¹ "Dxandi',dxandi'pé cayabe ca' la'atu: Ni que riu' neza puerta ndani xcurra ca' dendxu',Peru rigui'ba xti ladu, nguiiu ca' nacá ti uba'ana né ti ni nadxiña na'. ² Ne ni riu' neza puerta cala', nga nga ni rapa dendxu'. ³ Ndi' nga ruxalé ni rapa ra' puerta , né ca' dendxu'ca runadiagaca xtidxi'be, né la'abe ruca ridxibe ca' xti'be pur laa ca' ne ribebe la'ca de ndani que. ⁴ Ora ma gulebe guira ca' xti'be que , la'abe riza nirube lú came, né ca dendxu'ca rinandaca' la'be', purti ma runibiáca' xtidxi'be. ⁵ Ni que runibiacame que sinandacame, cadi ni zuni came nga, zuxoñecame de la'abe purti que runibia'came xtidxi ca' ni que runibiacame." ⁶ Jesús gunine lacabé parábola di', peru lacabé que ñenecabe xinga naca' ni la'abe gudxibe'laca'. ⁷ Ora qué Jesús gudxi'lacabé xti' tiru : "Dxandi', dxandi'pé cayabe la'atu na nga nacá puerta' xti ca' dendxu'. ⁸ Guira ca' ni beda ante de na'a , nacá'ca gubána ne ni nadxiña naa', peru ca' dendxu' que ñunadiagaca' la'acabe. ⁹ Na'a nga nacá puerta; pa tobi chu' pur na'a, ndi' nga ni zalaa. siuu né zaree né zadxe'laa guixi be'de. ¹⁰ Guba'na' cadi reda sí sinu para cuaana', guuti ne guxaa. Na ma benda' para que gapatu guenda nabani ne gapatuni xtale. ¹¹ Na nga naca ni nána gapa' dendxu'.Ni nána gapa' dendxu' zudi' xquenda nabani pur ca' xtendxu'. ¹² Ne ni riaaxa para gapa' ne que rapa dendxu' ne cadi xti pe' ca' dendxu'ca, la'a ruuya ora ma zeda' gueu' ne ruzana ca dendxu' ne ruxooñe , né gueu' riaaxa' lugiacame né rucheche ndase laacame; ¹³ La'be' ruxooñebe purti cayaxá si be né que riza'a ladxi'be la'came. ¹⁴ Na'a nga nacá ni nána gapa' dendxu', ne na'a runebiaya ca' xtine' ne ca' xtine' runibiáca na'a. ¹⁵ Bixozhe' runibia' na'a né na rune biayaa bixozhe', né ribaaque guenda nabani xtiné pur ca dendxu' ca'. ¹⁶ Napa xcaadxi dendxu' nicadi nacá de ndani curra di; laca naquiiñe' guedania' laacame, ne laacame zunadiagacame xtidxe' para que ma chu ti curra ne tóbi ni gapa' laacame. ¹⁷ Ne pur ndi'nga Bixozhe' nadxii na'a: Purti na rudiee guenda nabani xtiné para ibigueta icani'. ¹⁸ Iruti raxá'ni na'a, sinu qué na'a de na pia' rudie'eni. Na'a napa para gudie'eni ,né nexé'ni lu náaya' para ibigueta icanii. Ndi' nga diidxa ni bidii bixozhe' na'a." ¹⁹ Ti guenda rila'a guyú xti tiru lade ca Judíu pur donda' xti ca' didxa di'. ²⁰ Xtale de lacabé gunicabe: " La'abe napabe ti binidxába' né gaxtii xpiani be. ¿Xiñe' cuca' diágatu la'be'?" ²¹ Xcaadxi guni'ca: " Cadi candidi nga didxa xti ti nguiiu ni' nu'u ti binidxába la'a. ¿Ñe'e zánda ti binidxába guxalebe lú ca ni que ruuyá' la?" ²² Yanna gúnda si dxi za'a xti dxi ria'pa' ndaani' Jerusalén. ²³ Dxi nanda, ne Jesús si zaa lu neza xti yu'du' xti Salomón. ²⁴ Ora qué ca Judíu bizuhuaca' lúbee ne gudxica' la'be': "¿Pa biaa' dxi zuca'lu ndi' iquedu pue? Pa lii nga Cristu, gudxinii la'adú nayaa do'." ²⁵ Jesús bicabi laaca': "Na'a gudxé la'tú, peru la'tú que runi cre tú. Ca dxi'ña' ni rune' lu laa' bixozhe', ca ndi' rusi huini'cani de na'a. ²⁶ Neca zacá, la'tú que runi cre tú purti cadi' nacatú dendxu' xtine'. ²⁷ Ca dendxu' xtine' runadiaga ca' xtidxe': Na'a runebia'ya la'ca' ne la'ca' rizanandaca na'a. ²⁸ Na'a rudie'e la'ca' guendanabánii ni que zaluxé; la'ca' que siu'u dxi gática', ne guiruti' zaxa laaca' de lu naaya'. ²⁹ Bixozhe', ni bidi' la'came na'a, naca jma naro'ba que de guira' xcaadxi ca', ne guiruti' zanda gáxa' la'came de lú naa' bixozhe'. ³⁰ Na'a ne bixozhe' nacadu tóbisii." ³¹ Ora qué ca Judíu ucua'ca guiee' xti tiru para gucha ca' la'be'. ³² Jesús bicabi laaca': "Na'a ma biluee la'tú xtale dxi'ña galan xti bixozhe'. ¿ pur gunaa' de ca dxi'ña' di' cuchaatu guiee' na'a?" ³³ Ca Judíu bicaabica' la'be': " La'adú cadi' cuchaadu guiee' lii pur nin tobi de ca dxi'ña' galan. sinu purti didxaguidxa caniú, purti lii, ti nguiiu, cayu'nu la'ca' lii Diuxi. ³⁴ Jesús bicabi laaca': " ¿Cadi' cá lu xti'dxabe: 'NAA GUNIE: LA'TÚ NACATÚ BIDO'? ³⁵ ¿Pa la'be' ma gudxibe la'tú bido', ni ranu'u xti'dxa Diuxi be'da'(ne ca didxa ni ma gucuá ,que zanda guixaa'cani), ³⁶ La'tú rábitu'ni ni bixozhe' gule'e chú ne bizé'nda nda'ni' guidxilayú ': Lii caniú didxaguidxa', purti na'a guniee': Na'a nga xiiñi' Diuxi? ³⁷ Pa na'a cadi' cayúne' ca dxiiña' xti' bixozhe', que gúni cre tú na'a. ³⁸ Neca pe', pa cayúne'cani, neca que gúni cre tú na'a, laguni cre lu ca dxi'ña' di' ti ma zacá gunibiaatú ne guiénetu de que bixozhe' nu'u lugia'ya' ne na'a nua'a lugia' bixozhe'." ³⁹ Laacabe' xti tiru gucala'dxicabe nina'zecabe Jesús, peru la'a bixo'ñe' de lu naa cabé. ⁴⁰ Jesús biree ze' xti tiru xti ladu Jordán, ra Juan primé gulú' nisa, ne bia'na' raqué. ⁴¹ Xtale binni be'da' ra nu'be' ne naa ca': "Juan dxandipe' que ñúni milagru, peru de guira' ni Juan ma guni' de nguiiu di' dxandi caní." ⁴² Xtale binni binicre la'be' raqué.