¹ Yana de ca dxi nuutu ne ca tapa nda' xti iza, biche ca, laatu cadi caquiiñe tu gucaa xhiixha para laatu. ² Ti purti laaca tu nana dxichi tu, de que dxi xti Señor seeda casi ti gubaana uaxhini. ³ Ora laaca be guini' cabe: "Guenda ratadxi ne guenda riudxichi", oraca malasi ti guenda racade' seeda luguia cabe. Casi yuuba ora chi xhana ti guna ni nacaxhiiñi. laacabe que gapa cabe xhi modo guxhoñe cabe ⁴ Peru laatu biche ca, cadi nu tu lu guelacahui para dxi ca uganda laatu casi gubana. ⁵ Ti purti ira tu naca tu xhiiñi biani ne xhiiñi ridxíi. Laanu cadi naca di nu xhiiñi huaxhini o guelacahui. ⁶ Pue yana, cadi chi gasi di nu casi xcadxi. laga nga, chi nde xcanda nu ne cadi chu' nu naya. ⁷ Ti purti cani rasi, runi cani huaxhini, ne ca ni rixhudxi runi cani huaxhini ⁸ Ti purti casi nacanu xhiiñi ridxíi, cadi chu' nu naya. Gacunu coraza de guenda runi cre' ne guenda ranaxhi, ne cascu de guenda ranadxiichi de que huidxe salaanu. ⁹ Ti purti Diuxhi cadi gulaqui di laanu para xhiana, laga para guicanu guenda rila, pur Señor jesucristu xtinu. ¹⁰ Laabe nga guti be pur laanu para ganda saca, neca pe nexhenánu o nisia'si nu, ganda guibani nu cue' be. ¹¹ Ndi runi la gucha' nisa lu lisaa tu, ne la gusuha dxichi lisaa tu, casi ca modo maca cayunitu. ¹² Canaba du laatu, biche ca, la gunibia ca ni runi dxiña laade tu ne ca ni nu' luguiatu lu señor, ca ni cusiene ca laatu. ¹³ Ne laaca canaba du laatu icaatu laacabe casi ni iza' nadxitu pur xhiiña cabe. Chu' guendaratadxi laade tu. ¹⁴ Cusiene du laatu, bichu du: Lacua'qui ca lú ca ni que ribaqui chahui ca, la cuu gana ca ni ma biniti ca gana, lagacane ni que gapa xtipa, cadi guire tu gana de guira. ¹⁵ Lacue' xcanda de que nin tobi cadi gudxigueta ni cadi jneza ne ni cadi jneza. Laga nga, ira dxi la guni xtipa pur ni naca jneza para xcadxi ne para guira. ¹⁶ Laguieche de guira dxi. ¹⁷ Laguini' ne Diuxhi sin cuezadxi tu, la gudi xquixhe pe pur guira. ¹⁸ Ti purti ndi nga ni racaladxi Diuxhi lu Cristu Jesus para laatu ¹⁹ Cadi guzui tu espiritu. ²⁰ Cadi guicatu casi ni que iquiiñe ca profecia. ²¹ La guni prueba guira ca cosa. La guianane de ni naca jneza. ²² La guiduba de guira guenda nadxaba. ²³ Laaca pe Diuxhi de guenda ratadxi guzia interu naca tu. Guira Espiritu, xquenda, ne cuerpu guiapa sin donda para dxi gueeda Señor Jesucristu xtinu. ²⁴ Que rudxi deche di ni cani' ne lii di', ni laa laca súni ni. ²⁵ Hermanu ca, la guini' ne Diuxhi pur laadu. ²⁶ Laguica guira ca bichi tu ne ti bixhidu nandxo'. ²⁷ Canaba pur Señor Jesucristu de que gui'chi di ganda guiunda ni para guira ca bichi nu. ²⁸ Guenda nachaui xti Señor jesucristu chu' ne guira tu.