¹ Ti purti para guila' nu nga Cristu bilaa lanu. Ngue runi, la guzuhua dxiichi ti cadi guibigueta guiliibitu lu ti yugo. ² Laguuya, naa, Pablo, cayabe latu de que pa latu guianatu sin guicatu seña laa? que lica zacanedi Cristu latu. ³ Xti tiru, na canie' guiraxhixhe hombre ni rudi guica seña napaa xhide guuna ni na ley. ⁴ Pur ti latu ma bidxaletu de Cristu, latu ni cuyubitu guidxia' xtondatu pur ley; latu ma que ricaditu guenda nachahui. ⁵ Pur ti pur Espiritu, pur guendarunicree, ladu ribesadu ne gana ni Diuxi ma bidii xtidxa pe guxhia xtonda nu. ⁶ Ne Cristu Jesus nda rica seña ne guenda que ricaa seña gaxti nacani para labee, sinu que guendarunicree si guni dxiiña pur guendaranaxhi. ⁷ Latu si guxhoñe chahui ndatu' jneza. ¿Tu bicueza latu guunatu ni dxandi?. ⁸ ¡Enda ruchaa ni rini iqué tu di que zeda dini de ni bica ridxi latu! ⁹ Tudxi si levadura rusiro'ba cuba ca. ¹⁰ Na rune cree Señor de que latu que sunicree diitu xti didxa ni na que cayabe latu. Diuxi susaba' naa ni caguite latu di, tuticasi gacani. ¹¹ Bicheca, pa naa? canierua de que guica tu seña, ¿Yana xhiñe zabi nanda rutu na ya? Pa sacani laa?, guie' ni rirenda ñecabe xti cruz que laa? ma bitucabe ni. ¹² Ne cani cuchiña latu, na racaladxe que laca'be gucabe rana'cabe hombre. ¹³ Pur ti latu guliidxi cabe latu para que guilaa tu. Cadi guiquiñetuni para que latu guibiguetatu lu guenda' ruche xtitu; laga la guiquiñe guendaranaxhi, ne la gacane liza'tu. ¹⁴ Pur ti guirá xhixhe naca ley ca racani lu ti didxa ni bisanane Diuxi lanu: lu "LI NAPA XHIDE GANAXHILU BICHILU CASI CA LI''. ¹⁵ Peru pa latu goyatu ne guxhuxhetu laca latu, la cue xcanda ti cadi guinitilutu ¹⁶ Na laca rinie, la zaa lu Espiritu ne que suniditu xhixha para que latu guche tu. ¹⁷ Pur ti guenda ruche rucaluni Espiritu ne Espiritu rucaluni guenda ruche. Nga runi ca ndi nisi cadinde liza' ca, ne sicari que zandadi gunitu ni racaladxi tu gunitu. ¹⁸ Peru pa latu ziului' Espiritu latu xhi gunitu, latu cadi nuditu lu ley. ¹⁹ Yana ca guenda ruche ca ma rihuinicani: chu nelu xhela xtobi, ni nabidi, guenda rica iqué puru enda riu ne guna', ²⁰ guenda rusisaca bido', ni runi xhiña binidxaba, ca guenda que racaladxi xtobi, guenda ruca lu liza', guenda ridxichi xiñe xtobi napa, guenda riaxha ridxichi, guenda que riegu liza', guenda que ruchaga didxa, guenda ruxhale, ²¹ guenda raca ladxi gapa xti xtobi, guenda rixhudxi, guenda ridinde, ne xcadxi casi ca ndi. Cayabe ca latu, casi ca gudxe latu, ca ni runi guira ca ndi que siudica ndani nda runi mandar xti Diuxi. ²² Ne ca cuananaxhi xti Espiritu laa? guenda ranaxhi, guenda nayeche, guenda ratadxi ladxido, guenda ribeza, guenda nachahui, guenda racane xtobi, guenda runi cree, ²³ guenda nado' ne guenda rucuesaa laca laa; ne para ca ndi gaxti di ley. ²⁴ Ne ca ni naca xpinni Cristo Jesus ma bicaa cabe lu yaga' cruz guira guenda ruche ne ni rale ndani ladxido cabe. ²⁵ Pa laanu guibaninu pur Espiritu laa?, laanu laca zaazanu pur Espiritu. ²⁶ Cadi guluinu ni napanu, guzitinde liza' nu laca lanu, gacaladxi liza' gapa nu ni xti xtobi.