¹ Gudidisi Candi lá, Jesus guyé xti ladu nisa do' xti Galilea, ne la'ca' laani nisa do' xti Tiberias. ² Xtale binni sinanda la'be', purti cayu'yaca' ca guendanandxo' ni la'be' cayúnibe lugia' ca ni huaraa. ³ Jesús guyé cue' ti daani ne guribe raqué ne ca discípulo xtibe. ⁴ (Yanna, pascua qué, za'a xti ca judíu,sedayubá.) ⁵ Ora Jesús gundisa lú ne biiyabe xtale binni seeda ra nu'be', gudxibe Felipe: "¿Para'a zinú guetaxtiá para que ca ndi' ganda goo pue?" ⁶ (Peru Jesus guni' ndi' para gu'yabe xi naa' Felipe, purti la'be' nánabe ni laapebe chi gunibe.) ⁷ Felipe bicabi la'be': "Chupa gayuaa denariu de guetaxtiá que sugaandani icaa cada tobi neca ca'dxi." ⁸ Tobi de ca discípulo, Andrés, bi'chi' Simón Pedru, gudxibe Jesús: ⁹ "Rari' nu'u ti xcuídi ni napa gaayu' guetaxtiá de cebada, ne chupa benda, peru ¿xi naca ca' ndi' lade guira' ca ndi' ya'?" ¹⁰ Jesús guni': " La gúni cuii ca binni cá." (yanna, guyu'pe' xtale guixi raqué.) Ne zaqué ca nguiiu qué gurii ca', gaxa de gaayu' bixiapa. ¹¹ Ora qué Jesús gucua' ca guetaxtiá que ne bidi'sibe xquixe Duixi, bidi'be ca ni zuba que, ne zaqueca bi'nibe' ne ca benda que, xtalepe bia gupacabe gana. ¹² Ora ma bidxa' nda'ni' ca', la'be' gudxibe ca discípulo xtibe: "La gutopa ca nda'a biaana cá, ti ma que guiniti gaxti'. ¹³ Ne zaqué bichaagaca' ne bichá ca' chii ne chupa hruba' nee ca nda'a ni biaana de ca gaayu' guetaxtiá de cebada qué; ca nda'a ni biaana de ca ni gudóca qué. ¹⁴ Yanna lá, ora ca binni que biiyaca' ca guendanandxo' ni la'be' bi'nibe' qué, guni'ca': "Ndi' dxandipe' naca' profeta ni nexe gueeda guidxilayú." ¹⁵ Ora Jesús gúna nda'ni' xquendabiaani' que laacabe' ma nuucabe' gueedacabe' ne guina'secabe' la'be' ne gu'ca'cabe la'be' gacabe xaique, La'be' bire'be' zebe xtúbibe' ra nu'u danni qué xti tiru. ¹⁶ Ora gúnda huadxí, ca discípulo xtibe biete ca' ra nisa do'. ¹⁷ Guyu'u si cabe nda'ni' canuá qué, biaba ca' nisa do' ti zacá chinda ca' Capernaúm. Nacahui pe' ora qué, ne Jesús ca'ru' chindaa ra nu'u cabé. ¹⁸ Ne cundubi ti bi yooxo', ne nisa do' qué sini'bini. ¹⁹ Ora ma bica'nacabe gaxa de gaayu' o xoopa' neza biaa', laacabe' biiyacabe Jesús zeda zaa lugia' nisa do' zedadxiiña ranu'u canuá qué, ne bidxiibicabé. ²⁰ Peru la'be' gudxibe laaca': "¡Naa Ndi'! cadi' guidxiibiditú." ²¹ Ora qué laacabe' gunaacabe guyu'be' nda'ni' canuá qué ne nague'nda canuá qué yendá guidxi ra zee cabe qué. ²² Xti dxi qué, guira' binni ni guyuu xti ladu nisa do' qué, biiyaca' de que gaxtiru' xti canuá raqué,pa cadi' tóbisii, ne Jesús que ñuu di' nda'ni' nii nee ca' discípulo xti', sinu que ca discípulo xtibe ze ca' xtubi ca'. ²³ Neca zaqué, nu'u ca'dxi canuá ni beda nda' de Tiberias, gaxa de ra laca'be gudó cabe guetaxtiá que, gudi'disi de que Señor bidi' xquixe. ²⁴ Ora