¹ ¡Binni huati de Galata! ¿Tu laa bi'ni dxiiña de brujeria laatu? Nezalutu, Jesucristu biyadxichitu gucuabe lu cruz. ² Ndi si nga napa ganna gana' de laatu: ¿ñee cuguaatu espiritu xti purti binnatu ni na ley la o purti binni cree tu? ³ ¿Ñee nahuatitu la? bizulusitu ne Espíritu, ¿Yana ma chiluxetu lu beela? ⁴ ¿Huadi'ditu xtale cosa para gaxti', ñe dxandipe' para gaxti? ⁵ Xa ni rudi' Espiritu que laatu, ne runi guendanandxo' lade tu, ¿Runi beni pur bi'nibe ni na ley la, o pur guendarunadiaga ne endarunicree xtibe? ⁶ Casi ca Abraham: "BINICREBE DIUXI NE GUCUAA DIUXI LAABE DE NACHA'HUI'." ⁷ Zacaca, laguiene, que cani runi cree que, nacaca' xiiñi Abraham. ⁸ Maca bisaaniru Diuxi lu xtiidxa zuxhia xtonda cani cadi zaa de ca judiu ra guni cree ca', maca biui' nebe Abraham, rabibe laa: "NE GUNI LII ZIUU NDAAYA GUIRA' GUIDXI." ⁹ Ngue runi, ca ni runi cree que ziuu ndaaya neeca' Abraham, xa hombre izá binicree ¹⁰ Guira' ca ni rudxibalunaa ley la, nuuca xana ti guendariaba naa; ne zicari nga ca ni: "GUIABANAA GUIRA XIXE NI QUE RUNI NI CA LU XQUIICHI DIUXI, TI GUNI CA' DE GUIRANI". ¹¹ Yanna la ma nannadxi'chi nu guiruti zala xtonda nezalu Diuxi ra guni ni na ley, "NI NACHA'HUI ZABANI PUR GUENDARUNI CREE". ¹² Peru ley ca cadi zeeda di ni de lu guendarunicree, sinu que: "BINNI NI RUNI NI NA LEY, NAPA XIDE GUIBANICA' PUR LAACANI". ¹³ Cristu bilabe laadu de lu guendariabanaa xti ley, ra biabanabe laabe pur laadu, purti zaca cani: "GUIABANAA GUIRA XIXE NI GUGAANDA LAA LU YAGA". ¹⁴ Ti ca' ndaaya xti Abraham gugaanda ni ca ni cadi zaa de ca judiu lu Cristu Jesus, ti laadu gannda guicaadu ni bidii xtiidxa Espiritu Santu. ¹⁵ Biche ca', la gudii gaabe laatu casi binni guidxilayu nannanu. Ora ma bizeecabe lu gui'chi ra bitaagu xtiidxa binni guidxilayu neza lu ley guiruti zanda guxia o cu'ru luni. ¹⁶ Yana ca ni bidii xtiidxa Diuxi Abraham ne ni za de laa. Cadi nadi be: "Ca ni zaa de laa," cadi cani'dibe xtale, sinu que tobi lucha si, " ne nizaa de lii," ni naca Cristu. ¹⁷ Yanna ni canie' nga sicari': Ley ni beeda gudi'disi 430 iza, que ni beedi babati xa pactu maca bizeenda Diuxi que. ¹⁸ Ti pa ni chicaa si cabe que zeeda ni ra gunicabe ni na ley la? yanna ma cadi zeedadini ti maca bidii xtiidxa Diuxi zaca que. Laga Diuxi bidiibeni Abraham ti bidii xtiidxa be laa. ¹⁹ ¿Laga xi para guta xtii ley ya? Guta xtiini pur guendaruchee xti binni, dede dxi xa ni zaa de Abraham que gueeda ra nuu ca ni ma bidii xtiidxabe laaca. Dxi que la ca Angel nga bidiica ley xa ni bizuhuaa lu xtiidxa ca' nezalu Diuxi ²⁰ Yanna, ora tuuxa guini' laape ne xtobi, guiruti di que ziuu galaa de guiropa cabe. Ne laca Diuxi bidii xtiidxa'be Abraham pe'. ²¹ Yanna la: ¿ley que adxé ni para ca xtiidxa Diuxi que? ¡Cadi zacaca di ni! Purti pañaca ti ley ca bidiicabe ni para ñanda nudiini guendanabani, ne de dxandipe enda nacha'ui xti Diuxi ñedananda ra ñunicabe ni na ley. ²² Peru xtiidxa Diuxi biteegu guirani lu pecadu. Diuxi bi'ni' guira ndi ra bidii xtiidxa zula laanu ra guni creenu Jesucristu ne laca nuuni para guiraa tu guni cree. ²³ Yana, dxi ca'ru guni creenu, daguyoodo lu na ley, casi ñaca ñu'du lidxiguiiba dede dxi guhuini guendarunicree que. ²⁴ Ngue runi ley que guza niru ludu de ra bendanda Cristu. Ti ñanda guihuini cadi nuzaabinu gaxti ra guni creenu. ²⁵ Peru yanna ra ma runi creedu la, ma guiruti zinandadu. ²⁶ Purti guiratu xiiñi Diuxi laatu lu guendarunicree xtitu lu Cristu Jesus. ²⁷ Pur xtale de guiratu biuunisatu lu la Cristu, laatu ma gucuaatu Cristu. ²⁸ Ma gaxti di judiu nin griegu, gaxti esclavu nin ni canaza zacasi, gaxti di hombre ni gunaa, ti guiratu nacatu tobi si ra guni creete Cristu Jesus. ²⁹ Pa laatu nacatu de cristu, laatu nacatu ni zaa de Abraham, ne ca ni chigade' casi ca laabe bidii xtiidxa be.