¹ Yanna , ra ma que gu'ndu chú dxii ludxido' do la, gunii iquedú jmu neeza nu zaanu cabe laadú xtu'bido Atenas. ² Bizcendadu' Timoteo, bichi nu' ne anncabe ni ruuni xiñu Diuxi lu evangelio xtii Cristu, ti gudii xtipa ne cuuqui dxii ludxi do'to lú guenda runi cree xtiitu biini du ndii ti guiruti guibiixhí xpiouni ra tiidí lu guenda na na'. ³ Ne laatu nannutú para ndii ngu bibii du'. ⁴ Do dxandiipe dxii guyúdu ne laatu, maca gudxi cadu laatu ma ya'ca nuudu de tiididu lu guenda na na', ne nganga gúcani ccasi laatu mu nunnatu'. ⁵ Ne guni ndii la ra ma quo ganda chúdxii ladxiduá bizenda Timoteu ti ganna'xi zeexa guenda ru'ni cree xtiitu', cadi ma'lasi biquinde binni dxuba' laatu nno dxiiña xtiidu qui guoree ndú. ⁶ Peru dxii biree Timoteo ra' nuutu beedu ra nuudu la. Zicarú nacubi gudxibe laadu de guenda runi cree xtiitu ne pubiaa nu dxii santu'. Gudxibe laadu guizaa rrietonalu'dxitú guira' ni biinidu ne laatu'. ⁷ Guni ndii la bicheca'gu diidi ca'ca yuuba guyú ladxide'do' ne de guiraa xizaa ni guyúdu ne caguenda na na'guni laatu ne ra gunna'de guenda runi cree xtiitu. ⁸ Yanna guuní ndii laadu nabanidú palaatu gucuaatu dxiichilu neeza xtii xpixuana nú. ⁹ ¿Xi xquixe zanda laadu gudiidu Diuxi gunni laatu? Ne guíraa guenda na ye'che ni napadú laatu nezulú Diuxi xtiinu. ¹⁰ Ridxii ne huaxinni laadu rini needu Diuxi nadipá ti ganda gúyudu lú tu no gudiidu laatu ni cayaadxa lu guenda runi cree xtiitu. ¹¹ Ne la'ca Diuxi bixoozenu'ne xpixhaana nú Jesús, guinaazo nádu chine laadu ne chúdu ra nú tu: ¹² Ne xpixhuana nú, gusi roobu ne gutale guenda rannaxhii laade tú tobi ne xtoobi ne zaque'ca ne guiraa binni: ne casicu laadú ne laatu. ¹³ Ne laabe gúnibe ndii ti gucú ludxi dooto nadipa ne sin donda ne, nayaa' sin guenda ruchee neza lú Diuxi xtiinu ne bixhoze nú ra cabezanu ibigueta xpihuana nú Jesús no guiraa ca binni ni ma bireechú parasi laabe.