xtale bidí cuenta de que nin Jesús nín ca discipulo xtibe ma que ginní di cabe ra qué, la cá la cabé guyú cabe nda ni' ca canva' que ne guyé cabe Capernaún cuyubicabé Jesús. ²⁵ Biluxhe si bixhesicabé labe xtilado de nisa que, la cá be' gudxicabe be la bé: ''Rabí, ¿pora bedu rari?'' ²⁶ Jesús bicabilabé, ne ná: de dxandí, de dxandí, la tu cuyubituná, cadi pur dí viyatu ca señal ca, sinu que gudo tú. geta xtiá ne bidxa ndánitú. ²⁷ Cadi gunitu dxina pur ca guendaró ni rira', sinuque pur guendaró ni rianá de guendanabani xhadxi, Ni xhiní hombre zudí latú ; Purti Diuxhi Bixhozenú ma ulaquí ti sellu lubé. ²⁸ Yanalá la cábé gudxícabelabe: ''¿Xhí zanda guninu para ganda guninu ca obra de Diuxi?'' ²⁹ Jesús bicalabé: ''Ndi nga obra de Diuxi: que latú guni cree tu en ni la bé bizendabé.'' ³⁰ Zicacá la ca be gudxicabélabé: ''xhi señal zunú ya, para que' ganda guyadu negunícredú en líí? ¿xhi zunú? ³¹ Ca bixhozenú gudó ca gueta xtía ni biabá de guibá lu yu ndá qué, Purti ca si caní lu guichí: ''Diuxi BIDÍ LACÁ NI GOCÁ GUETA XTIA DE GUIBA.'' ³² Ora qué Jesús gudxila'cabe': dxandi cayabelatú, de que cadí Moisés di nga ní bidí latú guetá xtia de guibá, si nu que Bixhoze nga ni rudi la tu ni dxandi pe gue ta xtía de guiba'. ³³ Purti gueta xti a xti Diuxi, la ni nga rietenide guibá ne rudiní guendanabaní guidxilayu. ³⁴ Nga ru ní gudxdicabe labé: '' Señor, bidíladú iradxí de gueta xtía dí. ³⁵ Jesús gudxi la cabe: ''Na nga gueta xtia de guendánabaní; Ni la redá ra n ua lá que zandánadi, Ne tu lá runi cree nála' que ziuu dxi ga' ti nisá. ³⁶ Peru na la gudxe la tu de que xhandipé huayuyatuna', ne que runí cree' tu'. ³⁷ Ira ni rudi' Bixhoze' naa' lá , zedani' ra' nua', ne ni reda' ra'nua' lá, naa' dxandi'pé qué zaladxé la'. ³⁸ purti naa' biete de guibaa', peru cadí para'gunedia' Ni racaladxe', si nu que ni racaladxi' ni bizenda'naa'. ³⁹ Ne ndinga' ni racaladxi'ni bizenda'naa', de qué cadí gunite'dia' nin tobi'de ca ni bidi'be'naa'. si nu que' guindiza' laca'be ora guiluxhe' dxií. ⁴⁰ Purti ndinga'ni racaladxi' Bixhoze', ne ira ni guya' xíñí'be ne gunni'creé labe'la', saca' guendá' nabaní ni qué zaluxhe' ne zandisa'la' ora guiluxhe'dxií. ⁴¹ Oraquela' ca judiu guní'lizaa ca'be xhiñe labe' gunnibe': "Nanga' pan ni biete de guibaa'." ⁴² Ne laca'be naacabe': "¿Ñe cadí ndingá Jesus la', xhiñii Jose qué, Ni bixhoze'ne ñaa' runibia' nú la'ca? ¿shimodo' yanná labe'nabe nagasí: Naa' biete de guibaa'?" ⁴³ Jesús bicabi' laca'be: la' gusanna' de giní'lizaatu'. ⁴⁴ Guiruti' que zanda' guedá' ra'nua' huaxa pa cadi bixhoze', ni bizenda'naa' guedá'nela' ra' nua', ne zandiza' la'de ora guilushe' dxií. ⁴⁵ Saca' cáni' lu ca' profeta: "GUIRATU SUSIDI' DIUXI LATÚ" guira nima bicádiaga ne ni bizidí de bixhoze' la' reda'ca' ra nua'. ⁴⁶ Cadi purtí guyú tuxha biya' Bixhoze', mas que ni beda de Diuxi, Ne nga nga' ni ma biya'' Bixhozenu. ⁴⁷ Dxandi, dxandi cayabelatu,ni la runi cree, napa guendá'nabaní ni que rira' ⁴⁸ Na' nga guetá xtia. ⁴⁹ Bixhozetu' gudo' gueta xtia ni biaba de guibaa' lu yuu nda' que, ne guticabe ⁵⁰ Ndí nga gueta xtia ni ridge de guibaa', ne ni goo de la be la, que satidi'. Na' nga gueta xtia ni navani ne ni biete de guibaa'. Tutisi ni goo de mandila', sabani guira' dxi. ⁵¹ Guetá xtia ni chi gudie' la tu' di la', béla láde ni' pur guendá' nabaní xti guidxilayú." ⁵² Ca judiu la bidxichicabe' ne ca ni' zaa ca la ca' la ca', canica': "¿Shimodo' zanda' hombre di gudilanu' de Béla ládi' xti para guidono'? ⁵³ Yana' Jesus gudxilacabe': "Dxandi', dxandi cayabelatu', a menu que goto de Béla xti xhiñi Hombre ca ne guetu' rini' xti'be , la tu' que sapa' di tu' guendá'nabaní ni xti pe tu' ⁵⁴ Nuni la' goo Béla xti'be ne gue' rini' xti'ne' laa, napa guendá'nabaní ni que sara'; ne na su si bane la xdi ma biluxhe. ⁵⁵ Purti Béla xti'ne laa dxandi' endaroni', ne Rini' xti'ne nca' guendare' dxandi'. ⁵⁶ Ni goo´bela´xtine, ne ni guee riinni xtine, nu nebe´naa ne nua nia laabe´. ⁵⁷ Zaaca´casi bixhozenu´ yudi guenda nabani bizenda´ benaa´, ne zacaca´nabane pur bixhoze´; ne zaqueca´ni goo´ de naa la´, zabani pur naa. ⁵⁸ Ne ndi nga panni biaba´ de guibaa´, ne cadi casi ni gudo´bixhozutú ne gutica´. Tu laa´goo de pan di la qui ziudxi´gatii´. ⁵⁹ Ne ndi guni´ Jesus ndani yudu´. Laga cozidibe´ ndani guidxi Capernaúm. ⁶⁰ Ne ora que xtale de ca disipulos ni guyudiaga ndi la´, gunica, "naganna´ guenda´ rizidi di" ¿Tu laá zanda guicani? ⁶¹ Purti Jesús nana ca´que ca disipulos xti cani li zaá ca de ndí. Gudxibe laca´ "¿ndi yuni naa´ latú? ⁶² Ne ora que ¿pa ñuyatu´xiiñi nguiu´ ziguiba ra guyú be dxique? ⁶³ Ne xguenda´ nga rudí guenda´ nabani: Ne bela la´ lu gaxti que´ riquiñe ca diidxa ni huayué nia latu nacani xguenda ne guenda nabani. ⁶⁴ Huaxhape´, nu cadxi de latú ni que runi cree. Purti Jesús na na´dede dxi guzulú tunga cani qui ñuni cree ne tunga ni chigudxideche labe´. ⁶⁵ Ne gunibe "ne runi ndi ni gudxe latú que iruti zanda gueda ra nua´. De paque zedani pur bidxozenu´. ⁶⁶ Ne pur nja xtaré de ca discipulos guyeca´ne ma qui niza nedi ca labe´. ⁶⁷ Jesús ora que gudxibeca chii ne chupa´ discipulos. "¿Latú laca napatu´gana chetu´?" ⁶⁸ Simón Pedro bicabi labe " Señor ¿tu ranu chudu´? Li na pu didxa de guenda´ nabani nque zaludxe. ⁶⁹ Ne ma binicredu ne nanadu de que linga ni gulí´Diuxi". ⁷⁰ Jesús gudxi laca be´: "¿cadi nadia biyube´ latú, ca chií ne cupa. Ne tobi de lade tú, runi xhiña binidxaba´?" ⁷¹ Yana la´, labe canibe de Judas, xhiini Simón Iscariote, purti labe ni, tobi de ca chií ne chupa ni rizane labe, ni la chigudxi deche´ Jesús.