¹ Yanna, uyu´u ti fariseu lá Nicodemo, ti xhaíque xtí ca judiu. ² Nguiuú di uyebe ra nu´u Jesús ti gue´ela´ne rabibe laa: "Rabi, nanadú de líi nga ti Maistru ni beeda de Diuxi, purtí ninpé ti binni que zanda guni ira ca ni líí runilúca pa ñaca cadi nuu né Diuxi la´a." ³ Jesus rabi la´abe: "Bia´sinní, solo que pá chú tu laá qué galé xti biaje, que zanda dí chu´ ra runi mandar Diuxi. ⁴ "Oraque na Nicodemo": ¿Xhimodo zanda galé ti nguiuu sti viaje pa ma huaniísi? ¿Zanda xa guiu´ube nda´ani jñaabe pur iropa viaje ne ma gale´bé? ¿Zanda? ⁵ Jesús bicabi laabe: " Gabé´ ca lii, tu laá que gale de nisa ne de guenda, que di chú ra runi Diuxi mandar." ⁶ Purti ni gale de béela, laa, ne ni gale de guenda, guenda la´a. ⁷ Cadi idxaga ya´a lú de que naá ma gudxé lii: "Napú xhidé gale lú xti biaje´." ⁸ Bi rundubi ladu tiisi ná, líí que ganu padé zeeda nin paráa ché. zacáca nga irá ni rale de Guenda. ⁹ Nicodeno bicábi ne rabi la´abe: "¿Ximodo zanda gaca ndí ya? ¹⁰ Jesús bicabi la´abe ne gudxi la´abe "¿lii naca lú binni ni rusi´idi xtí Israel ne nin zaca que rirnnr lú ca ndí la? ¹¹ Dxandi´pé, gabé cá tii, rinnidu ni nannadú, ne rui ne du la´atu ni bidu´uyadu. Peru, la´atu qué ricaatu ni rabidu la´atu. ¹² Pá ma huayabé laatu de ca cosa guidxilayú ne que runi creetú, ¿Xhimodo ñuni cree tú pa ñabé la´atu de ca´xixá nu´ ibá? Ibá: ¹³ Irutí huaguíba ibá pá cadi xha ni biete de iba´: Nga nga Nguiu Biseenda Diuxi. ¹⁴ Cásica Moisés undízabe xa be´endá que ra nuu yú ndá, zaqueca nga naquiñe indizabé nguiu ní. ¹⁵ Tí irá ni guni cree la´abe, gapa guenda nabani ni qué zaluxhe. ¹⁶ Purti Diuxi gunaxhii xhaatá binni guidxi´latu´, ngué runi bidii tobi lucha xhiiñí, ti irá tu guní cre laabe que zati, sinuque gapa enda nabanni ni que zaluxhe. ¹⁷ Purti Diuxi cadi biseenda xhíiñi ndaa ni guidxi´layú para udxiiba donda Íque ca binni guidxilayú, sinuque para ilá binni pur la´a. ¹⁸ Tu runi cre xtíiñibe ca que zaguíba donda íque, peru ni que runi cree que ma dxíbá dondá íque, purti que runi creebe lu lá tobi lucha xhiiñi Diuxi. ¹⁹ Ne runi ndi ngá zaguibá dondá ique cabé: Ne biaani beeda ndaní guisxilayú, guirá ca hombre gunaxhii ca jma guelacahui que biaani, purti marú guira ni runica. ²⁰ Purti irá ni runi cadi jneza lá nanalá dxi biani ne qui zie ra naya´ni ti cadi ihuinni ni runi. ²¹ Ti purti guirá ni runi jneza la zie ra nu biaani. Para que cani cayunibe, ni runibe ne Diuxi la ihuinni cani. ²² Udi´di si ngue la Jesús ne ca disipulos xti guyecabé guidxa´ Judea. Raqué biaana nébe laca xhadxí, Ne guiuú nisabé. ²³ Ya ná, Juan lacá guiuu nisa ndani gudxí Enún, gaxha de salim, purti raqué nuu ziá nisa. Ca binni rie´ca ra nubé riu nisa cá. ²⁴ Purti Juan caru mandí gutegú yodi ca´bé lá. ²⁵ Raqué bizulú ti guenda ridinde´ didxá lade cadxi cá dicipulo xti Juan ne ti Judiú, de guenda´ riari para guicá Diuxi la´. ²⁶ Lacabé guyécabé ra nu Juan ne gudxibelá "Rabi ni nunelí xti ladú guigú xti Jordán de ni bidí lu didxá ni ma gucá. cuguú nisabé Ne girá cabe guye cabé ra nu be´" ²⁷ Juan bicab: "Ti hombre gastí zandá ica´ de pa´ que icabe´ ni de ibaa´ " ²⁸ Laca latú zanda´guinitu´de ni na guinie´, cadí naa dia nga Cristu, sinu que na nga gunie´ nanga bizenda´ cabe´, ni zaá nirú lubé. ²⁹ Gunaá ca la xti xheela´be la be. Peru xhamigu xhelabe, ni nu cuébe´la, ne riudiago´ ne rieche xtale, pur ni binadiaga´ gunibe que, zacari yana´, gunda rieche xtine di ma biza´. ³⁰ Na pá xhide guinizibe, peru n la que guinizedia la´. ³¹ Ni zeda´ de lu guiá, xhibá lu guia cabé Ni de guidxilayui lá, binni guidxilayu laa´. ³² Ne de guidxilayu rini. Peru ni beeda de ibá la Jma risacá que irá xixé binni. Ne ruiné be binni ni bi´ yabe ne ni bina diaga be, ne iruti runi cre laabe. ³³ Ne ni bini creé la be. ma biya de que Diuxi nga ni dxandí. ³⁴ Purti ni la bizenda´ Diuxi rini ca xtidxa Diuxi. Purti labe que rugu biadibé guendá rudibe´. ³⁵ Nadxii Diuxi xiiñi, ne ma gudixhe irá xixé lu ná xiñi. ³⁶ Ne tu runi cre xiñi be lá napa. Guenda nabaní ní que zaluxe, peru tu que guzuba´ xtidxa´ be, qué zapadi guendá nabani, sinique xkiana xti´ Diuxi zianá lu guiabé."