¹ Oraque' gudiidi si chii ne tapa iza naa gudxiba nia Bernabe xti tiru Jerusalén, ne laaca gucua' Titu ne naa. ² Naa gudxiba ti purti Diuxhi bilui' naa xhiixha ne bilue laacabe de de ca xtidxa Diuxhi ni naa cayue lade ca ni cadi Judiu. Naa gunie' nia naga'chi ca ni rului naca ca binni risaca, para gana dxiiche de que cadi canaguxhooñe, ninca cadi bixhooñe zia'. ³ Uaxa nin pe Titu, ni nu' ne naa ne naca Griegu, que que nuca' cabe laa niga' ti nda de laa. ⁴ Ca ni cadi dxandi bichinu beeda ca naga'chi para gundachi ca xhi runinedu guenda rila' ni napadu lu' Cristu Jesus, laaca gucaladxi ca guni ca laadu esclavu. ⁵ Huaxha laadu que ninaa du ñunidu ni naa ca nin ti tiru, para ganda ni dxandi' xti xtidxa Diuxhi guiaana ne laatu. ⁶ Huaxa ca ni rilui risacaca' , ni nacaca', que riza' ladxe. Duixi rica' tutiica binni, ca ngá , naa rabe, que ñedane di ca gaxti para naa. ⁷ Huaxa, laacabe biiya cabe de que luguia'ya guta xtidxa Diuxi para ca ni ca'ru chu' ca seña xti Diuxi, casi ca guta luguia' Pedru xtidxa Diuxi para ca ni ma nu' seña xti Diuxi. ⁸ Ti purti Diuxi ni biini dxiiña luguia Pedru para gaca Apostol para ca ni ma guyu seña xti Diuxi, laca biini dxiña luguia'ya para ca ni cadi Judiu. ⁹ Ora Santiagu, Cefas ne Juan, ca ni runibia' cabe laaca casi ca ni bicui Iglesia, bieene ca guenda nacha'hui ni gucuaa, bidi na ca ladu derechu xti guenda xti guenda rizane tobisi Bernabe ne naa. Laacabe biini ca ndi para laadu chu' du ra nu ca ni ca'ru chu' ca seña xti Diuxi, ne laacabe che' cabe ra nu' ca ni ma guyu' seña. ¹⁰ Laacabe gunaba si cabe laadu guietenaladxidu de ca ni que gapa, Ngueca nga ni iza' racaladxe gune. ¹¹ Huaxa ora Cefas beeda Antioquia, bizuhua lu' be ne bidxie' lua' laabe, ti purti cadi cayunibe jneza. ¹² Ante guedanda cadxi hombre bizeenda Santiagu, Cefas ro' ne cadxhi ni cadi Judiu. Huaxa bedanda ca hombre di, laabe gulezadxi' be ne guyu be zitu de ca ni cadi Judiu. Laabe bidxibi be ca ni rini' ca de que naquiñe nga guenda riu seña xti Diuxhi ¹³ Ngaca ca xcadxi Judiu bieguca lu guenda rini' si ne que runi di'. Dede Bernabé llené cabe laa lu neza ni cadi jneza xti guenda rini' ne que runi xti cabe di'. ¹⁴ Huaxa ora naa biiya ni cayuni cabe di' cadi sinanda dxandi xti xtidxa Diuxhi, gudxe Cefas neza lu de guira cabe: "Pa lii naca lu ti Judiu huaxa nabanilu casi ti ni cadi judiu ne cadi casi ti Judiu, ¿xhi modo nga cucaa lu ca ni cadi Judiu guibanica casi Judiu pue?" ¹⁵ Laaca du' nacadu Judiu de dxi gule du ne cadi ni cadi Judiu ni huache'. ¹⁶ Huaxa nannadu de que guiruti di nga huaxhia xtonda pur ca ni ma bi'ni' o pur ley, huaxha pur guenda runi cre' Jesucristu. Laadu laca bedanda du lu guenda runi cre' Cristu Jesus para ganda guixia xtonda du pur guenda runi cre' Cristu ne cadi pur ca ni ma biini du o pur ley. Ti purti pur ni ma biini ca o pur ley, nin ti binni guidxilayu que zaxia xtonda ¹⁷ Huaxa pa laga laanu cayacaladxinu guixia xtondanu pur Cristu, laanu laca guidxela ruche' nu' ¿oraca ya? Cristu laca racane guenda ruche? ¡nin ti nda' cadi dxandi' ndi! ¹⁸ Ti purti pa naa guzaya xti tiru ca ni naa bixhiaya, naa culue de que cuche' nia laaca na. ¹⁹ Ti purti pur ley, naa ma gute para ley, para ganda guibane para Diuxhi. ²⁰ Naa ma gucuaya Lu yaga cruz ne cristu. Ma cadi naa dia nga nabane, laga cristu nga nabani luguia' ya. Guendanabani ni naa nabane nagasi ndani guidxilayu' di, nabane ni pur guenda runi cre' xtine lu xhiiñi Diuxhi, ni gunaxhi naa ne bidii laaca laa pur naa. ²¹ Naa cadi cabe chua dia guenda nacha'hui xti Diuxhi, ti purti ni jneza xti Diuxhi ñanda nica' cabe laa pur Ley, ¡oraca la? que niquiiñe guenda guti xti Cristu!