¹ Ne ra ma ziluxe la biche ca, cu'du ganna laatu ne guindisadu laatu lu Señor Jesus. Zaca casi ca bisidi chaauidu laatu laatu de ximodo saatu ne gusieche tu Diuxi, casi ca sizaatu ca, ma ru si la gunni ni. ² Purti laatu ma runibiaatu xi naquiiñe gunitu ni bidiidu laatu lu señor jesus. ³ Ndi nga ni racalaadxi Diuxi: gaca santificartu, que gucaa ique tu chuu netu ni cadi xeela tu, ⁴ cada tobi de laatu ganna gapa xheela ne cadi guchee ne xheela ne honor. ⁵ Cadi gapatu xeela tu casi ti gunaa zaacasi (casi runi ca ni cadi judiu que ni que runibia'ca Diuxi). ⁶ Nin ti hombre cadi quite bi'chi ne guni mal bi'chi', ora cazaaca sicari'. Purti señor zuquixe lu ca ndi', casi ca ma bisaanirudu luutu ne guyuiinedu laatu. ⁷ Diuxi cadi bicaa ridxi di laadu lu guendaruchee, sinu para guire' chuunu de laani ne gaca nu tobi si ne laabe. ⁸ Ngue runi, ni que rina guni ndi que rudxiideche di binni, sino que Diuxi, ni biidi Espiritu Santu xti laatu. ⁹ Ne de guendaranaxhii saa cadi caquiiñe di guiruti gucaani para laatu, purti laapetuu ma huaziiditu pur Diuxi ganaxhii lisaa tu. ¹⁰ Dxandi pe, laatu runitu ni ne guiraa ca bi'chi tu nu guidubi Macedonia. Hermanu ca', peru laadu ma gudxidu laatu, maru si gunitu ni. ¹¹ Laadu laca biluidu laatu xiinga ne xiñee nga naquiiñe gapa tu ganna guibanitu nuu dxi ladxido' tu, laguuya laca ni xtitu ne la guni dxiiña ne nátu, zaca casi ma gudxidu laatu. ¹² Laguni ndi' ti ganda saatu dxandipe lade ca ni que runi cre, para laatu que guiaadxa gaxti. ¹³ Laadu cadi nuudu guienetu ni adxé, bichi du ca', de ca ni ma guti ca, ti laatu cadi chuutu nagundu casi ca xcaadxi que ganna xi chi guizaaca. ¹⁴ Purti pa runi creenu Jesus guti ne bibaani xti viaje, zaque zedane Diuxi ne Jesus ca ni huayasi runicre laabe. ¹⁵ Laadu cayabi du ndi laatu pur xtiidxa Diuxi, nga runi laadu nabani du, ca ni ziaana de dxi guedanda señor, dxandipe que zazaniru dica lu ca ni ma guti. ¹⁶ Señor pe ziete de guiba'. Laabe zendandabe ne zaca ridxi, ne zucaa xaique ca angel ridxi, ne zaxidxi trompeta xti Diuxi, ne ca ni ma guti runi cree Cristu niru laaca ziasaca'. ¹⁷ Ra que ma laanu ca ni nabani, ca ni riaana, zugaanda nu laacabe, lu ca zaa nuu guiba', para guidxaagadu Diuxi lu bi. Para guibaninennu Señor. ¹⁸ Ngue runi, la gusigani lisaa tu ne ca diidxa di.