuu dxi gatinisa. Laga, nsa ni na'a rudie'la'abe sacani ti bize nda'ani ladxido'be, zada ni para guííi enda nabani ni que riluxhe. ¹⁵ Guna'a que gudxi la'abe: " Señor, dane na'a de nisa cá ti ma que gate nisa ne ma quegate nisa ne ma que guibi que ta rari para cue nisa. ¹⁶ Jesús gudxi lábe: " guye', yeca'a xhéela lú, ne bigueta rari''. ¹⁷ Ora que bicabí guna'a qué ne ná:"Qui gapa xhe'ela". Jesús bicabi labe:" Xandi modo nalu:'qui gapa xhe'elá, ¹⁸ purti ma gupalu ga'ayu xhe'ela lu, ne ni napu nagasi dí, cadi xhe'ela diou la'abe. Ni guníu cala dxandini". ¹⁹ Gunaa que gudxi la'abe:" Señor cayu'uya' de que nacalú profeta. ²⁰ Ca bidxosedu bisisa ca'ca lu daní di, peru lii nau' Jerusalen nga na'ca ra chi usi sa'ca ca binni ca'. ²¹ Jesús rabi labe:" gunaa, bini creena, seda nda dxi que su si sacatu bixhazenu nin lu danidi nin Jerusalen. ²² La'alu ru si sacatu ni que racabia'tu. La'adu rusi sacadu ni raca biádu, purti genda rilá ze'edani de ca judiu. ²³ Yanna la ma ze'eda yanda dxí, ne yana nga, ca ni dxandí rusi sacacá susi sacacá bixhozenu ne, xquenda ne dxandi, ²⁴ purti bixhozenu cuyubi binni zicari para usi sacá ca' laabe. ²⁵ Gunáa qué gudxí la'abe:"nana de que Mesías que' zeeda, ni rabicabe Cristu que. Ora la'abe gue'edabe, la'abe zusiene be irani la'adu". ²⁶ Jesús rabi la'abe: "Na'a ngue n'i, rinie' nia' lii". ²⁷ Ora que bigueta ca discipulu xtibe. Yanna, canabadíi dxaca xhiñe'e la'abe cann'i nebe gunáa qué, peru guirutí tú ninaba di'i dxa:" ¿xhi raca ladxi lu?" o "xhine'e canní neu la'abee?" ²⁸ Oraqué guna´a que bisa´ana ríí de nisa, né biguetabé nda´ani guidxi, ne gudxibé ca binni que: ²⁹ "Lata´, lagu´uya tinguiu ni ma gudxi na´a guira´ ca cosa ni naa ma bibpe ¿ Ndí la qué zanda dí gacbe Cristu, ñee ndí nga Cristu la"? ³⁰ La´acabe bireé cabe ndaani guidxi qué ne uyyéca ra nu´u Bé. ³¹ Ne laga, ca disipulu cadi cabezaca´ de gabica´ la´abe "Gudá go´ lo´; Maistu". ³² Peru la´abe rábibe la´acá: "Napá ti guendaro´ para gahua; ni la´atú que runibia´ tu". ³³ Ora qué, ca discípilo qué rabi xca´adxi qué: "Irurí ñedané xííxha para ñóbe, o la´acabe ya? ³⁴ Jesús rabi la´acabe: " Guendaro stine nga guné ni naa ni bise´enda´ na´a ne gundu´uxhe xhííñabe. ³⁵ ¿Cadi la´atu ngue naatu: Riáadxá xtapa be´eu jma para ma irée gueela? Na´a rabé la´atu: ¡La guindisá lú ne lagu´uyá ca layú ca, ma nu´u cani para ire´e cani gueela! ³⁶ Ni chinde´e gueela la, riaxha ne rutopa cuananaxhi pura guenda nabanni ni que zaluxhe, tí ma zacá ni rudxiibá biní ne rutupa gueelá ganda guienche´cá guiropá cá. ³⁷ "Pue rarí pé nga, riuu dichu que: "Tobi rudxiiba biní ne adxe tu ribe´e gueea´, dxanadí ní. ³⁸ Na´a bise´enda´ la´atu chinde´etu gueela ra cadi bi´ní tu dxííña. Ca xca´aadxica ma bínica´ dxiiña, ne la´atu ma beda guiu´u tu lú ní" ³⁹ Stale de ca samaritanu stí guidxi qué bini cré ca la´abe pur ni gu yuí guna´a qué ne na´: "La´abe gudxibe na´a guirá xhixhé ni ma bine." ⁴⁰ Ngué runi ora guyé ca Samaritanu qué ranu´ube, unabacá laabe guianna né be yáacá, ne la´abe bia´ana be raque xhupa gubídxa. ⁴¹ Ne jmá Rusi xtale bini cré laabe pur ca ni guñibe. ⁴² La´a cabe rabi cabe guna´a que: "Que runi credidu pur ni gudxi siou laadu, sinu que la´ape du ma bina diagadu, ne nanadu de que ndi pe nga ni zeda gula´ binni guidxilayú. ⁴³ Gudídísí chúpa gubidxa qué bireebe raque uyébe Galilea. ⁴⁴ Purti laca Jesús guní que risaca ti Profrta laca nadaani xquidxi. ⁴⁵ Ora yendabe Galilea, ca binni galileu que ye chaga lú cá la´abe. Laacabe ma biiya cabe irá xhxhe ni bíni be ndani sa´a qué, nda´ani Jerusalén. purti laca uyecabe sa´a qué. ⁴⁶ Yanna, La´abe bigueta´ be Caná de Galilea, ra bíni bé nisa qué vinu. Raqué nu´u tobí de ca xaique soldadu xtí rey, nexhé xhiiñí huará nda´ani guidxi Capernaúm. ⁴⁷ Ora bina diagabé Jesús ma biguetá de Judea ne ma nuú Galilea, guyébe ra nuú Jesús ne gunabúbe la´a guiete ne gusianda xhiiñebe ni ma yaca gatí. ⁴⁸ Ora qué gudxi Jesús la´abe: " Pa que gu´uya tú Seña ne milagru, la´atu que zuni crétu. ⁴⁹ Ná xaique soldado que rabi la´abe: " Señor, gudá ante gatí xhííñé. ⁵⁰ Jesús rabi la´abe: "Guyé ; xhiiñilú nabanni." Nguiu que bini cré ca xtiídxa´ Jesús ne bireé ze: Ora la´abe, ne rabicabe láabe de que xhiiñibe nabani. ⁵¹ Ora la´abe ziyetebe, ca xpinnibe yechagalú cá láabe, ne ra bicabé la´abé de que xhiiñibe nabani. ⁵² Oraque unaba dídxabe láaca pora pé bizulú cayanda xhiiñibe. La´acabe la´abe: " Neegué, ra ruzulú níru xhigabá huasxí ma zé xhinxá que". ⁵³ Oraque nguíiu que bietenaladxi de que oraquepé nga gudxi Jesús la´abe:" xhiiñilú nabanni". Ngé runi la´abe ne interu bínni lídxibe bini cré cabe. ⁵⁴ Ndí nga iropá milagru ni bíni Jesús ora bireé de Judea ne yuyé Galilea.