¹ Chi tiidxe laatu de ti ni chi guiana né guiraa xti bixhoze, ora laabe na huini ru be la? naca ru be casi ti mozo, necape laabe xtibe guiraa ni napa bixhoze be que. ² Huaxha laabe nuu ru tu cusiidi laabe ne cayabi laabe xhi guni be dede ra guizaa dxi gudixhe bixhoze be que. ³ Laca zacaca, dxii laanu guca nuu xcuidi, gucanu casi ti mozo ni biini ni na guidxilayú. ⁴ Huaxha ora beda ndaa dxii la?, Diuxi biseenda Xiiñi, ni gule de ti gunáa, ni gule xa'na' ley. ⁵ Laabe bi'nibe ndi ti gulá be cani nuu xa'na' ley, ti za ca ganda guicaabe laanu casi xiiñi be. ⁶ Ne cumu xiiñi be laatu la? Diuxi biseenda Espíritu xti Xiiñi ndani ladxidó' no, ni ru ca riidxi: "Abba, Bixhoze." ⁷ Nga runi ma cadi naca diou ti mozo, sinu que xiiñi be, ne pa naca lu xiiñi be la?, laca za cou ca xtiibe ni zeda de Diuxi. ⁸ Huxha dxi'qué la? ora laatu que runibiá tu Diuxi que la?, guca pa xi dé bi caa cabe laatu gaca tu mozo xti ca ngue, cani pur xtipa ni napa ca que la? que lica naca ca dios. ⁹ Huaxha laatu ca ni ma bini bia' tu Diuxi, o jmá biasi, cani Diuxi ma runi biá laaca, ¿Xhi ñee ndi cabigueta tu lu ni biini binni guidxilayú ni que gapa xtipa ne que ri saca? ¿Rapa tu gana gaca tu mozo xti tiru? ¹⁰ De yanna rapa tu laní, ne ca beu na tu jma nandxó', ne zaqueca ca dxi ne ca iza. ¹¹ Ca dxiibe de que ca dxiiña ni naa ma bine nia laatu ca que guisaca cani. ¹² Biche ca, rinaba laatu guni tu casi bine', purti naa laaca beda gaca casi laatu. Laatu que nu chee ne tu naa. ¹³ Huaxha nanna tu dxi bizuluá' byue nia laatu xtiidxa Cristu la? guca ni pur ti guenda huará ni gupa. ¹⁴ Neca huaraya que, que nudxii deche tu naa, ne que nibixhila'dxi tu naa. Sinuque, bichagalú tu naa casi nuchagalú tu ángel ni bisenda Diuxi, casi ca ñaca Jesucristu. ¹⁵ ¿Yanna pa raa nuu ndaaya xtibe ya? purti na zabe laatu, pa ñanda la?, ni bé tu ca bizalú tu ca ne nudíi tu cani naa. ¹⁶ Yanna, ¿Ma guca nanaladxi tu naa pur cayabe laatu ni dxandí la? ¹⁷ Laacabe bini cabe ti xtipa na rooba dede guni ganar cabe laatu, peru ni cadi para gacané laatu. Laacabe napacabe gana guxhale cabe laatu de naa, ti gunitu pur laacabe. ¹⁸ Izaa galán nga chuu guenda racané xtobi, ne cadi si ora nua nia' laatu. ¹⁹ Xiñe huine ca, xti tiru ca yaca naya de yuba casi ora rixanna ti guná pur laatu ne zaluxhe ni dede dxi usihuinni tu cayuni mandar Jesucristu laatu. ²⁰ Ñacaladxe ñua nia laatu yanna ca ne nuchaa modo ri nié niá laatu, pur ti ma que guidxela xhi gune nia' laatu. ²¹ Lagabi naa, laatu cani rapa gana guni ni na ley, ¿que runa diaga tu ni cá lu ley la? ²² purti cá de que Abraham gupa chupa xiiñi', tobi ca la? ne gunaa ni guziibe ne xtobi ca la? ne xhela pe be. ²³ Huaxha tobi que la? gule de gunaa ni guzii be que, peru xtobi que la?gule casi rale tutiisi badu huini, huaxha xtobi ni gule de xhela pe be que la? gule purti bidii xtiidxa Diuxi gale. ²⁴ Ca ndi la? zanda gaca cani casi ti ejemplu, pue guiropa gunaa di zeda gaca ca casi chupa modo gudixhe Diuxi chu' né binni laa tobi si. Tobi de ca gunaa que la? de Daani Sinaí la' ne laabe la? rapa be xiiñi be ni ma bixuí, ne ndi nga Agar. ²⁵ Yanna Agar la? zeda gaca casi Daani Sinaí ndani Arabia; ne casi ñaca zedaca be casi Jerusalén yanna pe, ti laabe la? bidoo be laabe ne ca xiiñi be. ²⁶ Ne Jerusalén ni nuu ibá' la? la huaxha bichaganá, ne lá nga ñaa'nu. ²⁷ Sicarí cá lu xqui'chi Diuxi: "LII GUNAA NI QUE ÑANDA ÑAPA BA'DU', BIECHE'. LA GUCAA RIDXI NE GUENDANAYECHE' LAATU CANI CADI CAYAPA XHIUBA BA'DU'. PURTI JMA XTALE XIIÑI GUNAA NI BISAANA XHEELA LAA, QUE XIIÑI GUNAA NI NABEZA NÉ XHEELA'." ²⁸ Peru laaatu, biche ca, casi Isaac la?, zacá ca nga nacatu xiiñi ni bidii xtiidxa Diuxi. ²⁹ Dxi qué la?, ni gule modo na binni gudxilayú la? guzabi nanda ca ni gule de Espiritu. Ne zacá'ca cayaca ni dede nagasi. ³⁰ Peru, ¿xi na xtiidxa Diuxi ya? "GULEE DE RARÍ GUNAA NI BIXUÍ'QUE NE XIIÑI. PURTI XIIÑI GUNAA NI BIXUÍ QUE LA? QUE'ZUDIIDI BE XIIÑI GUNAA NI NAPA XHEELA QUE GAXTI." ³¹ Ngue runi, biche ca, laadu la? que naca di du xiiñi gunaa ni bixuí, sinu que xiiñi gunaa ni napa xheela.